قازاقستان مۇسىلماندارى دٸني باسقارماسىنىڭ تٶراعاسى, باس مٷفتي Cەرٸكباي قاجى وراز قازاقستاندىقتاردى قۇربان ايت مەرەكەسٸمەن قۇتتىقتادى, دەپ حابارلايدى "ۇلت اقپارات".
«قۇربان ايت – يسٸ مۇسىلماننىڭ ۇلىق مەيرامى. ايت كٷندەرٸ اعايىن-جۇرت بٸر-بٸرٸنە: «ايت قابىل بولسىن!» ايتىپ, ٸزگٸ تٸلەكتەرٸن جەتكٸزٸپ, العىستارىن جاۋدىرادى. وسى رەتتە سٸزدەرگە ٸزگٸ نيەتپەن جاراتقاننىڭ جاقسىلىعىن تٸلەيمٸن.
تۋىس پەن باۋىرعا, كٶرشٸ مەن دوس-جارانعا ايتتاپ بارۋ, قادٸرلٸ قوناققا ايتتىق بەرٸپ, ٷلكەننٸڭ العىسى مەن باتاسىن الۋ – سوناۋ زاماننان جالعاسىپ كەلە جاتقان مۇسىلماندىق دەستٷرٸمٸز. وسى يگٸ دەستٷردٸ قوعامدا قايتا جاڭعىرتىپ, جاستارعا ٷلگٸ-ٶنەگە كٶرسەتۋگە شاقىرامىن! «قۇربان» سٶزٸ «جاقىن بولۋ», «جاقىنداۋ» دەگەن ۇعىمداردى بٸلدٸرەدٸ. مۇسىلمان بالاسى ايت كٷنٸ قۇرباندىق شالۋ ارقىلى اللاعا دەگەن اق نيەتٸن پاش ەتەدٸ», - دەلٸنگەن باس مٷفتيدٸڭ قۇتتىقتاۋىندا.
سونداي-اق, قازاقستان مۇسىلماندارى دٸني باسقارماسىنىڭ تٶراعاسى ٶزٸنٸڭ قۇتتىقتاۋىندا قاسيەتتٸ مەركە كەزٸندە مال باعاسىن شارىقتاتپاي, پايداعا ەمەس, ساۋاپقا بٶلەنۋگە شاقىردى.
«قۇربان ايتتا ورىندالاتىن ەڭ قايىرلى امال – قۇربان شالۋ. ايت كٷنٸ جاعدايى بار كٸسٸلەر قۇربان شالىپ, ونى قاراۋسىز قالعان قارييالار مەن جەتٸمدەرگە, كٶپبالالى وتباسىلارعا تاراتىپ, ساۋاپ الۋعا تىرىسادى. الايدا, ايت كٷندەرٸ مال باعاسى قىمباتتاپ كەتەتٸن جاعداي جيٸ ورىن الادى. وسى رەتتە وتانداستارىمدى مال باعاسىن شارىقتاتپاي, پايداعا ەمەس, ساۋاپقا بٶلەنۋگە ٷندەيمٸن. ٶيتكەنٸ, قۇربان ايت – قاناعات پەن قايىرىمدىلىقتىڭ مەرەكەسٸ», - دەدٸ باس مٷفتي.
