قازاقستاندا پەداگوگتەردٸڭ ەڭبەگٸن نورمالاۋ جٷيەسٸ ەنگٸزٸلەدٸ. اتالعان قۇجاتتى بٷگٸن ٷكٸمەت وتىرىسىندا قر بٸلٸم جەنە عىلىم مينيسترٸ اسحات ايماعامبەتوۆ تانىستىردى, دەپ حابارلايدى قازاقپارات.
«بٸز جوبادا پەداگوگتەردٸڭ مەرتەبەسٸن بٸرٸنشٸ ورىنعا قويىپ وتىرمىز. مەملەكەت باسشىسىنىڭ تاپسىرماسىنا ساي 4 جىل ٸشٸندە 500 مىڭ پەداگوگتٸڭ ەبەكاقىسىن 2 ەسەگە ۇلعايتۋ قاراستىرىلعان. مۇعالٸمدەردٸ قايتا دايارلاۋ, بٸلٸكتٸلٸكتٸ ارتتىرۋدىڭ جاڭا جٷيەسٸ ەنگٸزٸلەتٸن بولادى. مۇنان بىلاي بالاباقشا, قوسىمشا بٸلٸم جەنە كوللەدج پەداگوگتەرٸ, ولاردىڭ باسشىلارى اتتەستاتتاۋدان ٶتٸپ, جالاقىسى ارتاتىن بولادى. پەداگوگتەردٸڭ ەڭبەگٸن نورمالاۋ جٷيەسٸن ەنگٸزەمٸز جەنە 2021 جىلدان باستاپ ۋنيۆەرسيتەتتەردٸڭ تٷلەكتەرٸ رەتتەلەتٸن ماماندىقتار بويىنشا سەرتيفيكاتتاۋدان ٶتەتٸن بولادى», - دەدٸ 2025 جىلعا دەيٸن قازاقستاندا بٸلٸم مەن عىلىمدى دامىتۋدىڭ مەملەكەتتٸك باعدارلاماسىن تانىستىرعان مينيستر.
سونىمەن قاتار ونىڭ ايتۋىنشا, پەداگوگيكالىق بٸلٸمدٸ جاڭعىرتۋ, بولاشاق مۇعالٸمدەردٸڭ پەداگوگيكالىق پراكتيكاسىن ٶزگەرتۋ جەنە ونى ۇلعايتۋ, وقۋ باعدارلامالارىن جالپى 100 پايىزعا جاڭارتۋ قاراستىرىلعان. 3-6 جاستاعى بالالاردى بالاباقشامەن 100 پايىز قامتۋ جوسپارلانعان.
«ساپانى ارتتىرۋ ماقساتىندا ولاردى ليتسەنزييالاۋدى كەزەڭدەپ قايتارۋ جەنە بالالاردى مەكتەپكە دايارلاۋدى جاقسارتۋ ٷشٸن جاڭا باعدارلامالار ەنگٸزۋ كٶزدەلگەن. بٸز بٷگٸن كٷندە كٶرٸپ وتىرمىز, جەكەمەنشٸك بالاباقشالاردا ەرتٷرلٸ كەلەڭسٸز جاعدايلار كٶبەيٸپ كەتتٸ. سوندىقتان كەزەڭ-كەزەڭمەن ليتسەنزييالاۋ مەسەلەسٸن دە قولعا العان جٶن دەپ ۇيعاردىق. ٶڭٸرلەردٸڭ جەكەمەنشٸك بالاباقشالارىنىڭ ۇسىنىسى بويىنشا مەملەكەتتٸك تاپسىرىس قۇنى 30 مىڭ تەڭگەگە دەيٸن جەتكٸزٸلەدٸ. ول ٷشٸن رەسپۋبليكالىق بيۋدجەتتەن 400 ملرد تەڭگەدەن استام قارجى قاراستىرىلىپ وتىر», - دەدٸ ول.
