قازاقستان كومانداسىنىڭ تۋ ۇستاۋشىلارى, كونكيشٸ ەكاتەرينا ايدوۆا مەن شورت-ترەكشٸ ابزال ەجٸعاليەۆ بەيجٸڭ وليمپياداسىنىڭ اشىلۋ سالتاناتىندا تاريحي وبرازبەن بوي كٶرسەتتٸ. ولار ساق پاتشايىمى توميريس پەن قازاق باتىرىنىڭ كەيپٸندە ەل الدىنا شىعادى, - دەپ حابارلايدى Olympic.kz.
كوماندانىڭ تۋ ۇستاۋشىلارى كيەتٸن كيٸمگە نەگٸزٸنەن قازاقتىڭ ۇلتتىق ويۋ-ٶرنەگٸ «قوشقار مٷيٸز» بەينەلەنگەن. ايتا كەتەلٸك, ٶرنەك ەلەمەنتتەرٸن ديزاينەرلەر ەبٸلحان قاستەەۆ اتىنداعى مەملەكەتتٸك ٶنەر مۇراجايىمەن بٸرلەسٸپ دايىندادى. توكيو-2020 وليمپياداسىندا دا وسىنداي قادام جاسالعان بولاتىن.
ال جاپونيياداعى جازعى ويىندارعا تۋ ۇستاۋشىلاردىڭ كيٸمٸن تٸككەن ديزاينەر-مودەلەر ۆيولەتتا يۆانوۆا بەيجٸڭ وليمپياداسى تۋ ۇستاۋشىلارىنىڭ دا فورماسىن دايىندادى.
«تۋ ۇستاۋشىلاردىڭ كوستيۋمٸ ٶز ەلٸنٸڭ دەستٷرٸ مەن مەدەنيەتٸن پاش ەتەدٸ, سوندىقتان, بٸزدٸڭ باستى ماقساتىمىز دا وسى بولدى. قازاق حالقىنىڭ ەركٸن رۋحىن ۇرپاقتان ۇرپاققا جالعاسىپ كەلە جاتقان باي تاريحىنان ارتىق ەشتەڭە بەينەلەي المايتىنى انىق. قازاقتىڭ باتىرلارى مەن توميريس پاتشايىمى تۋرالى اڭىزداردى بٸز دە, بارشا ەلەم دە بٸلەدٸ. كوستيۋمدٸ دايىنداۋ كەزٸندە وسى بٸر قىزىقتى وقيعالاردى باستى نازارعا الدىم», - دەيدٸ ديزاينەر.
«ٶرنەكتٸڭ نەگٸزٸندە بارشا ەلەم حالىقتارى ەجەلدەن قۇرمەتتەيتٸن, ەڭ مىقتى ەنەرگييا كٶزٸ سانالاتىن كٷن جاتىر. بۇل تەك مىقتىلارعا – جەڭٸمپازدارعا باعىتتالعان. بٸزدٸڭ باستى باتىرلارىمىز – سپورتشىلار, وليمپياداشىلار تەرتٸپكە بەرٸك, ماقساتى انىق, ٶز ارماندارىنا سەنٸمدٸ قادام باسقان, بالا كٷنٸنەن بەرٸ باستى ماقساتىنا جەتۋ ٷشٸن ەڭبەكتەنگەن جاندار», - دەپ اتاپ ٶتتٸ ول.
قازاقستاندىق مودەلەردٸڭ ايتۋىنشا, ويىننىڭ اشىلۋ سالتاناتىنا ارنالعان فورمانى دايىنداۋ قيىنعا سوققان. سەبەبٸ, جۇمىس كەزٸندە كليماتتىق ەرەكشەلٸكتەردٸ دە ەسكەرۋ قاجەت.
ەيەل ادامعا ارنالعان كوستيۋم پالتو جەنە قولمەن ٶرنەكتەلگەن بٸرەگەي سەۋكەلەدەن تۇرادى. بۇل كوستيۋمدٸ قازاقستاندىق شەبەرلەر 3 اي بويى, ەربٸر سانتيمەترٸن ٶز قولىمەن دايىنداعان. كٶپتەگەن انتيكالىق اۆتورلاردىڭ شىعارمالارىندا كەزدەسكەن ەرٸ مىڭداعان جىلدار بويى اڭىزعا اينالعان ساق پاتشايىمى وسى تۋىندىعا ارقاۋ بولعان.
ەيەل ادام كوستيۋمٸندەگٸ «قوشقار مٷيٸز» ٶرنەگٸ قورشاعان ورتامەن ٷيلەسٸم تاپقان, ٶمٸرگە تالپىنعان, قۇنارلىلىق پەن مولشىلىقتى بەينەلەيدٸ. ەر ادامنىڭ كوستيۋمٸندەگٸ نەگٸزٸ ەلەمەنت – قالقان ەرلٸك پەن باتىرلىقتىڭ سيمۆولى. ەكٸ كوستيۋمنٸڭ دە استارى تەرەڭ. باستى تٷس بولىپ قارا جەنە «جەڭٸمپازداردىڭ تٷسٸ» سانالاتىن التىن تٷس تاڭدالدى. قارا سۋ جولبارىسىنىڭ جىلى دا ەسەپكە الىندى. ٶيتكەنٸ, وليمپيادانىڭ باستالۋى تاپ وسى جىلدىڭ ەنۋٸمەن سەيكەس كەلٸپ وتىر.
قازاقستاندىق اتلەتتەر كوستيۋمنٸڭ تولىق كٶڭٸلدەن شىعاتىنىن كيٸمدٸ ٶلشەگەن سەتتەن-اق ايتىپ كەلەدٸ. ەسكە سالايىق, ابزال ەجٸعاليەۆ ەكٸنشٸ وليمپيادا قاتارىنان ەلٸمٸزدٸڭ تۋ ۇستاۋشىسى اتانىپ وتىر.
«بٸزدٸڭ كوستيۋمدەرٸمٸز بٸرەگەي ەرٸ راسىمەن دە مىقتى ەنەرگەتيكا سەزٸلەدٸ. مۇنداي ماڭىزدى سەت ەكاتەرينا ەكەۋمٸزگە سەنٸپ تاپسىرىلعانىنا قۋانىشتىمىن. ەل نامىسىن وليمپيادادا قورعاۋ ٷلكەن ابىروي, ال تۋىڭدى الىپ شىعۋ ارقىلى جاۋاپكەرشٸلٸك ودان ەرٸ ارتا تٷسەدٸ. بۇل سەزٸمدٸ جەتكٸزۋ مٷمكٸن ەمەس!», - دەيدٸ ابزال ەجٸعاليەۆ.
ەسكيزدەن باستاپ سوڭعى سىرۋعا دەيٸنگٸ پروتسەسس ٷش ايعا سوزىلدى. بۇل ٶنەر تۋىندىسىن دايىنداۋعا 20-دان اسا شەبەر جۇمىلدىرىلدى, ونىڭ ٸشٸندە 2 كونسترۋكتور, 4 تٸگٸنشٸ, سۋرەتشٸ جەنە 8 كەستەشٸ بار. كيٸمدٸ بەزەندٸرٸپ تۇرعان بارلىق كەستە التىن, كٷمٸس جٸپتەرمەن جەنە مونشاقتارمەن قولدان جاسالدى.
«كوستيۋمدەردٸڭ ەسكيزٸ وليمپيادانىڭ اشىلۋ سالتاناتىنا دەيٸن قۇپييا ٷستالدى. سوندىقتان, كوستيۋمنٸڭ قانداي بولاتىنى مەن ٷشٸن ەرەكشە قىزىق ەدٸ. كوستيۋمنٸڭ كەرەمەت شىعاتىنىنا كٷمەنٸم بولعان جوق. الايدا, بۇل كوستيۋم مەن ويلاعاننان دا ارتىق دايىندالىپتى! ۇوك پەن وسى بٸر سۇلۋلىقتى قولدان جاساعان بارلىق شەبەرلەرگە ٷلكەن العىسىمدى بٸلدٸرەمٸن. بارلىق جان-دٷنيەسٸن سالىپ ٸستەگەن دٷنيە ەكەنٸ سەزٸلٸپ تۇر. قازاقستاندى وسىنداي دەڭگەيدە تانىتۋ ٷشٸن بۇدان اسقان نە ويلاپ تابۋ كەرەكتٸگٸن بٸلمەيمٸن», – دەدٸ ەكاتەرينا ايدوۆا.
ايتا كەتەلٸك, وليمپيادا ويىندارىندا سپورتتىڭ 8 تٷرٸنەن 34 سپورتشى باق سىنايدى.
