يندونەزييادا ٶتٸپ جاتقان حVIII جازعى ازييا ويىندارىندا بٷگٸن ريو وليمپياداسىنىڭ چەمپيونى دميتريي بالاندين براسس ەدٸسٸمەن 100 مەترگە جٷزۋدە ازييا ويىندارىنىڭ فينالىنا ٶتتٸ, دەپ حابارلايدى قازاقپارات تٸلشٸسٸ.
قر ۇوك باسپاسٶز قىزمەتٸ مەلٸم ەتكەندەي, ول ٸرٸكتەۋ كەزەڭٸندە مەرەگە ەكٸنشٸ بولىپ كەلدٸ. ونىڭ كٶرسەتكٸشٸ - 1.00.07. بٸرٸنشٸ ورىندا بٸزدٸڭ سپورتشىدان سەل عانا وزىپ كەتكەن قىتايلىق سپورتشى تۇر.
دميتريي بالاندين جاراقاتىنا بايلانىستى 200 مەترگە براسس ەدٸسٸمەن جٷزۋ جارىسىنا قاتىسپايدى. دەل وسى قاشىقتىقتا بالاندين ريو وليمپياداسىنىڭ چەمپيونى اتانعان بولاتىن.
ال وسى قاشىقتىقتا سىنعا تٷسكەن تاعى بٸر قازاقستاندىق سپورتشى ەلٸبەك قامزەنوۆ ٸرٸكتەۋ كەزەڭٸندە 14-شٸ ورىنعا شىعىپ, جارىستان تىس قالسا, تاعى بٸر وتانداسىمىز ەدٸلبەك مۋسين 100 مەتر قاشىقتىقتا باتتەرفلياي ەدٸسٸمەن جٷزۋدە 52.99 سەكۋند نەتيجە كٶرسەتٸپ, فينالعا جولداما الدى. ەدٸلبەك مۋسين ٶز توبىندا ريو وليمپياداسىنىڭ چەمپيونى, سينگاپۋرلىق دجوزەف سكۋلينگتٸ عانا الدىنا جٸبەرٸپ, ەكٸنشٸ نەتيجە كٶرسەتتٸ.
جالپى ەسەپتە 5-شٸ ورىن العان جەرلەسٸمٸز ەندٸ فينالدىق بەسەكەدە باق سىنايدى.
اقتىق سايىس بٷگٸن استانا ۋاقىتىمەن كەشكٸ ساعات 17:00-دە ٶتەدٸ.
