قر پرەمەر-مينيسترٸنٸڭ ورىنباسارى ەرالى توعجانوۆ مەجٸلٸس دەپۋتاتتارىنىڭ الدىندا باعانى تۇراقتاندىرۋ بويىنشا اتقارىلىپ جاتقان شارالار تۋرالى مەلٸمەت بەردٸ, دەپ حابارلايدى قازاقپارات.
«مەملەكەت باسشىسى بيزنەس ٶكٸلدەرٸمەن كەزدەسۋٸندە ەڭبەكاقىنىڭ جالپى ٸشكٸ ٶنٸمدەگٸ ٷلەسٸن ارتتىرۋدىڭ ماڭىزدىلىعىن ايتقان بولاتىن. باعدارلامانى ٸسكە اسىرۋ اتالعان كٶرسەتكٸشتٸ 31%-دان 38,5%-عا دەيٸن ارتتىرۋعا مٷمكٸندٸك بەرەدٸ. سونداي-اق جالپى كٸرٸستەردەگٸ ەڭبەك قىزمەتٸنەن تٷسكەن كٸرٸستەردٸڭ ٷلەسٸ 70%-دان 82%-عا دەيٸن ارتتىرۋ كٶزدەلگەن.
بۇل كٶرسەتكٸشتەرگە قول جەتكٸزۋ جولدارى ەگجەي-تەگجەيلٸ تالدانىپ, باعدارلاما ينديكاتورلارىنا قول جەتكٸزۋ جاۋاپكەرشٸلٸگٸ ٶڭٸرلەر مەن سالالىق مينيسترلٸكتەر بٶلٸنٸسٸندە بەكٸتٸلگەن», - دەدٸ ۆيتسە-پرەمەر.
سونداي-اق, ول ٷكٸمەت ۇلتتىق بانكپەن بٸرلەسٸپ ينفلياتسييانى تەجەۋ بويىنشا بٸرقاتار جەدەل شارالار قابىلداپ جاتقانىن ەسكە سالدى.
«مەملەكەت باسشىسىنىڭ تاپسىرماسى بويىنشا 15 اقپاندا ٷكٸمەت وتىرىسىندا باعانىڭ ٶسۋٸن تەجەۋ ٷشٸن 2022-2024 جىلدارعا ارنالعان ينفلياتسييا دەڭگەيٸن باقىلاۋ جەنە تٶمەندەتۋ بويىنشا شارالار كەشەنٸ قابىلداندى.
بٷگٸندە ازىق-تٷلٸك ٶنٸمدەرٸنٸڭ باعاسىن تۇراقتى ۇستاپ تۇرۋ ٷشٸن ٷكٸمەت فورۆاردتىق شارتتار جاساسۋ جٶنٸندەگٸ شارالاردى, شەكتٸ جول بەرٸلەتٸن بٶلشەك ساۋدا باعالارىن بەلگٸلەۋ قۇرالدارىن جەنە بٶلشەك ساۋدا ٷستەمەسٸ جٶنٸندەگٸ تالاپتاردىڭ ساقتالۋىن باقىلاۋدى, ازىق-تٷلٸك تاۋارلارىنا باعا بەلگٸلەۋدٸڭ بٷكٸل تٸزبەگٸ بويىنشا سحەمالاردى تەرگەپ-تەكسەرۋدٸ كەڭٸنەن قولدانادى.
جەرگٸلٸكتٸ اتقارۋشى ورگاندار پروفيلاكتيكالىق باقىلاۋ شەڭبەرٸندە «ٷي جانىنداعى دٷكەندەردە» 15% ٷستەماقىنى ارتتىرۋعا جول بەرمەۋ بويىنشا جۇمىس جٷرگٸزۋدە.
بۇدان باسقا, «اينالىم سحەماسىن» قارجىلاندىرۋ جەنە تۇراقتاندىرۋ قورلارىن قالىپتاستىرۋ 140 ملرد تەڭگەگە دەيٸن ۇلعايتىلدى. ەلەۋمەتتٸك ماڭىزى بار ازىق-تٷلٸك تاۋارلارىن ٶتكٸزۋشٸلەر ٷشٸن جالداۋ اقىسىن تٶمەندەتۋ مەسەلەسٸ پىسىقتالۋدا», - دەدٸ ەرالى توعجانوۆ.
ايتۋىنشا, وسى اتالعان جىلدىڭ بٸرٸنشٸ توقسانىندا ازىق-تٷلٸك ٶنٸمدەرٸنٸڭ باعا يندەكسٸن 10% دەڭگەيٸندە ۇستاپ تۇرۋعا مٷمكٸندٸك بەرگەن.
