مەكتەپ مۇعالٸمدەرٸ اراسىندا ٶتكٸزٸلەتٸن «ٷزدٸك پەداگوگ» كونكۋرسىنا ٶزگەرٸستەر ەنگٸزٸلەدٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
ايتا كەتەيٸك, بۇعان دەيٸن مينيسترلٸك «جوو-نىڭ ٷزدٸك وقىتۋشىسى» بايقاۋىنىڭ ەرەجەسٸنە بٸرقاتار ٶزگەرٸستەر ەنگٸزٸلەتٸنٸن جارييالاعان بولاتىن.
«بۇل جوبانى تاعى بٸر اپتا تالقىلايمىز. ودان كەيٸن قازان ايىنىڭ سوڭىنا دەيٸن بۇيرىق قابىلداۋىمىز كەرەك. بيىل بولاتىن «جوو-نىڭ ٷزدٸك وقىتۋشىسى» كونكۋرسىن اتالعان بۇيرىق اياسىندا ٶتكٸزەمٸز. سوندىقتان ٶزدەرٸڭٸزدە ۇسىنىس بولسا, بەرۋگە مٷمكٸندٸك بار. بۇل - ٶتە ماڭىزدى بايقاۋ. بٸزگە كەرەگٸ – اشىقتىق پەن ەدٸلدٸكتٸ قامتاماسىز ەتۋ. تسيفرلاندىرۋ مەسەلەسٸن شەشۋٸمٸز كەرەك. ەدٸستەمەلٸك تۇرعىدان دا جاڭارتۋىمىز قاجەت. كٶرسەتكٸشتەر بويىنشا بٸراز ٶزگەرٸس بولادى. سوندىقتان بۇل ٶزگەرٸستەردٸ قابىلداپ, ودان كەيٸن ەرٸپتەستەرٸمٸزگە جەتكٸزۋٸمٸز قاجەت. ەڭ باستىسى - وسى ٷلكەن كونكۋرسىمىزدى ەدٸل ەرٸ اشىق ٶتكٸزۋگە تيٸسپٸز. ٶيتكەنٸ ەرتٷرلٸ الىپ-قاشپا سٶزدەر بار. اشىق بولسا سەنٸم دە قالىپتاسادى», - دەدٸ اسحات ايماعامبەتوۆ مينيسترلٸكتٸڭ اپپارات جيىنىندا.
سونىمەن قاتار, مينيستر مەكتەپ مۇعالٸمدەرٸنە ارنالعان «ٷزدٸك پەداگوگ» كونكۋرسىنا دا ٶزگەرٸستەر ەنگٸزٸلەتٸنٸن ايتتى.
«مەكتەپ دەڭگەيٸندە ٶتەتٸن بايقاۋ بويىنشا دا وسىنداي ٶزگەرٸستەردٸ ٸسكە اسىراتىن بولامىز. سوندىقتان كوميتەت تٶراعاسىنا وسىنى تاپسىرامىن. تسيفرلاندىرۋ, اشىق ٶتۋٸ, ونىڭ ەدٸستەمەسٸنٸڭ بولۋى مەسەلەسٸ بويىنشا جۇمىس جٷرگٸزۋ كەرەك», - دەدٸ اسحات ايماعامبەتوۆ.
