سوڭعى ٷش جىلدا ازاماتتارعا قىزمەت كٶرسەتۋدەن نەگٸزسٸز باس تارتۋدىڭ 4 مىڭنان استام فاكتٸسٸ انىقتالدى. بۇل تۋرالى قر مەملەكەتتٸك قىزمەت ٸستەرٸ اگەنتتٸگٸ تٶراعاسىنىڭ ورىنباسارى بەرٸك بەركٸمباەۆ ايتتى, دەپ حابارلايدى قازاقپارات.
«اگەنتتٸكە جٷكتەلٸپ وتىرعان ەكٸنشٸ مەسەلە – بارلىق ەكٸمشٸلٸك رەسٸمدەرگە تالداۋ جاساپ, ەر جارتى جىل سايىن نەتيجەسٸن, ياعني بيۋروكراتييا كٶرٸنٸستەرٸن الدىن الۋ بويىنشا ناقتى ۇسىنىستار بەرٸپ تۇرۋ. بۇل – راسىندا ٶتە ٶزەكتٸ مەسەلە. سوڭعى ٷش جىلدىڭ ٶزٸندە ازاماتتارعا قىزمەت كٶرسەتۋدەن 4 مىڭنان استام نەگٸزسٸز باس تارتۋ فاكتٸلەرٸ انىقتالىپ وتىر. مىسالى, وسى جىلدىڭ اقپان ايىندا قوستاناي وبلىسى تۇرعىنىنىڭ جەر مەسەلەسٸنە قاتىستى ٶتٸنٸشٸ جەر كوميسسيياسىمەن وڭ شەشٸلسە دە, جەر بٶلٸمٸنٸڭ قىزمەتكەرلەرٸمەن نەگٸزسٸز باس تارتىلدى. ەرينە, مەسەلەگە اگەنتتٸك ارالاسىپ, ازاماتتىڭ قۇقىعى قالپىنا كەلتٸرٸلدٸ. الايدا, ازاماتتار شاعىم ايتپايتىندىقتان, بٸزگە بەلگٸسٸز فاكتٸلەردٸڭ جەتكٸلٸكتٸ ەكەنٸ انىق», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ دەرەگٸنشە, سوڭعى 3 جىلدا قىزمەت الۋعا كەلگەن 16 مىڭعا جۋىق ازاماتتىڭ ٶتٸنٸشتەرٸن نەگٸزسٸز ۋاقىتىن سوزىپ, ەۋرە-سارساڭعا سالعان فاكتٸلەر دە انىقتالعان. سونداي-اق زاڭدا كٶرسەتٸلمەگەن قۇجات سۇراتىپ, قولدان كەدەرگٸ جاساۋ جاعدايلارى دا جيٸ ورىن الادى. 3 جىلدا مۇنداي 129 مىڭ فاكتٸ تٸركەلگەن.
«ال وسىلاردىڭ بارلىعىنا بيۋروكراتييا سەبەپ بولىپ وتىر. ٶز كەزەگٸندە, اگەنتتٸك بيۋروكراتييانى زەردەلەۋ جەنە وعان قارسى تەتٸكتەر قولدانۋ ورتالىعىنا اينالادى. بۇل جۇمىستىڭ ازاماتتاردىڭ, بيزنەس ٶكٸلدەرٸنٸڭ كٶمەگٸ ارقاسىندا تيٸمدٸلٸگٸ ارتاتىنى سٶزسٸز», - دەدٸ اگەنتتٸك تٶراعاسىنىڭ ورىنباسارى.
