ازاماتتىق قىزمەتشٸلەردٸڭ جەكەلەگەن ساناتىنىڭ جالاقىسىن كەزەڭ-كەزەڭٸمەن ارتتىرۋ ٷشٸن ٷكٸمەت قاۋلىسىنىڭ جوباسى ەزٸرلەنەدٸ. بۇل تۋرالى ٷكٸمەت وتىرىسىندا قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ ايتتى, دەپ حابارلايدى قازاقپارات.
«مەملەكەت باسشىسى جارييا ەتكەن باستامالارعا سەيكەس ەڭبەكاقى تٶلەۋدٸ ارتتىرۋ بويىنشا كەلەسٸ ٸس-شارالار قابىلدانادى. بٸرٸنشٸ, 2022-2024 جىلدارعا ارنالعان رەسپۋبليكالىق بيۋدجەت تۋرالى زاڭ جوباسىنا 2022 جىلعى 1 قاڭتاردان باستاپ ەڭ تٶمەنگٸ جالاقىنى 60 مىڭ تەڭگە مٶلشەرٸندە بەلگٸلەۋ تۋرالى نورما ەنگٸزٸلەدٸ. اتالعان ٸس-شارا ەكونوميكانىڭ بارلىق سالاسىندا جۇمىس ٸستەتٸن 1 ملن 650 مىڭ جالدامالى قىزمەتكەردٸڭ اقشالاي تابىسىنىڭ ارتۋىنا الىپ كەلەدٸ. بۇل سونداي-اق رازريادارالىق بٸلٸكتٸلٸك جٷيەسٸن ەسكەرە وتىرىپ, باسقا دا قىزمەتكەرلەردٸڭ كٸرٸستەرٸن ارتتىرۋعا مٷمكٸندٸك بەرەدٸ», - دەدٸ مينيستر.
ونىڭ ايتۋىنشا, ەكٸنشٸدەن, ازاماتتىق قىزمەتشٸلەردٸڭ جەكەلەگەن ساناتىنىڭ جالاقىسىن كەزەڭ-كەزەڭٸمەن ارتتىرۋ ٷشٸن ٷكٸمەت قاۋلىسىنىڭ جوباسى ەزٸرلەنەدٸ.
«نەتيجەسٸندە 2022 جىلدان باستاپ ولاردىڭ جالاقىسى ورتاشا ەسەپپەن جىل سايىن 20 پايىزعا ارتىپ, 2025 جىلعا قاراي ەكٸ ەسەگە ۇلعايادى. ەڭ تٶمەنگٸ جالاقى كەلەسٸ جىلدان باستاپ 49 مىڭنان 60 مىڭ تەڭگەگە دەيٸن نەمەسە 22 پايىزعا ٶسەدٸ», – دەدٸ مينيستر.
سونىمەن قاتار مەملەكەت باسشىسىنىڭ ەلەۋمەتتٸك ماسىلدىقتى تٶمەندەتۋگە جەنە مۇقتاج جاندارعا كٶمەك كٶرسەتۋگە قاتىستى تاپسىرمالارى ەزٸرلەنٸپ جاتقان ەلەۋمەتتٸك كودەكستە ەسكەرٸلەتٸنٸن ايتتى.
