فوتو: Tengrinews.kz/تۋرار كازانگاپوۆ
مەجٸلٸس دەپۋتاتى, بۇرىنعى بٸلٸم مينيسترٸ اسحات ايماعامبەتوۆ مەكتەپتەردە وقۋ جىلىنىڭ 31 مامىرعا دەيٸن ۇزارعانىنا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
"بٸز جۇمىستا تەك قانا ۇنايتىن, قول سوعاتىن شەشٸمدەردٸ عانا قابىلداماۋىمىز كەرەك. ولاي بولسا, بۇل تەك پوپۋليزم بولادى. ەرينە جالاقى كٶتەرسەڭ, تيٸستٸ تالاپتاردى الىپ تاستاساڭ, بارلىعىنا ۇنايدى. بٸراق مەملەكەتتٸك قىزمەتشٸ بولعاننان كەيٸن ۇنامايتىن, بٸراق ەلگە قاجەت, مٷمكٸن بەس جىلدان كەيٸن, مٷمكٸن ون جىلدان كەيٸن تٷسٸنٸكتٸ بولاتىن شەشٸمدەردٸ قابىلداي بٸلۋٸمٸز كەرەك دەپ ويلايمىن. سول شەشٸمنٸڭ بٸرٸ قابىلدانعان بولاتىن. ەندٸ ول باسىم كٶپشٸلٸككە ۇنامايتىنى تٷسٸنٸكتٸ. ول سولاي بولۋى كەرەك تە. بۇل شەشٸمدٸ قابىلدار كەزدە حالىق اراسىندا, وقۋشىلار اراسىندا جاقسى قابىلدانبايتىنىن بٸز بٸلدٸك", - دەيدٸ ايماعامبەتوۆ مەجٸلٸس كۋلۋارىندا جۋرناليستەر سۇراعىنا جاۋاپ بەرٸپ.
ەكس-مينيستردٸڭ ايتۋىنشا, وقۋ جىلىن بٸر اپتاعا ۇزارتۋ تۋرالى شەشٸم بٸلٸم ساپاسىن كٶتەرۋ ماقساتىندا قابىلدانعان.
"دەل سول ۋاقىتتا بۇل شەشٸم قاجەت بولدى. قازٸر تيٸستٸ مينيسترلٸك بۇل مەسەلەمەن اينالىسىپ, تيٸستٸ شەشٸم قابىلدايدى دەپ ويلايمىن", - دەدٸ دەپۋتات.
ايماعامبەتوۆ بالالارى مەكتەپكە ەلٸ بارىپ جٷرگەنٸن, كٸتاپتارىن تاپسىرماعانىن ايتتى.
ايتا كەتەيٸك, بىلتىر مەكتەپتەردە سوڭعى قوڭىراۋ كٷنٸن اۋىستىرۋ تۋرالى شەشٸم قابىلدانعان بولاتىن. ياعني وقۋشىلار بۇرىنعىداي دەمالىسقا 25 مامىردا شىقپايدى, سوڭعى قوڭىراۋ 1 ماۋسىمدا سوعىلادى. الايدا قازٸر بۇل جاڭاشىلدىق اتا-انالاردىڭ نارازىلىعىن تۋدىرىپ جاتىر. ولاردىڭ ايتۋىنشا, بالالار كٸتاپتارىن باياعىدا تاپسىرىپ قويعان, مەكتەپكە بوسقا بارىپ جٷر.
