Qazaqstan quramasynyń Aziia oiyndaryndaǵy medaldar sany 16-ǵa jetti. Búgin túske deiin ulttyq qurama qorjyny úsh qola medalmen tolyqty, dep habarlaidy massaget.kz portaly.
Semserlesýdiń sablia túrinen áielder arasyndaǵy komandalyq jarysta Qazaqstan quramasy qola medal ielendi. Shirek finalda Gonkong komandasyn 45:40 esebimen jeńdi. Alaida jartylai finalda Qytaidan kelgen qarsylastaryna 45:25 esebimen jol berdi.
Semserlesýdiń shpaga túrinen Qazaqstan erler quramasy da komandalyq jarysta qola júldeger atandy. Olar da shirek finalda Gonkongty jeńdi. Jartylai finalda japondarǵa jol berip, qola medaldy qanaǵat tutty.
Semserlesý erejesi boiynsha jartylai finalda qarsylasyna utylǵan komanda ne sportshy birden qola medal ielenedi.
Baidarka men eskek esýden Qazaqstan komandasynyń múshesi Aleksandr Kýlikov "slalom" baǵdarlamasy boiynsha úshinshi satydan kórindi. Jekelei synda óner kórsetken otandasymyz japon jáne qytai sportshylaryna jol berdi.
Qazirgi tańda Qazaqstan quramasy 1 altyn 5 kúmis 10 qola medalmen jalpy esepte 10-orynda keledi. Búgingi jarys baǵdarlamasy áli aiaqtalǵan joq. Aldaǵy ýaqytta Indoneziia jerinen qýanyshty habarlar kútemiz.
