قر بٸلٸم جەنە عىلىم مينيسترٸ اسحات ايماعامبەتوۆ سەرتيفيكاتتار, تٷرلٸ ديپلومدار, مەدالدار, ەرەكشەلٸك بەلگٸلەرٸن ساتۋمەن اينالىساتىن ۇيىمداردىڭ جولىن كەسۋگە ۋەدە بەردٸ, دەپ حابارلايدى "ۇلت اقپارات".
«كەسٸبي دامىتۋ ورتالىعى دەپ اتالاتىن ۇيىمدار قاپتاپ كەتتٸ. ال ٸس جٷزٸندە ولار سەرتيفيكاتتار, تٷرلٸ ديپلومدار, مەدالدار, ەرەكشەلٸك بەلگٸلەرٸن ساتۋمەن اينالىسادى. بٸز ولاردىڭ قىزمەتٸنٸڭ جولىن كەسۋ قاجەت دەپ سانايمىز جەنە پەداگوگتار مۇنداي «قارماققا» ٸلٸنٸپ قالماۋى تيٸس», - دەدٸ مينيستر پەداگوگتار مەن بٸلٸم جەنە عىلىم سالاسى قىزمەتكەرلەرٸنٸڭ رەسپۋبليكالىق تامىز كەڭەسٸ بارىسىندا.
ونىڭ ايتۋىنشا, اتالعان جايتقا بايلانىستى قازٸرگٸ ۋاقىتتا بۇيرىقتار مەن نورماتيۆتٸك-قۇقىقتىق اكتٸلەرگە ٶزگەرٸستەر ەنگٸزٸلەتٸن بولادى.
«بۇل پەداگوگتاردىڭ وسىنداي ناگرادالاردى جيناۋىنا مٷمكٸندٸك بەرمەۋ ٷشٸن جاسالادى. ال ۆەدومستۆولىق ناگرادالارعا قاتىستى ايتار بولسام, بۇل جەردە دە اشىقتىق قامتاماسىز ەتٸلەدٸ», - دەدٸ اسحات ايماعامبەتوۆ.
