قر بٸلٸم جەنە عىلىم مينيسترلٸگٸ جوعارى بٸلٸم اقىسىن قىمباتتاتپاۋ ٷشٸن داعدارىسقا قارسى شارالار پاكەتٸن ۇسىندى, دەپ حابارلايدى "ۇلت اقپارات".
«قازٸرگٸ ۋاقىتتا بعم مەن جوعارى وقۋ ورىندارىنىڭ مٸندەتٸ – بٸلٸم بەرۋ ساپاسىنىڭ جوعارى دەڭگەيٸن قامتاماسىز ەتٸپ قانا قويماي, بٸلٸم الۋشىلارعا قارجىلىق جٷكتەمەنٸ ازايتۋ بولىپ وتىر. مەن قازٸردٸڭ ٶزٸندە جوعارى وقۋ ورىندارىنا وقۋ قۇنىن كٶتەرمەۋ تۋرالى ۇسىنىس جاسادىم, بٸراق بۇل ٷشٸن جوعارى وقۋ ورىندارىنا دا جاعداي جاساۋ كەرەك. وسىعان بايلانىستى داعدارىسقا قارسى شارالار پاكەتٸن ۇسىنامىز», - دەپ جازدى مينيستر اسحات ايماعامبەتوۆ facebook جەلٸسٸندە.
ەڭ الدىمەن, جوو-نىڭ اقىلى نەگٸزدە بٸر بٸلٸم الۋشىعا ەڭ تٶمەنگٸ شىعىندارىنىڭ جەنە گرانت قۇنىنىڭ اراقاتىناسى بويىنشا تالاپتى جويۋ ۇسىنىلدى. مەملەكەتتٸك گرانت مٶلشەرٸن ارتتىرۋ جاعدايىندا بۇل تالاپ جوعارى وقۋ ورىندارىنىڭ باعا ساياساتىن اقتاۋعا اينالماۋى كەرەك.
وعان قوسا, دايارلاۋدىڭ پراكتيكاعا باعىتتالعان سالالارى ٷشٸن عىلىمي دەرەجەنٸڭ مٸندەتتٸ بولۋى مەن شتاتتا جۇمىس ٸستەۋ تالاپتارى جويىلادى.
«وقىتۋشىلار سانىنىڭ ستۋدەنتتەر سانىنا قاتىناسى تۋرالى تالاپتى جويۋ كەرەك. بٸلٸم بەرۋدٸ دامىتۋدىڭ جاڭا جاعدايلارىندا بۇل تالاپ ٶزەكتٸ بولمايدى. تٶرتٸنشٸدەن, قورىتىندى باقىلاۋ جٷرگٸزۋ فورماسى بويىنشا تالاپ كٷشٸن جويىلادى. قارجى, بۋحگالتەرلٸك ەسەپ, IT, مەيرامحانا ٸسٸ سيياقتى سالالاردا وقۋ نەتيجەلەرٸنە قول جەتكٸزۋ تەزيسپەن ەمەس, ناقتى پراكتيكالىق جۇمىس داعدىلارى, دەمونستراتسييالىق ەمتيحاندار نەمەسە جوبالار ارقىلى راستالادى. بۇل كەيبٸر ۋنيۆەرسيتەتتەردەگٸ قۇر بەلگٸ ٷشٸن جازىلعان كۋرستىق جۇمىستارعا دا قاتىستى», - دەيدٸ ا. ايماعامبەتوۆ.
سونداي-اق, پاندەمييا كەزەڭٸندە وقۋ بٸتٸرگەن سوڭ, بٸر جىلدا جۇمىسقا ورنالاسۋ تۋرالى تالاپ تالداۋ كەزٸندە عانا ەسكەرٸلەتٸن بولادى.
«ودان بٶلەك, ەندٸ بٸز تٷلەكتەردٸ جۇمىسقا ورنالاستىرۋدى عانا ەمەس, وسى تٷلەكتەردٸڭ جاڭا جۇمىس ورىندارىن اشۋىن دا ەسكەرەتٸن بولامىز. التىنشى ۇسىنىس, جوو يەلەنۋٸ تيٸس ماتەريالدىق اكتيۆتەردٸڭ تٷرلەرٸ بويىنشا تالاپتاردى قايتا قاراۋ كەرەك. ەڭ باستىسى – اكتيۆ تٷرلەرٸ ەمەس, بٸلٸم بەرۋ ساپاسىن قامتاماسىز ەتۋ ٷشٸن جاعداي جاسالۋى كەرەك», - دەدٸ ا. ايماعامبەتوۆ.
بۇعان دەيٸن بٸلٸم مينيسترٸ قاشىقتان نەمەسە ارالاس وقۋ تٷرٸن تاڭداۋ مٷمكٸندٸگٸن ەنگٸزۋدٸ, ٸلٸم بەرۋگە بيزنەس پەن ٶندٸرٸس ٶكٸلدەرٸن, شەتەلدٸك وقىتۋشىلاردى تارتۋدى ۇسىنعان ەدٸ.
