فوتو: وقۋ-اعارتۋ مينيسترلٸگٸ
بۇرىنعى وقۋ-اعارتۋ مينيسترٸ اسحات ايماعامبەتوۆ سەناتور گٷلميرا كەرٸموۆانىڭ وتباسى مەن تۋىستارىنا كٶڭٸل ايتتى, - دەپ حابارلايدى "ۇلت اقپارات".
"ەرٸپتەسٸمٸز - بٸلٸم بەرۋ سالاسىنىڭ ٷزدٸگٸ, ۇستاز, وقۋ-اعارتۋ مينيسترلٸگٸ ورتا بٸلٸم كوميتەتٸنٸڭ تٶراعاسى گٷلميرا راينبەكقىزى دٷنيەدەن ٶتتٸ. سەنۋ قيىن.
كەشە عانا سەنات دەپۋتاتى بولىپ سايلانۋىمەن تەلەفون ارقىلى قۇتتىقتاعانىمدا, دٷيسەنبٸ كٷنٸ كابينەتٸنە بارىپ, جەكە قۇتتىقتاپ, كەزدەسەمٸز دەپ جوسپارلاپ وتىر ەدٸك.
ٶتە ەڭبەكقور, ٶز ٸسٸنٸڭ شەبەرٸ بولعان بٸرەگەي قىزمەتكەر ەدٸ. كٷن-تٷن دەمەي ەڭبەك ەتتٸ. ٶتە مەيٸرٸمدٸ, كٶركەم مٸنەزدٸ, بٸلٸمدٸ تۇلعا" - دەپ جازدى ەكس-مينيستر Facebook پاراقشاسىندا.
ايماعامبەتوۆتىڭ سٶزٸنشە, وسىنداي جاقسى ازاماتشامەن بٸرگە جۇمىس ٸستەۋ ٷلكەن ماقتانىش بولعان.
"گٷلميرا راينبەققىزى بٸلٸم بەرۋ سالاسىنىڭ بارلىق دەڭگەيٸندە جاۋاپتى قىزمەت اتقاردى. ەڭبەك جولىن مەكتەپ مۇعالٸمٸ بولىپ باستاپ, مەكتەپ ديرەكتورى, قالالىق بٸلٸم بٶلٸمٸنٸڭ باسشىسى, وبلىستىق بٸلٸم باسقارماسىنىڭ باسشىسى, مينيسترلٸكتٸڭ ورتا بٸلٸم كوميتەتٸنٸڭ تٶراعاسى قىزمەتٸنە جەتٸپ, ەلٸمٸزدٸڭ بٸلٸم بەرۋ سالاسىن دامىتۋعا ٷلكەن ٷلەس قوستى.
بۇل - وقۋ-اعارتۋ سالاسى ٷشٸن ورنى تولماس قازا.
ەرقاشان كٷلٸمدەپ جٷرٸپ, ۇجىمدى بٸرٸكتٸرٸپ, بارلىق تاپسىرمالاردى جوعارى دەڭگەيدە ورىنداپ, مينيسترلٸكتٸڭ سىيلى دا قادٸرلٸ قىزمەتكەرٸ بولعان گٷلميرا راينبەققىزىنىڭ يمانى سالامات بولسىن! بارلىق جاقىندارىنا, تۋىستارىنا, شەكٸرتتەرٸنە, ەرٸپتەستەرٸنە قايعىرىپ كٶڭٸل ايتامىن. يماندى بولسىن!" - دەپ جازدى ول.
