بٸلٸم جەنە عىلىم مينيسترٸ اسحات ايماعامبەتوۆ مەكتەپتەرگە ينتەرنەت قىزمەتٸن قوساتىن پروۆايدەرلەردٸڭ قىزمەتٸن سىنعا الدى, دەپ حابارلايدى قازاقپارات.
«بٸرٸنشٸدەن اۋقىمدى جۇمىس (بٸلٸم سالاسىن تسيفرلاندىرۋعا قاتىستى) اتقارىلىپ جاتىر. ونى جوققا شىعارۋعا بولمايدى. بٸراز اۋىز تولتىرىپ ايتاتىن ٶزگەرٸس بار. بٸراق بٸزگە بٷگٸنگٸ كٷنٸ ول جەتكٸلٸكسٸز. بٸزدٸڭ باستى مٸندەتٸمٸز – بٸلٸم سالاسىنداعى تسيفرلاندىرۋ ساياساتىن بەلگٸلەۋ, انىقتاۋ. سول بويىنشا تيٸستٸ نورماتيۆتٸك-قۇقىقتىق اكتٸلەردٸ قابىلداۋ. بۇل بٸر. ەكٸنشٸدەن تيٸستٸ تالاپتار قويۋ. ٷشٸنشٸدەن بارلىق دەڭگەي بويىنشا تيٸستٸ جۇمىستى ۇيىمداستىرۋ. وسى رەتتە بٸرٸنشٸ مەسەلە بويىنشا نورماتيۆتٸ قۇقىقتىق قۇجاتتار ارقىلى تالاپتار بەكٸتۋ بويىنشا جۇمىس جەتكٸلٸكسٸز», - دەدٸ اسحات ايماعامبەتوۆ بٸلٸم جەنە عىلىم مينيسترلٸگٸنٸڭ اپپاراتتىق وتىرىسىندا.
مينيستردٸڭ ايتۋىنشا, مەكتەپتەرگە ينتەرنەت قىزمەتٸن قوساتىن پروۆايدەردٸڭ تاريفٸ ٶتە قىمبات.
«ەكٸنشٸدەن, بٸز ساتىپ الىپ جاتقان سول قىزمەتتٸڭ ساپاسى تٶمەن. 10 مبيت دەگەنٸمەن, بارىپ ٶلشەسەك ول ٶلشەمگە جەتپەيدٸ. ونى ەر مەكتەپتٸڭ باسشىسى قاداعالاپ, تيٸستٸ جۇمىستى جٷرگٸزٸپ, كەرەك بولسا شاعىمدانىپ, سوتقا بەرۋٸ كەرەك. بٸراق ول جۇمىس, ٶكٸنٸشكە قاراي, جوق. قوماقتى قاراجات بٶلٸنٸپ جاتقانىمەن, نەتيجەسٸ شامالى. بٸزدە بٸرنەشە پروۆايدەر – قازاقتەلەكوم, بيلاين, تاعى باسقالارى بار. بٸز بٸر عانا پروۆايدەرمەن جۇمىس جٷرگٸزبەي, قايسىسى ساپالى قىزمەت كٶرسەتەدٸ – سونىڭ قىزمەتٸن پايدالانۋىمىز كەرەك», - دەدٸ ول.
اسحات ايماعامبەتوۆ مەسەلەن 100 مگيتتٸك ينتەرنەت قىزمەتٸن جەكە تۇلعالار - بٸر باعامەن, مەكتەپ - باسقا باعامەن الاتىنىن ايتادى.
«مىسالى Microsoft كومپانيياسى مەكتەپتەرگە كەم دەگەندە 70 پايىز تٶمەندەتٸلگەن تاريفپەن قىزمەت كٶرسەتەدٸ. ال باسقا مەكەمەلەرگە كوممەرتسييالىق تاريفتەردٸ ۇسىنادى. بٸزدٸڭ مەملەكەتتە دە وسىنداي ساياسات بولۋى كەرەك. مەنٸڭ ويىمشا, ينتەرنەتكە ەڭ ٷلكەن تاپسىرىس بەرۋشٸ – بٸلٸم سالاسى. سوندىقتان پروۆايدەرلەرمەن جۇمىس جٷرگٸزۋ كەرەك», - دەدٸ مينيستر.
