مەكتەپتەردە قاشىقتان وقىتۋ 8 ينتەرنەت پلاتفورمادا جٷرگٸزٸلەدٸ. بۇل تۋرالى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
«ەرينە, قاشىقتان وقىتۋ بويىنشا ەكٸ نەگٸزگٸ باعىت بار. بٸرٸنشٸ باعىت - ينتەرنەت ارقىلى وقىتۋ. ينتەرنەت ارقىلى وقىتۋ بويىنشا بٸزدە ارنايى بٸرنەشە ينتەرنەت پلاتفورما بار. جالپى, ٶتكەن وقۋ جىلىنىڭ 4-توقسانىندا بٸزدە ەكٸ نەگٸزگٸ 2 ينتەرنەت پلاتفورما بولسا, وسى ۋاقىتتا وعان تاعى 6 ينتەرنەت پلاتفورما قوسىلىپ, 8-گە جەتتٸ», - دەدٸ اسحات ايماعامبەتوۆ.
ونىڭ اتاپ ٶتۋٸنشە, وسى پلاتفورمالاردىڭ ىڭعايىنا بايلانىستى, بەرٸپ وتىرعان مٷمكٸندٸگٸنە بايلانىستى مەكتەپتەر, قالالىق, اۋداندىق بٸلٸم بٶلٸمدەرٸ شەشٸم قابىلداپ, كەلٸسٸمشارتقا قول قويادى جەنە سول پلاتفورمامەن جۇمىس ٸستەيدٸ.
«ەكٸنشٸ باعىتتا بالالار تەلەارنالار ارقىلى ساباق بەرٸلەدٸ. «ەل ارنا» جەنە «بالاپان» تەلەارنالارى تەلەساباقتارعا تەۋلٸگٸنە 9 ساعاتقا دەيٸن ەفير بٶلٸپ وتىر», - دەدٸ مينيستر.
