© Photo : ستسك
بٸلٸم جەنە عىلىم مينيسترٸ اسحات ايماعامبەتوۆ تٶرت وبلىستا مۇعالٸم تاپشىلىعى مەسەلەسٸ قالاي شەشٸلەتٸنٸن ايتتى, دەپ حابارلايدى Sputnik قازاقستان.
مينيستردٸڭ ايتۋىنشا, قازٸر اتىراۋ, ماڭعىستاۋ, تٷركٸستان جەنە الماتى وبلىستارىندا مۇعالٸم تاپشىلىعى قاتتى سەزٸلەدٸ. كادر جەتٸسپەۋشٸلٸگٸن شەشۋ ٷشٸن مينيسترلٸك ارنايى باعدارلاما قابىلداپ جاتىر. وعان تيٸستٸ قارجى بٶلٸنۋدە.
"بٸرٸنشٸدەن, مۇعالٸم تاپشىلىعى بار ٶڭٸرلەرگە بارعان ەرٸپتەستەرٸمٸزدٸڭ جالاقىسى ەكٸ ەسە كٶپ بولادى. بٸراق ولارعا كرٸ رەتٸندە كٶرسەتكٸشتەر قويىلادى. ەكٸنشٸدەن, ولارعا جۇمىس ٸستەگەن ۋاقىتتا باسپانا بەرٸلەدٸ, ٷيدٸڭ كوممۋنالدىق شىعىندارىن مەملەكەت ٶتەيدٸ. وسىلايشا ەڭ ٷلكەن تاپشىلىق بار ٶڭٸرلەردەگٸ مەسەلەنٸ شەشٸپ جاتىرمىز", - دەدٸ ايماعامبەتوۆ مەجٸلٸس كۋلۋارىندا.
ايتۋىنشا, قاراجات رەسپۋبلكالىق ترانسفەرتتەر ەسەبٸنەن باعىتتالادى.
"ياعني, بۇل ماقساتتى ترانسفەرتتەر. اقشا جەرگٸلٸكتٸ بيۋدجەتكە جٸبەرٸلەدٸ. كەيٸن ول ارنايى كونكۋرستان ٶتٸپ, ٶڭٸرگە ساباق بەرۋگە كەلگەن مۇعالٸمدەرگە تٶلەنەدٸ", - دەپ تٷسٸندٸردٸ مينيستر.
ايماعامبەتوۆتٸڭ ايتۋىنشا, مۇعالٸمدەر تاپشىلىعى وقۋشىلار سانىنىڭ ٶسۋٸ سەبەپ بولىپ وتىر.
"ون جىل ٸشٸندە مەكتەپتە وقيتىن بالالار سانى بٸر ميلليونعا جۋىق ارتتى. ول دەگەنٸمٸز مۇعالٸمدەر سانى دا ٶسٸپ جاتىر دەگەندٸ بٸلدٸرەدٸ. ەندٸ 2025 جىلعا دەيٸن بٸزگە تاعى 100 مىڭ مۇعالٸم قاجەت بولادى. بٸزگە جاڭا مەكتەپتەر قاجەت, ال جاڭا مەكتەپتەرگە جاڭا مۇعالٸمدەر كەرەك. بٸر مەكتەپ اشىلعاندا ورتاشا ەسەپپەن 150-200 مۇعالٸم قاجەت بولادى. سوعان بايلانىستى وسىنداي مەسەلە تۋىنداپ جاتىر", - دەدٸ ول.
مينيستر كادر تاپشىلىعى مەسەلەسٸ بۇعان دەيٸن دە بولعانىن اتاپ ٶتتٸ. قازٸر مينيسترلٸك پروبلەمانى جٷيەلٸ تٷردە شەشۋگە كٸرٸسكەن.
