قىتايدان تاراعان كوروناۆيرۋس ەزەربايجانعا دا جەتتٸ, بۇل ەلدە بٸر ادامنىڭ كوروناۆيرۋس جۇقتىرعانى انىقتالدى, دەپ حابارلايدى ريا نوۆوستي رەسپۋبليكانىڭ مينيسترلەر كابينەتٸنە سٸلتەمە جاساپ.
ەزەربايجاندا كوروناۆيرۋس كٷدٸگٸمەن 23 ادام كارانتينگە جابىلعان بولاتىن.
ولار يرانعا بارىپ كەلگەن ازاماتتار, جاقىندا بۇل ەلدە ۆيرۋس تٸركەلگەن ەدٸ.
بارلىعى دجاليلاباد ورتالىق اۋرۋحاناسىنا جاتقىزىلدى.
العاشقى تەكسەرٸس كەزٸندە ەكٸ ادامنىڭ قىزۋى كٶتەرٸلگەنٸ انىقتالدى.
ايتا كەتەيٸك, يراندا بٸر تەۋلٸك ٸشٸندە كوروناۆيرۋس جۇقتىرعاندار سانى 100 ادامعا ارتىپ, 388-گە جەتتٸ. 34 ادام دەرتتەن كٶز جۇمدى, دەپ حابارلادى يران دەنساۋلىق ساقتاۋ مينيسترلٸگٸنٸڭ ٶكٸلٸ كيانۋش دجاحانپۋر.
بۇدان كەيٸن دە ۆيرۋستىڭ تارالۋى جالعاسادى دەپ بولجانىپ وتىر.
