فوتو: © elements.envato.com
از قامتىلعان وتباسىلاردىڭ كوممۋنالدىق شىعىندارىنىڭ بٸر بٶلٸگٸ ٶتەلەدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
"بيىلدان باستاپ ەنەرگييا كٶزدەرٸنٸڭ جابدىقتارىن كەشەندٸ جاڭعىرتۋ, سونداي-اق ەلەكتر, جىلۋ, سۋمەن جابدىقتاۋ جەنە سۋ تارتۋ جەلٸلەرٸنٸڭ توزۋ دەڭگەيٸن تٶمەندەتۋ ماقساتىندا «تاريفتٸ ينۆەستيتسيياعا ايىرباستاۋ» باعدارلاماسىن ٸسكە اسىرۋ باستالدى. بۇل اپاتتار سانىن ازايتۋعا جەنە جالپى ۇسىنىلاتىن كوممۋنالدىق قىزمەتتەردٸڭ ساپاسىن ارتتىرۋعا مٷمكٸندٸك بەرەدٸ.
بٷگٸنگٸ تاڭدا تكش كەسٸپورىندارىنىڭ تاريفتەر مەن ينۆەستيتسييالىق باعدارلامالاردى ٶزگەرتۋگە قاتىستى (جٶندەۋ جۇمىستارى مەن قىزمەتكەرلەردٸڭ جالاقىسىن كٶبەيتۋ, قاراۋسىز جاتقان جەلٸلەردٸ كٷتۋ جەنە ت.ب.) 212 ٶتٸنٸمٸ بەكٸتٸلدٸ. نەتيجەسٸندە كوممۋنالدىق قىزمەتتەر تاريفتەرٸنٸڭ ٶزگەرۋٸ 10-30%-دى قۇرادى, مۇندا تۇتىنۋشىلار مەن كوممۋنالدىق قىزمەتتەر مٷددەلەرٸنٸڭ تەڭگەرٸمٸ ەسكەرٸلگەن.
بۇل رەتتە حالىقتىڭ ەلەۋمەتتٸك جاعىنان از قامتىلعان توپتارىنىڭ كوممۋنالدىق قىزمەتتەرگە جۇمسالاتىن شىعىنداردىڭ بٸر بٶلٸگٸ ٶتەلەتٸن بولادى. مۇنداي تەتٸك مەملەكەتتٸك تۇرعىن ٷي كٶمەگٸن كٶرسەتۋ اياسىندا كٶزدەلٸپ وتىر" - دەلٸنگەن حابارلامادا.
ول از قامتىلعان وتباسىلارعا نەمەسە ازاماتتارعا كوممۋنالدىق قىزمەتتەر (جىلۋ, ەلەكتر جەنە سۋمەن جابدىقتاۋ, بايلانىس, ليفت قىزمەتٸ جەنە ت. ب.) شىعىندارىن ٶتەۋ ٷشٸن توقسان سايىن تٶلەنەدٸ. باستى شارت – تٶلەم الۋشىنىڭ مەنشٸگٸندە قازاقستان اۋماعىندا بٸر عانا باسپانا بولۋى كەرەك نەمەسە ول مەملەكەتتٸك تۇرعىن ٷي قورىنان, جەكە مەنشٸك تۇرعىن ٷي قورىنان جەرگٸلٸكتٸ اتقارۋشى ورگان جالداعان باسپانانى جالعا الۋشى (تەڭ جالعا الۋشى) بولۋى تيٸس.
بيىل ٷكٸمەت ەنگٸزگەن ٶزگەرٸستەرگە سەيكەس, ەگەر كوممۋنالدىق قىزمەتتەرگە جۇمسالاتىن سوما وتباسىنىڭ نەمەسە ازاماتتىڭ بٸر ايداعى جيىنتىق تابىسىنىڭ 10%-نان اساتىن بولسا, تۇرعىن ٷي كٶمەگٸ بەرٸلەدٸ. بۇرىن بۇل كٶرسەتكٸش ەر ٶڭٸرگە بايلانىستى 2-20% ارالىعىندا بولعان. بۇل رەتتە ەكٸمدٸكتەر رۇقسات ەتٸلگەن شەكتٸ دەڭگەيدٸ 10%-دان تٶمەندەتۋگە قۇقىلى.
مىسالى, ەگەر وتباسىنىڭ نەمەسە ازاماتتىڭ بٸر ايداعى جيىنتىق تابىسى 100 مىڭ تەڭگەنٸ, ال كوممۋنالدىق قىزمەتتەرگە جۇمسالاتىن شىعىنى 15 مىڭ تەڭگەنٸ (تابىستىڭ 10%-دان استامىن) قۇراسا, وندا ازاماتتىڭ جەرگٸلٸكتٸ بيۋدجەت قاراجاتى ەسەبٸنەن ٶتەم الۋعا قۇقىعى بار.
"ٷكٸمەت بەكٸتكەن تٷزەتۋ بولاشاق تۇرعىن ٷي كٶمەگٸن الۋشىلاردى قامتۋدى كەڭەيتۋگە جەنە از قامتىلعان ازاماتتارعا قارجىلىق جٷكتەمەنٸ ازايتۋعا باعىتتالعان.
جالپى سوڭعى 4 جىلدا 174 مىڭنان استام ابونەنتكە تۇرعىن ٷي كٶمەگٸ ٷشٸن جالپى سوماسى 5 ملرد تەڭگە تٶلەندٸ. ال وسى جىلدىڭ 6 ايىندا 31 مىڭ وتباسىنا 630,5 ملن تەڭگەگە كٶمەك كٶرسەتٸلدٸ.
وسىلايشا, كوممۋنالدىق قىزمەتتەر تاريفتەرٸ كٶتەرٸلگەن جاعدايدا ٶتەماقى دا ۇلعايادى, ياعني از قامتىلعان ازاماتتاردىڭ شىعىندارى ۇلعايمايدى.
تۇرعىن ٷي كٶمەگٸن تاعايىنداۋ ٷشٸن ازاماتتارعا تۇرعىلىقتى جەرٸ بويىنشا ەكٸمدٸككە جٷگٸنۋ قاجەت" - دەلٸنگەن حابارلامادا.
