باتىس قازاقستان وبلىسىندا «جايىق پرەسس» جشس ۇيىمداستىرعان ٸزدەستٸرۋ جۇمىستارى بارىسىندا ايشۋاق حاننىڭ قۇلپىتاسى تابىلدى, دەپ حابارلايدى "ۇلت اقپارات" جەرگٸلٸكتٸ "ورال ٶڭٸرٸ" باسىلىمىنا سٸلتەمە جاساپ.
اتالمىش مەدياحولدينگتٸڭ باس ديرەكتورى جانتاس سافۋلليننٸڭ مەلٸم ەتكەنٸندەي, بۇدان ٷش جىلداي بۇرىن بەكەي ەسەنگەلدٸۇلىن زەرتتەۋ بارىسىندا جۋرناليست نۇرتاس نابيوللاۇلى مەن باعدات مəديۇلى بەكەي اۋىلى ماڭىندا قۇلپىتاسى بار دەگەندٸ ەستٸپ, ارنايى بارعان. وسى ساپار بارىسىندا نۇرتاس نابيوللاۇلى بەكەي قورىمىنداعى قۇلپىتاستاردى دا سۋرەتكە تٷسٸرە كەلگەن ەكەن. ول ونى سول كەزدە فەيسبۋك پاراقشاسىنا سالعان. ٷش جىل ٶتكەندە, فەيسبۋك ەسٸنە سالعاندا, بٶلٸسٸپ, قايتا جارييالايدى. سونى كٶرگەن مۇراتبەك قاجى جاحاتوۆ مٷك باسقان قۇلپىتاس جازۋلارىنان ايشۋاق حان Əبٸلحايىرۇلى دەگەندٸ انىق وقيدى.
«مٸنە, بٷگٸن ورال قالاسىنان 40 شاقىرىمداي قاشىقتىقتاعى, سامارا-شىمكەنت كٷرە جولىنان ەكٸ شاقىرىمداي جەردەگٸ بەكەي اۋىلى (تەرەكتٸ اۋدانى) ماڭىنداعى قورىمعا قايتا باس تٸرەدٸك.
ايشۋاق Əبٸلحايىرۇلىنىڭ (1727-1812) قۇلپىتاسى مٷكتەن تازارتىلىپ, اۋدارىلىپ, وقىلدى. بىلاي جازىلعان ەكەن:
- ھۋəل مۋلكۋ əل-حاييۋل-لəززي لə يامۋت əبəدə /
2. ھəزəل مارحاد əل-مارحۋم əل ماعفۋر əل مابرۋر
3. Əبۋ əل-مۇزافار ۋə əل-مانسۋر سايد باھادۋر حان
4. ايچۋاق يبن حان Əبۋلحايىر يبن حادجى
5. سۇلتان əلəيھي əل-عافۋر əل راحيم əل-عۋفران
6. اللاھۋمما ادجالي əل-قابراھۋ راۋداتان مين رياددين əلدجاننان
7. ۋəلə تəدجالي حافراتين مين əل-نيرانۋ حافرات. كəفə بيل-مəۋت
8. تاريح 1227 سانا 15 سəۋٸردە رەحلəت ەتدٸ سەكسəن بەش ياشىندا (بٷگٸنگٸ جىل ساناۋىمىز بويىنشا 1812 جىلى 15 سəۋٸردە 85 جاسىندا قايتىس بولعان)
9. (تٶرەنٸڭ تاڭباسى)
ارتقى جاعى:
1 كٸشٸ يۋزٸنٸڭ قازاق حالقى ٸشٸندە
2. حٷكٷمەت يەلەيۋب حانلىق ٸشٸندە
3. ولۋب رازى م.... سٸندە
4. ەتدٸ ...
5. حاياتىندا ەكٸ ۇعلى حان ولدى
6. بٸرٸ جانتٶرە بٸرٸ شيرعازى
7. مٷشəريف استاناسى تاعالا م.....م
8. قويىبدٷر ەنشٸ... العازى سۇلتان
ايشۋاق Əبٸلحايىرۇلى 1797-1805 جىلدار ارالىعىندا كٸشٸ جٷزدٸڭ حانى بولعان. حاندىققا 1797 جىلى 70 جاسىندا قول جەتكٸزٸپ, 78 جاسىندا ٶز ەركٸمەن باس تارتقان. ورنىنا ۇلى جانتٶرە حان سايلانعان.
وسىعان دەيٸن اقجايىق اۋدانىنان 1795-1797 جىلدارى حان بولعان ەسٸم نۇرالىۇلىنىڭ جəنە 1805-1809 جىلدارى حان بولعان تەرەكتٸ اۋدانىنان جانتٶرە ايشۋاقۇلىنىڭ قۇلپىتاستارى تابىلعان بولاتىن. مٸنە, ەكەۋٸنٸڭ ورتاسىندا حان بولعان ايشۋاق Əبٸلحايىرۇلىنىڭ دا قۇلپىتاسى تابىلىپ, اۋدارىلدى. قۇلپىتاستى اۋدارعان مۇراتبەك جاحاتوۆ پەن جۋرناليست قازبەك قابجان», دەدٸ جانتاس سافۋللين.
