ەلوردادا از قامتىلعان وتباسىداعى ەر بالاعا 40 مىڭ تەڭگەدەن كٶمەك كٶرسەتٸلەدٸ. بۇل تۋرالى پەداگوگيكا قىزمەتكەرلەرٸنٸڭ تامىز كەڭەسٸندە ەلوردا ەكٸمٸ التاي كٶلگٸنوۆ ايتتى, دەپ حابارلايدى قازاقپارات.
«تاعى بٸر ماڭىزدى تاقىرىپ - وتباسىداعى بالالاردىڭ جاعدايى. جىل سايىن جالپىعا مٸندەتتٸ ورتا بٸلٸم باعدارلاماسى بويىنشا مۇقتاج وقۋشىلارعا ماتەريالدىق كٶمەك كٶرسەتٸلەدٸ. ٶتكەن جىلى از قامتىلعان وتباسىلارداعى ەر بالاعا 30 مىڭ تەڭگە مٶلشەرٸندە كٶمەك كٶرسەتتٸك. ول كٶمەكتٸ 12 700 بالا الدى», - دەدٸ قالا باسشىسى.
ونىڭ ايتۋىنشا, بيىل بۇل مٶلشەر 10 مىڭ تەڭگەگە ارتتىرىلىپ 40 مىڭ تەڭگەگە جەتكٸزٸلگەن. ەندٸ كٶپبالالى وتباسىدا 4 بالا بولسا 160 مىڭ تەڭگەنٸڭ, 3 بالا بولسا, 120 مىڭ تەڭگەنٸڭ ماتەريالدىق كٶمەگٸ كٶرسەتٸلەدٸ.
«ەرينە, بۇل قازٸرگٸ جاعدايدا, جۇمىس توقتاپ, شاعىن بيزنەس تاراپىنان 60 ملرد تەڭگە بيۋدجەتكە تٷسپەي قالعان كەزدە قيىن. بٸراق, سوعان قاراماستان بٸز, ەسٸرەسە, از قامتىلعان وتباسىلاردى قولداۋدى جالعاستىرۋدامىز. الايدا قازاقتىڭ جالپاق تٸلٸمەن ايتقاندا «سۋدىڭ دا سۇراۋى بار». ٶيتكەنٸ, اتا-انالار قاراجاتتى قولعا بەرٸڭدەر دەپ جاتىر. بٸز دە سونى قالادىق. بٸراق, زاڭ بويىنشا ولاي جاساي المايدى ەكەنبٸز. سەبەبٸ ٷكٸمەت قاۋلىسىندا ول قاراجاتتى جۇمساۋدىڭ ناقتى ماقساتى كٶرسەتٸلگەن. ەڭ الدىمەن بالالارعا مەكتەپكە قاجەتتٸ كيٸم-كەشەك, مەكتەپ زاتتارىن الۋ كەرەك. مەملەكەتتٸك بيۋدجەت بولعاننان كەيٸن ەربٸر تيىننىڭ ەسەبٸن بەرۋٸمٸز كەرەك. سونى تٷسٸندٸردٸك, اتا-انالار تٷسٸندٸ», - دەدٸ التاي كٶلگٸنوۆ.
