استانا قالاسىندا پرەزيدەنت نازارباەۆتٸڭ قاتىسۋىمەن «جاستار جىلىنىڭ» رەسمي اشىلۋى ٶتٸپ جاتىر. شارا اياسىندا اتقارۋشى بيلٸك ٶكٸلدەرٸ گالستۋكسىز جينالىپ, جاستار ٶكٸلدەرٸن تىڭداۋدا. جاستار فورۋمىن «قازاقستان» ۇلتتىق ارناسى تٸكەلەي ەفيردەن كٶرسەتۋدە, سونداي-اق بٷكٸل ٶڭٸرلەر بويىنشا تٸكەلەي ەفيردەن وقۋ وردالارى تاماشالاپ جاتىر.
جاستار فورۋمىندا سٶز العان بٷركٸتشٸ قىز ايشولپان نۇرعايىپقىزى ٶزٸنٸڭ جەتٸستٸكتەرٸن ايتا كەلٸپ, پرەزيدەنت نازارباەۆقا مونعوليياداعى قانداستاردىڭ سەلەمٸن جەتكٸزدٸ.
«مەنٸ ەكەم نۇرعايىپ بٷركٸت باپتاپ ٷيرەتتٸ, انام ەركەز قولدادى. 8 جاسىمدا بٷركٸتتٸ قولىما قوندىردىم. بٷركٸت باپتاۋ ٷشٸن قايسارلىق قاجەت. وسى استانادا, باسقا قالالاردا قازاقتىڭ سالت-دەستٷرلەرٸن وقىتاتىن ورتالىقتار, سونىڭ ٸشٸندە بٷركٸتشٸلەر مەكتەبٸ اشىلسا دەگەن ارمانىم بار. ايتپاقشى, ۇمىتپاي تۇرعاندا ايتا كەتسەم, التايداعى از عانا قازاقتىڭ اماناتى بار ەدٸ, سٸزدٸ باي-ٶلكەگە قوناق بولۋعا شاقىرامىز. اق داستارحاننان دەم تاتىپ كەتسەڭٸز, الىستاعى اعايىننىڭ رۋحى بٸر جاساپ قالار ەدٸ», – دەدٸ ايشولپان ٶز سٶزٸندە.
ەستەرٸڭٸزگە سالا كەتسەك, 2016 جىلى موڭعولييادا تۇراتىن قازاق قىزى ايشولپان نۇرعايىپقىزى تۋرالى «بٷركٸتشٸ قىز» اتتى رەجيسسەر وتتو بەللدٸڭ دەرەكتٸ فيلمٸ شىققان بولاتىن. العاش رەت 2014 جىلى اعىلشىننىڭ Daily Mail باسىلىمى «قازاقتىڭ سالت-دەستٷرٸندەگٸ اسىل قۇندىلىقتاردىڭ بٸرٸ — قۇسبەگٸلٸك ٶنەرٸن يگەرگەن ون ٷش جاسار جالعىز قىز» اتتى ايشولپان جايلى ماقالا جارييالاپ, ونى بٷكٸل ەلەمگە تانىمال ەتتٸ. قانداسىمىز 2018 جىلى قازاقستانعا ارنايى شاقىرۋمەن كەلٸپ, «بٸلٸم-يننوۆاتسييا» حقق بەرگەن گرانتپەن «NurOrda» مەكتەپ ليتسەيٸندە بٸلٸم الىپ جاتىر.
ايتا كەتەيٸك, ەلورداداعى «نۇر ەلەم» پاۆيلونىندا ەلباسى نۇرسۇلتان نازارباەۆتىڭ قاتىسۋىمەن «تەۋەلسٸزدٸك ۇرپاقتارى» اتتى جاستار جىلىنىڭ سالتاناتتى اشىلۋ رەسٸمٸ ٶتٸپ جاتىر.
قر پرەزيدەنتٸ نۇرسۇلتان نازارباەۆ قازاقستان حالقىنا ٶتكەن جىلعى جولداۋىندا 2019 جىلدى جاستار جىلى دەپ جارييالاۋدى ۇسىنعان بولاتىن. پرەزيدەنت ٶز سٶزٸندە جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن ەلەۋمەتتٸك ساتىنىڭ اۋقىمدى پلاتفورماسىن قالىپتاستىرۋ كەرەكتٸگٸن ايتقان ەدٸ. ال, ارادا بٸر ايدان استام ۋاقىت ٶتكەندە ەلباسى جارلىعىمەن 2019 جىل جاستار جىلى دەپ جارييالاندى.
