ۆيدەو كادرى
دەنساۋلىق ساقتاۋ مينيسترٸ اجار عينييات مينيسترلٸك بالا ساۋداسى مەسەلەسٸن قالاي شەشەتٸنٸن ايتتى, - دەپ حابارلايدى Tengrinews.kz سايتى.
سەنات وتىرىسىندا جۋرناليستەر مينيستردەن دەنساۋلىق ساقتاۋ مينيسترلٸگٸ بالا ساۋداسى مەسەلەسٸن شەشۋگە نەگە شارا قولدانباي جاتقانىن سۇرادى.
"مۇنداي جاعدايلار بٸزدە, شامامەن, بەس جىل بۇرىن بولعان. كەيٸن بارلىق پەريناتالدىق ورتالىق پەن پەرزەنتحاناعا بەينەباقىلاۋ ورناتتىق, بالادان باس تارتقان انالارمەن جۇمىس ٸستەيتٸن پسيحولوگتاردى قابىلدادىق. وسىنداي ماقساتتى جۇمىستار جٷرگٸزدٸك. ەگجەي-تەگجەيٸن بٸلمەيمٸن, باق مەلٸمەتٸنشە, ەيەل ٶزٸ تۋعان بالاسىمەن بٸرگە شىعارىلعان, ال بۇل جاعدايدىڭ بارلىعى جالدامالى پەتەردە بولعان", - دەپ جاۋاپ بەردٸ مينيستر.
عينيياتتىڭ ايتۋىنشا, بارلىق پەرزەنتحانادا بەينەباقىلاۋ ورناتىلعان. سونىمەن قاتار, باسشىلار پەرزەنتحانادا نە بولىپ جاتقانىن باقىلايدى.
"ەگەر بوسانۋ جاقسى ٶتسە, ولاردى ۇزاق ۇستامايدى, ستاندارت بويىنشا ٷش-تٶرت كٷن. مۇنداي وقيعا بولعان ەكەن, ەلدٸڭ تٷكپٸر-تٷكپٸرٸندەگٸ بارلىق مەديتسينا قىزمەتكەرلەرٸمەن قايتادان جۇمىس جٷرگٸزەمٸز", - دەپ تٷيٸندەدٸ ول.
ەسكە سالايىق, 12 قاڭتاردا جامبىل وبلىسى پوليتسييا دەپارتامەنتٸنٸڭ قىزمەتكەرلەرٸ تاراز قالاسى پروكۋراتۋراسىمەن بٸرلەسٸپ جٷرگٸزگەن ارنايى ٸس-شارا بارىسىندا جاڭا تۋعان بالانى ساتۋ دەرەگٸن انىقتاعان.
