قازاقستاندا ٷزدٸكسٸز وقۋ تۇجىرىمداماسى ەزٸرلەنٸپ جاتىر. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«PIAAC زەرتتەۋٸنە بٸز بٸرٸنشٸ رەت قاتىسىپ وتىرمىز. ال نەگٸزگٸ قاتىسۋشىلارى دامىعان مەملەكەتتەر ەكەنٸ بەلگٸلٸ. بٸراق, قازاقستان ەدەيٸ قاتىستى. بٸزگە وسى پروبلەمالاردى بەلگٸلەپ الۋ ماڭىزدى. كەي مەملەكەتتەر مۇنداي زەرتتەۋگە تەك استانالارىن نە ٸرٸ قالالارىن قاتىستىرادى. بٸز اۋىلدىڭ دا, قالانىڭ دا تۇرعىندارىن تيٸستٸ ەدٸستەمە بويىنشا بٸردەي نەتيجە الۋ ٷشٸن قاتىستىردىق. سوندىقتان بۇل ناقتى نەتيجە سانالادى», - دەدٸ اسحات ايماعامبەتوۆ مينيسترلٸكتٸڭ اپپارات كەڭەسٸ بارىسىندا.
سونىمەن قاتار ول ەلٸمٸزدە ٷزدٸكسٸز وقۋ تۇجىرىمداماسى ەزٸرلەنٸپ جاتقانىن ايتتى
«اۋرۋىن جاسىرعانعا نە بولاتىنىن بٸلەمٸز. سوندىقتان وسىنداي پروبلەمالاردى تانىپ, ولار بويىنشا ناقتى شەشٸمدەر قابىلداۋ بٸز ٷشٸن ٶتە ماڭىزدى. سول سەبەپتٸ وسىنداي اپپارات كەڭەستەرٸندە حالىقارالىق زەرتتەۋلەردٸڭ نەتيجەلەرٸن, ەسٸرەسە سالىستىرمالى زەرتتەۋلەردٸڭ ساراپتامالىق اقپاراتتارىن بەرٸپ وتىرامىز. مۇنداي اقپارات ناقتى شەشٸم قابىلداۋ ٷشٸن قوزعالادى. ٶمٸر بويى وقۋ, ٷزدٸكسٸز وقۋ تۇجىرىمداماسىن دايىنداۋ بويىنشا مەملەكەت باسشىسى قاسىم-جومارت توقاەۆ ٶز جولداۋىندا بەكەر ايتقان جوق. بۇل بٸز ٷشٸن ماڭىزدى مەسەلەنٸڭ بٸرٸ. قوسىمشا بٸلٸم بەرۋدٸ دامىتۋ, جالپى ٷزدٸكسٸز وقۋ مەسەلەسٸن دامىتۋ, فورمالدى ەمەس بٸلٸم بەرۋ نەتيجەلەرٸن تانۋ ٶتە ماڭىزدى بولىپ وتىر. سوندىقتان بٸز اتالعان تۇجىرىمدامانى دايىنداپ جاتىرمىز», - دەدٸ ول.
مينيستردٸڭ ايتۋىنشا, تۇجىرىمدامانى دايىنداۋ جۇمىسىنا جوعارى وقۋ ورىندارى, عىلىمي-زەرتتەۋ ينستيتۋتتارى بەلسەنە قاتىسۋى كەرەك.
