قارجى مينيسترلٸگٸ جەكە تۇلعالار ٷشٸن سالىق راقىمشىلىعىن ٶتكٸزۋ تەرتٸبٸن تٷسٸندٸردٸ. امنيستييا اياسىندا سالىقتىڭ نەگٸزگٸ سوماسى تٶلەنگەن بولسا, ايىپپۇل كەشٸرٸلەدٸ, دەپ حابارلايدى Sputnik قازاقستان.
قارجى ۆيتسە-مينيسترٸ قانات باەدٸلوۆتىڭ ايتۋىنشا, جىلدىڭ باسىندا 1,4 ميلليون جەكە تۇلعانىڭ سالىق بويىنشا جالپى قارىزى 20,9 ميلليارد تەڭگە بولعان. سونىڭ ٸشٸندە نەگٸزگٸ بەرەشەكتٸڭ كٶلەمٸ - 14,3 ميلليارد تەڭگە, ال ٶسٸمپۇلدار – 6,6 ميلليارد تەڭگە.
"قارىزدىڭ باسىم بٶلٸگٸ كٶلٸك ٷشٸن تٶلەنەتٸن سالىققا تيەسٸلٸ. ودان كەيٸن جەر مەن مٷلٸك سالىعى كەلەدٸ. ال بەرەشەگٸ بار جەكە تۇلعالاردىڭ سانى جاعىنان شىمكەنت قالاسى كٶش باستاپ تۇر. ول جەردە شامامەن 148 مىڭ ادام سالىق تٶلەمەي جٷر. سوسىن تٷركٸستان وبلىسى – 139 مىڭ ادام, جامبىل وبلىسى – 116 مىڭ ادام, سونداي-اق نۇر-سۇلتان قالاسىندا 114 مىڭ قارىز بار", - دەدٸ باەدٸلوۆ ٷكٸمەت ٷيٸندە ٶتكەن باسپاسٶز مەسليحاتىندا.
ونىڭ سٶزٸنە قاراعاندا, 2019 جىلدىڭ 1 قاڭتارىنا دەيٸن بەرەشەگٸ بار ادامدار نەگٸزگٸ سالىقتى تٶلەسە, ٶسٸمپۇلداردىڭ بەرٸن الىپ تاستايدى. ال بيىل سالىقتى دا, ٶسٸمپۇلدى دا ٶز ەركٸمەن تٶلەگەن ادامدارعا ايىپپۇلدىڭ اقشاسى قايتارىلادى. قازٸر مينيسترلٸك قاراجاتتى قايتارۋ تەتٸكتەرٸن ەزٸرلەپ جاتىر.
"ٶسٸماقىنى ەسەپتەن شىعارۋ ٷشٸن مەملەكەتتٸك ورگاندارعا بارۋدىڭ قاجەتٸ جوق. قارىزدىڭ نەگٸزگٸ سوماسى تٶلەنسە بولدى. مەملەكەتتٸك كٸرٸستەر ورگاندارى كٷن سايىن جەكە تۇلعالاردىڭ ەسەپشوتتارىن قاراپ وتىرادى. نەگٸزگٸ قارىز تٶلەنگەن جاعدايدا تيٸستٸ شەشٸم قابىلداپ, ٷش كٷن ٸشٸندە ٶسٸمپۇلدى ەسەپتەن شىعارادى", - دەپ تٷسٸندٸردٸ باەدٸلوۆ.
ۆيتسە-مينيستر تيٸستٸ زاڭعا قول قويىلعانىن دا ەسكە سالدى. بۇل قۇجات 16 شٸلدەدە كٷشٸنە ەنەدٸ. قارجى مينيسترلٸگٸ بۇيرىق رەسٸمدەپ, شٸلدەنٸڭ 20-سىنان كەيٸن جۇمىسقا كٸرٸسپەك.
