ەلٸمٸزدٸڭ جوعارى وقۋ ورىندارى پەداگوگيكالىق قايتا دايارلاۋ باعدارلامالارىن ەزٸرلەپ جاتىر. بۇل جايىندا مەجٸلٸس دەپۋتاتتارىنىڭ ساۋالىنا قر بٸلٸم جەنە عىلىم مينيسترٸ اسحات ايماعامبەتوۆتٸڭ جاۋابىندا ايتىلعان, دەپ حابارلايدى "ۇلت اقپارات".
«دارىندى جاستاردى پەداگوگيكالىق ماماندىققا تارتۋ ماقساتىندا مۇعالٸمنٸڭ مەرتەبەسٸن كٶتەرۋ ٷشٸن تيٸستٸ جۇمىس جالعاستىرىلۋدا. پەداگوگيكالىق باعىت بويىنشا وقۋعا تٷسۋگە قويىلاتىن تالاپتار بٸرتٸندەپ كٷشەيتٸلۋدە. وسىلاي, 2020 جىلى وقۋعا تٷسۋ بالى 60-تان 70 بالعا دەيٸن كٶتەرٸلدٸ, ارنايى ەمتيحان مازمۇنى ٶزەكتەندٸرٸلدٸ. پەداگوگيكالىق جوعارى وقۋ ورىندارىندا (بۇدان ەرٸ - جوو) وقيتىن ستۋدەنتتەردٸڭ ستيپەنديياسى ۇلعايتىلدى (26 186-نان 42 000 تەڭگەگە دەيٸن). مەكتەپ مۇعالٸمدەرٸنٸڭ ەڭبەكاقىسى ٶستٸ. مەكتەپ وقۋشىلارى اراسىندا كەسٸپتٸك باعدار بەرۋ جۇمىسىن جٷرگٸزۋ ٷشٸن جوو-لار بٸلٸم باسقارمالارىمەن, مەكتەپتەرمەن ٶزارا ٸس-قيمىل جاسايدى», - دەدٸ مينيستر.
ونىڭ اتاپ ٶتۋٸنشە, قازٸرگٸ ۋاقىتتا بارلىق بٸلٸم بەرۋ باعدارلامالارى پەداگوگتٸڭ كەسٸبي ستاندارتىنا جەنە جۇمىس بەرۋشٸلەردٸڭ تالاپتارىنا سەيكەس جاڭارتىلدى. بۇل رەتتە, پەداگوگيكالىق پراكتيكاعا ارنالعان ەدٸستەمەلٸك ۇسىنىستار جاسالىنعان جەنە وقىتۋدىڭ بارلىق كەزەڭٸندە پراكتيكانى ۇيىمداستىرۋدى كٶزدەيتٸن ٷزدٸكسٸز پراكتيكالىق وقىتۋ جٷيەسٸ ەنگٸزٸلدٸ. 2018 جىلدان باستاپ پەداگوگتٸ اتتەستاتتاۋ رەسٸمدەرٸنٸڭ جاڭا فورماتى ەنگٸزٸلدٸ. وسىعان بايلانىستى مينيسترلٸك نورماتيۆتٸك-قۇقىقتىق قۇجاتتارعا ٶزگەرٸستەر ەنگٸزۋ بويىنشا جۇمىس جٷرگٸزدٸ. وعان سەيكەس 2021 جىلدان باستاپ پەداگوگيكالىق جوو-لاردىڭ تٷلەكتەرٸ ٷشٸن ۇلتتىق بٸلٸكتٸلٸك تەستٸلەۋٸنەن مٸندەتتٸ ٶتۋ نورماسى ەنگٸزٸلدٸ. اتالعان شارا تٷلەكتەردٸڭ قۇزىرەتتٸلٸگٸن راستاۋعا جەنە بٸلٸم بەرۋ ۇيىمدارىن بٸلٸكتٸ جاس ماماندارمەن قامتاماسىز ەتۋگە مٷمكٸندٸك بەرەدٸ.
«تەجٸريبە الماسۋ اياسىندا جوو وقىتۋشىلارىنىڭ جاپپاي اشىق ونلاين كۋرستارىن ەزٸرلەپ, بٸلٸم بەرۋ پلاتفورمالارىنا ورنالاستىرۋعا مٷمكٸندٸكتەرٸ بار. سونىمەن قاتار, جوو-لار مەكتەپتەرمەن بٸرلەسٸپ ٶزارا تەجٸريبەمەن الماسۋ جەنە ستۋدەنتتەرگە يننوۆاتسييالىق پەداگوگيكالىق تەحنولوگييالار مەن ەدٸستەردٸ تيٸمدٸ وقىتۋ ماقساتىمەن كونسورتسيۋم قۇردى. قازٸرگٸ ۋاقىتتا جوو-لار پەداگوگيكالىق قايتا دايارلاۋ باعدارلامالارىن ەزٸرلەۋ بويىنشا جۇمىس جٷرگٸزۋدە. وسى باعىتتا مينيسترلٸك جوو-لارعا پەداگوگيكالىق-پسيحولوگييالىق دايىندىقتى كٷشەيتۋ ٷشٸن پەداگوگيكالىق قايتا دايارلاۋ باعدارلامالارىنىڭ مازمۇنىن ٶزگەرتٸپ, وقۋ نەتيجەلەرٸن تٷزەتۋدٸ ۇسىندى», - دەدٸ اسحات ايماعامبەتوۆ.
سونىمەن قاتار مينيستر جاس مامانداردى مەكتەپ جۇمىسىنا ىنتالاندىرۋ ٷشٸن شەتەلدٸك جوو-لاردى, «بولاشاق» باعدارلاماسىن, اعىلشىن تٸلٸندە پەندەردٸ وقىتۋ قۇقىعىمەن بٸتٸرۋشٸلەر, سونداي-اق پرەزيدەنتتٸك كادر رەزەرۆٸنە كٸرگەن ادامدار ٷشٸن «پەداگوگ-مودەراتور» بٸلٸكتٸلٸك ساناتىن بەرۋدٸڭ جەڭٸلدەتٸلگەن تەرتٸبٸ ەنگٸزٸلگەنٸن اتاپ ٶتەدٸ.
«وسىلايشا, مينيسترلٸك پەداگوگيكالىق بٸلٸم بەرۋ ساپاسىن ارتتىرۋ جەنە مەكتەپتەردٸ جوعارى بٸلٸكتٸ مۇعالٸمدەرمەن قامتاماسىز ەتۋ بويىنشا جٷيەلٸ, كەشەندٸ جۇمىستى جٷزەگە اسىرۋدا», - دەدٸ ول.
