قر وقۋ-اعارتۋ مينيسترٸ اسحات ايماعامبەتوۆ مەكتەپتەردٸ كٷزەتۋ ٷشٸن ارنايى وقۋ-جاتتىعۋ ٶتكٸزۋدٸ ۇسىندى. ونىڭ پايىمىنشا, مەكتەپتەردەگٸ مامانداندىرىلعان كٷزەت قىزمەتكەرلەرٸنٸڭ جۇمىسى كٶڭٸل كٶنشٸتپەيدٸ, دەپ حابارلايدى قازاقپارات.
ەڭ الدىمەن مينيستر قىزمەتكەرلەردٸڭ جيٸ اۋىساتىنىن, تٸپتٸ كٷن سايىن اۋىساتىنىن اتاپ ٶتتٸ, بۇل مەكتەپتەردەگٸ بالالاردىڭ قاۋٸپسٸزدٸگٸن قامتاماسىز ەتۋگە تەرٸس ەسەر ەتەدٸ.
وعان قوسا, كٷزەتشٸلەر بالالاردىڭ مٸنەز-قۇلقى مەن مەكتەپ تەرتٸبٸن بٸلۋٸ كەرەك.
«بٸز مەكتەپتەردە مامانداندىرىلعان كٷزەت اگەنتتٸكتەرٸ بولۋى كەرەك دەگەن شەشٸم قابىلداعاندا نەگٸزٸنەن تيٸستٸ قارسىلىق كٶرسەتە المايتىن نەمەسە قاۋٸپسٸزدٸكتٸڭ تيٸستٸ دەڭگەيٸن قامتاماسىز ەتە المايتىن ۆاحتەرلاردىڭ ورنىنا وسى تالاپتارعا ساي كەلەتٸن ماماندار كەلگەنٸن قالادىق. بٸراق قازٸر كەيبٸر فاكتٸلەر مامانداندىرىلعان كٷزەت اگەنتتٸكتەرٸ ارقىلى كەلگەن قىزمەتكەرلەردٸڭ بٸزبەن بۇرىن جۇمىس ٸستەگەن ەرٸپتەستەرٸنەن ەش ايىرماشىلىعى جوق ەكەنٸن كٶرسەتتٸ. بٸز ٷشٸن بٸرٸنشٸ كەزەكتەگٸ مەسەلە – قاۋٸپسٸزدٸكتٸ قامتاماسىز ەتۋ. سوندىقتان, بٸلٸم باسقارماسى شارتتار جاساسقاندا تالاپتار مەن كونكۋرستىق قۇجاتتامادا وسى جايتتاردى ەسكەرٸپ, قاۋٸپسٸزدٸك كومپانييالارىنان بارلىق قاجەتتٸ داعدىلار مەن قۇزىرەتتەردٸ تالاپ ەتۋٸ كەرەك. وسىنىڭ بەرٸن بايقاۋ ٶتكٸزۋ كەزٸندە تالاپقا ساي كەلتٸرۋ كەرەك», - دەدٸ مينيستر اپپاراتتىق جينالىستا.
مينيستر مەكتەپتەردٸڭ كەز كەلگەن وقىس جاعدايلارعا دايىن بولۋى كەرەكتٸگٸن, ولارعا ەرەكەت ەتۋ الگوريتمٸن ٸشكٸ ٸستەر مينيسترلٸگٸمەن, تٶتەنشە جاعدايلار مينيسترلٸگٸمەن جەنە باسقا دا مٷددەلٸ ورگاندارمەن بٸرگە جاڭارتۋ قاجەتتٸگٸن ايتتى.
«ەگەر مۇنداي مٷمكٸندٸك بولسا, ولارمەن تيٸستٸ جاتتىعۋ ٶتكٸزۋ كەرەك. بالالارىمىزدىڭ قاۋٸپسٸزدٸگٸن قامتاماسىز ەتۋ ٷشٸن جان-جاقتى شارا قابىلداۋ قاجەت», - دەدٸ وقۋ-اعارتۋ مينيسترٸ.
