Indoneziiada ótip jatqan HVIII Jazǵy Aziia oiyndarynda búgin Rio Olimpiadasynyń chempiony Dmitrii Balandin brass ádisimen 100 metrge júzýde Aziia oiyndarynyń finalyna ótti, dep habarlaidy QazAqparat tilshisi.
QR UOK baspasóz qyzmeti málim etkendei, ol irikteý kezeńinde márege ekinshi bolyp keldi. Onyń kórsetkishi - 1.00.07. Birinshi orynda bizdiń sportshydan sál ǵana ozyp ketken qytailyq sportshy tur.
Dmitrii Balandin jaraqatyna bailanysty 200 metrge brass ádisimen júzý jarysyna qatyspaidy. Dál osy qashyqtyqta Balandin Rio Olimpiadasynyń chempiony atanǵan bolatyn.
Al osy qashyqtyqta synǵa túsken taǵy bir qazaqstandyq sportshy Álibek Qamzenov irikteý kezeńinde 14-shi orynǵa shyǵyp, jarystan tys qalsa, taǵy bir otandasymyz Ádilbek Mýsin 100 metr qashyqtyqta batterfliai ádisimen júzýde 52.99 sekýnd nátije kórsetip, finalǵa joldama aldy. Ádilbek Mýsin óz tobynda Rio Olimpiadasynyń chempiony, singapýrlyq Djozef Skýlingti ǵana aldyna jiberip, ekinshi nátije kórsetti.
Jalpy esepte 5-shi oryn alǵan jerlesimiz endi finaldyq básekede baq synaidy.
Aqtyq saiys búgin Astana ýaqytymen keshki saǵat 17:00-de ótedi.
