ەزەربايجاندا مىڭداعان مەديتسينا قىزمەتكەرٸ ۆاكتسينا الىپ, ەشقايسىسى دا دەنساۋلىق جاعدايىنا شاعىمدانعان جوق. بۇل تۋرالى ۆەلي احۋندوۆ اتىنداعى مەديتسينالىق پروفيلاكتيكا عىلىمي-زەرتتەۋ ينستيتۋتىنىڭ ديرەكتورى اديل اللاحۆەرديەۆ مەلٸم ەتتٸ, دەپ حابارلايدى قازاقپارات.
ا. اللاحۆەرديەۆتٸڭ سٶزٸنشە, ۆاكتسينالاردىڭ بارلىعىنىڭ دا جەتٸلمەگەن جاقتارى بولۋى مٷمكٸن. سونداي-اق, ولار جٷيەلٸ جەنە ناقتى بٸر مەسەلەگە بايلانىستى بولادى.
«جٷيەلٸ تٷردەگٸ جاناما ەسەرلەرٸ - دەنە قىزۋى, ەلسٸزدٸك, بۇلشىقەت اۋىرۋى جەنە ت.ب. جەرگٸلٸكتٸ ەسەر - بۇل ۆاكتسينا ەگٸلگەن جەردەگٸ قىزارۋ, اۋىرسىنۋ. قازٸردٸڭ ٶزٸندە 60 مىڭنان استام مەديتسينا قىزمەتكەرٸ ۆاكتسينا الدى. باقىلاۋ جۇمىستارى كٶرسەتكەندەي, ادامداردا كٷردەلٸ اسقىنۋلار بايقالماعان. مەن ٶزٸم ۆاكتسينا الدىم. دوستارىم سيياقتى ەشقانداي شاعىمىم جوق», - دەدٸ عىلىمي-زەرتتەۋ ينستيتۋتىنىڭ باسشىسى.
دەرٸگەر تٷركييادا دا, ەزەربايجاندا دا ۆاكتسينا العاندار اراسىندا كوروناۆيرۋستى قايتا جۇقتىرۋ جاعدايلارى بولماعانىن اتاپ ٶتتٸ. بٷگٸنگٸ كٷنگە دەيٸن ەزەربايجاندا قولدانىلاتىن «Coronovac» ۆاكتسيناسىنىڭ تيٸمسٸزدٸگٸ تۋرالى ەشقانداي اقپارات جوق.
ا.اللاحۆەرديەۆ بۇدان بۇرىن ايتقانىنداي, ەزەربايجانعا جەتكٸزٸلگەن قىتايلىق «Coronavac» ۆاكتسيناسى جويىلعان COVID-19 ۆيرۋسىنان جاسالعان.
«بۇل ۆاكتسينانىڭ ەڭ ٷلكەن ارتىقشىلىعى - ەكپەدەن كەيٸنگٸ كەز-كەلگەن اۋرۋ بەلگٸلەرٸنٸڭ بايقالماۋىندا. تاعى بٸر ارتىقشىلىعى - ۆاكتسينانى ساقتاۋعا ىڭعايلى», - دەپ سەندٸردٸ ساراپشى.
ەزەربايجان مينيسترلەر كابينەتٸ جانىنداعى جەدەل شتابتىڭ مەلٸمەتٸ بويىنشا, ٶتكەن تەۋلٸكتە ەلدە تاعى 191 ادام كوروناۆيرۋس ينفەكتسيياسىن جۇقتىرعان. 226 ادام ساۋىعىپ كەتكەنٸمەن, 3 ادام قايتىس بولعان. بٷگٸنگٸ كٷنگە دەيٸن ەلدە كوروناۆيرۋس جۇقتىرعان 231 840 ادام تٸركەلدٸ. ونىڭ 3173-ٸ قايتىس بولدى.
