قر بٸلٸم جەنە عىلىم مينيسترٸ اسحات ايماعامبەتوۆ جامبىل وبلىسىنداعى ۆاكتسينا شىعاراتىن زاۋىت قۇرىلىسى جٶنٸندە ايتىپ بەردٸ, دەپ حابارلايدى قازاقپارات.
«جامبىل وبلىسىنداعى زاۋىت بويىنشا قۇرىلىس جٷرٸپ جاتىر جەنە ٶڭٸر ەكٸمدٸگٸ بٸرنەشە رەت اقپارات بەردٸ. ەرەجەگە سەيكەس بٸز بٸلٸم جەنە عىلىم مينيسترلٸگٸ رەتٸندە زاۋىتتار سالۋ, دەرٸلٸك پرەپاراتتار, ۆاكتسينالار شىعارۋ بويىنشا قۇزىرەتٸمٸز جوق, سوندىقتان زاڭناماعا سەيكەس زاۋىتتى دا ٶزٸمٸز سالا المايمىز. سوندىقتان بۇل قاراجات جامبىل وبلىسىنىڭ ەكٸمدٸگٸنە بەرٸلدٸ. قازٸرگٸ ۋاقىتتا جامبىل وبلىسىنىڭ ەكٸمدٸگٸ تاپسىرىس بەرۋشٸ رەتٸندە كونكۋرس ٶتكٸزٸپ, جوبالىق-سمەتالىق قۇجاتتاما دايىنداپ, اتالعان قۇجاتقا مەملەكەتتٸك ساراپتاما الدى. بۇدان ەرٸ مەردٸگەرمەن شارت جاساسىپ, زاۋىت سالۋدى باستادى», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, قازٸر قۇرىلىس-مونتاجداۋ جۇمىستارى اياقتالدى. جابدىقتارى شامامەن 100% جەتكٸزٸلگەن.
«بٸزدٸڭ الدىمىزدا ٷلكەن مٸندەت تۇر – جالپى زاۋىتتىڭ ٶزٸ GMP جوعارى تالاپتارىنا ساي كەلۋٸ تيٸس: تازا عيماراتتار, ارنايى تالاپتار, الدىن الا ۆاليداتسيياعا, ۆاكتسينانىڭ تۇراقتىلىعىنا, تاڭبالاۋعا قويىلاتىن تالاپتار بار. وسىعان بايلانىستى زاۋىتتى ٸسكە قوسۋ الدىندا اۋقىمدى جۇمىس جٷرگٸزۋ قاجەت, ونى قازٸر جامبىل وبلىسىنىڭ ەكٸمدٸگٸ مەن مەردٸگەر جٷرگٸزەدٸ», - دەپ تٷسٸندٸردٸ اسحات ايماعامبەتوۆ.
