فوتو: Bagdat Kulmagambetov پاراقشاسىنان
سىرتقى ٸستەر مينيسترلٸگٸ تٷركييانىڭ الانييا ايماعىندا تاعى بٸر قازاقستاندىقتىڭ كٶلٸك اپاتىنان قايتىس بولعانىن راستادى, دەپ حابارلايدى Kazinform اگەنتتٸگٸ.
قايعىلى وقيعا تۋرالى كٶز جۇمعان كەلٸنشەكتٸڭ اعاسى Facebook-تە جازعان بولاتىن.
«جۇما, 13 قازاندا قارىنداسىمىز ەلييا قۇلماعامبەتوۆادان ايىرىلىپ قالدىق. جاسى 38-دە عانا ەدٸ. بٷكٸل ٶمٸرٸ الدا, جوسپارى كٶپ بولاتىن. ونى الانييانىڭ كەستەل اۋدانىنداعى (تٷركييا) D 400 تاسجولىندا اۆتوموبيل قاعىپ كەتتٸ. پوليتسييانىڭ سٶزٸنە قاراعاندا, ول جولدى بەلگٸلەنگەن بٶلٸكتەن, باعدارشامنىڭ جاسىل تٷسٸ جانعان كەزدە كەسٸپ ٶتكەن.
تەرگەۋ جٷرٸپ جاتىر. كٶلٸك تٸزگٸنٸندە جاس قىز بولعان. ونى وقيعانىڭ انىق-قانىعىن انىقتاعانشا, ٷيٸنە جٸبەردٸ. وسىنىڭ الدىندا عانا ەليياجان جول-كٶلٸك وقيعاسىنا كۋە بولعان ەدٸ. تٸپتٸ, ول تۋرالى چاتقا دا جازعان. سوندىقتان بٸز پوليتسييا ايتىپ وتىرعان نۇسقانىڭ دۇرىستىعىنا سەنٸمدٸمٸز – جولدى ەرەجەگە ساي كەسٸپ ٶتكەن. تٷرٸك تارابى تەرگەۋدٸ ەدٸل جٷرگٸزەدٸ دەپ ٷمٸتتەنەمٸز», – دەيدٸ مارقۇمنىڭ اعاسى.
سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ قايعىلى قازانىڭ بولعانىن راستاپ, وقيعانىڭ مەن-جايىن باعدات قۇلماعامبەتوۆ تولىق جازعانىن مەلٸم ەتتٸ.
جازبادا ەلييا قۇلماعابەتوۆانىڭ ٶمٸرٸ ٷزٸلگەن تاسجولدىڭ «اجال جولى» ەكەنٸ ايتىلعان.
«بٸر اي بۇرىن عانا اتىراۋدان بارعان وتباسىنىڭ تٷركييادا كٶلٸك اپاتىنان قازا بولعانى تۋرالى اقپارات ەسەڭگٸرەتكەن ەدٸ. جول-كٶلٸك وقيعاسى تاعى دا وسى الانيياداعى D-400 تاسجولىندا بولدى. جەرگٸلٸكتٸ تۇرعىندار ونى اجال جولى دەپ اتايدى. جول جاعالاۋدى كٶكتەپ ٶتەدٸ. تەڭٸزگە جەتۋ ٷشٸن جولدى كەسٸپ ٶتۋ قاجەت. قايعىلى وقيعا تۋرالى تٷركييالىق پابليكتەر جازدى», – دەپ جازدى باعدات قۇلماعامبەتوۆ.
ايتىلعانداي, اتالعان تراسسادا كٶبٸنە تمد ەلدەرٸنەن كەلگەندەر اجال قۇشادى. سەبەبٸ بۇل مەملەكەتتەردە جاياۋ جٷرگٸنشٸ جولاعىندا ادامدارعا ٷنەمٸ جول بەرٸلەدٸ.
تٷركيياعا باراتىن قازاقستاندىقتاردى ەسٸرەسە الانييا ايماعىندا جول ەرەجەسٸن ساقتاۋ ەرەكشەلٸگٸن ەسكەرٸپ, ساق بولۋعا شاقىرعان جازبا اۆتورى قايعىلى وقيعا كەزٸندە قولداۋ كٶرسەتٸپ, كٶمەك ۇسىنعان قازاقستاننىڭ باس كونسۋلدىعىنا, ونىڭ قىزمەتكەرلەرٸنە العىس بٸلدٸردٸ.
ەسكە سالساق, قىركٷيەكتە تٷركييانىڭ وسى الانييا ايماعىندا قازاقستان ازاماتشاسى مەن ونىڭ ەكٸ جاسار سەبيٸ كٶز جۇمعان بولاتىن. كەيٸن اتالعان وتباسىنىڭ وتاعاسى دا اۋرۋحانادا قايتىس بولدى.
