بٸلٸم جەنە عىلىم مينيسترٸ اسحات ايماعامبەتوۆ مەكتەپتەردە مەنەدجمەنت ساپاسىن ارتتىرۋ تۋرالى پٸكٸر بٸلدٸردٸ, دەپ حابارلايدى "ۇلت اقپارات".
«تيٸمدٸ مەنەدجمەنتتٸڭ نەتيجەسٸندە مەكتەپتە كەسٸبي ۇجىم مەن وقۋعا ارنالعان قولايلى ورتا قۇرىلادى. سوندىقتان وسى مەسەلەگە نازار اۋدارۋ ٶتە ماڭىزدى.
بٸر اۋداندا ورنالاسقان ەكٸ مەكتەپ, بٸردەي باعدارلاما بويىنشا جۇمىس ٸستەيتٸن, بيۋدجەتٸ, مٷمكٸندٸكتەرٸ مەن ينفراقۇرىلىمى دا بٸردەي كٶرشٸ تۇرعان قوس بٸلٸم ورداسى ەكٸ بٶلەك نەتيجە كٶرسەتەتٸن جاعدايلار كەزدەسەدٸ.
زەرتتەۋ نەتيجەلەرٸنە سٷيەنسەك, مۇنداي ايىرماشىلىق كٶبٸنەسە مەكتەپ باسشىسىنا بايلانىستى. ٶيتكەنٸ تەك مىقتى ديرەكتور عانا ٷزدٸك نەتيجەلەرگە قول جەتكٸزەتٸن ۇيىمشىل ۇجىم قالىپتاستىرا الادى», - دەپ جازدى مينيستر Facebook -تەگٸ پاراقشاسىندا.
ونىڭ ايتۋىنشا, مۇنداي ديرەكتور جۇمىستى تيٸمدٸ ۇيىمداستىرىپ, اتا-انالار, وقۋشىلار جەنە بٸلٸم بەرۋ قۇرىلىمدارىمەن اشىق جۇمىس ٸستەيدٸ. سونىمەن بٸرگە قىزمەتكەرلەردٸ جٸگەرلەندٸرٸپ, تەك جەتەكشٸ بولىپ ەمەس, شىعارماشىلىق تۇرعىدا شابىتتاندىرۋشى ەرٸ كٶشباسشى دا بولا بٸلەدٸ.
«بٷگٸنگٸ تاڭدا بٸز كادر مەسەلەسٸنە تاپ بولىپ وتىرمىز. ديرەكتور نەمەسە وقۋ ٸسٸنٸڭ مەڭگەرۋشٸسٸنە قويىلاتىن تالاپتارعا سەيكەس كەلەتٸن, اتالعان لاۋازىمداردا جۇمىس ٸستەۋگە نيەتتٸ مىقتى قىزمەتكەرلەردٸڭ قاتارى سيرەپ بارادى, دەگەن اسحات ايماعامبەتوۆ ونىڭ بٸرنەشە سەبەبٸن ايتىپ بەردٸ. «مۇعالٸمدەرمەن سالىستىرعاندا ديرەكتورلارعا جاۋاپكەرشٸلٸك كٶبٸرەك جٷكتەلٸپ, جالاقىنىڭ تٶمەن بولۋىنا بايلانىستى مىقتى پەداگوگتەر مەكتەپ ديرەكتورى بولعىسى كەلمەي جاتادى.
بۇل مەسەلەگە ەسەر ەتەتٸن باسقا دا بٸرقاتار سەبەپ بار. سوندىقتان ورتا بٸلٸم بەرۋ ۇيىمدارىنىڭ باسشىلارى قولداۋدى قاجەت ەتەتٸنٸ سٶزسٸز.
مەملەكەت باسشىسى قاسىم-جومارت كەمەلۇلىنىڭ تاپسىرماسى بويىنشا بٸز مەكتەپ باسشىلىعى لاۋازىمىنا تاعايىنداۋ تەرتٸبٸ, بٸلٸكتٸلٸكتٸ ارتتىرۋ جٷيەسٸ, ەڭبەكاقى تٶلەۋ جەنە مەكتەپ ديرەكتورلارىن اتتەستاتتاۋ رەسٸمٸن قايتا قاراپ جاتىرمىز. سونداي-اق روتاتسييالاۋدىڭ جاڭا ينستيتۋتى ەنگٸزٸلٸپ جاتىر», - دەدٸ ول.
مينيستر بٸرنەشە جازباسىندا وسى سۇراقتارعا توقتالىپ, قابىلدانىپ جاتقان شەشٸمدەردٸڭ سەبەپتەرٸ مەن مەن-ماعىناسىن اشىپ ايتۋعا تىرىساتىنىن جەتكٸزدٸ.
سونداي-اق, اسحات ايماعامبەتوۆ اتتەستاتتاۋ بويىنشا پٸكٸر بٸلدٸردٸ.
«العاش رەت بٸلٸم بەرۋ ۇيىمدارىنىڭ باسشىلارى مەن ولاردىڭ ورىنباسارلارىنا اتتەستاتتاۋ جەنە بٸلٸكتٸلٸك ساناتىن بەرۋ جٷيەسٸ ەنگٸزٸلٸپ جاتىر. اتتەستاتتاۋ ٷش جىلدا بٸر رەت ٶتكٸزٸلٸپ, ەكٸ كەزەڭنەن تۇرادى.
بٸرٸنشٸ كەزەڭدە زاڭناما بويىنشا بٸلٸمٸن تەكسەرۋگە ارنالعان جەنە باسقارۋشىلىق قۇزىرەتتەرٸ بويىنشا تەست تاپسىرادى.
ەكٸنشٸ كەزەڭدە بٸلٸم بەرۋ ۇيىمدارىنىڭ باسشىلارى بەلگٸلٸ بٸر ۋاقىتتاعى اتقارعان جۇمىسىنىڭ تيٸمدٸلٸگٸ باعالانادى. وقۋ مەڭگەرۋشٸلەرٸ ٷشٸن اتتەستاتتاۋ تەستٸلەۋسٸز تەك بٸر كەزەڭنەن تۇراتىنىن اتاپ ٶتكٸم كەلەدٸ», - دەدٸ مينيستر.
ونىڭ ايتۋىنشا, اتتەستاتتاۋ نەتيجەلەرٸ بويىنشا كوميسسييا اتقاراتىن لاۋازىمىنا سەيكەستٸگٸ/سەيكەس ەمەستٸگٸ تۋرالى جەنە ٷش ساناتتىڭ بٸرەۋٸن بەرۋ تۋرالى شەشٸم قابىلدايدى. ياعني, لاۋازىمىنا سەيكەستٸگٸ بەلگٸلٸ بولسا, ديرەكتورعا سانات بەرٸلەدٸ. كەرٸسٸنشە, لاۋازىمعا سەيكەس ەمەس بولسا, ديرەكتور جۇمىستان بوساتىلۋى مٷمكٸن.
بەرٸلگەن ساناتقا بايلانىستى ديرەكتور نەمەسە وقۋ ٸسٸنٸڭ مەڭگەرۋشٸسٸ سانات ٷشٸن لاۋازىمدىق جالاقىدان 30%, 70%, 100% مٶلشەرٸندە قوسىمشا اقى الاتىن بولادى.
سونىمەن قاتار مەكتەپ ديرەكتورى مەن ونىڭ ورىنباسارلارىنىڭ لاۋازىمدىق جالاقىسى جىل سايىن 25%-عا ارتادى.
«بۇل شارالاردىڭ بارلىعى مەكتەپ باسشىلىعىنىڭ جالاقىسىن مۇعالٸمدەردٸڭ ورتاشا جالاقىسىنىڭ دەڭگەيٸنە جاقىنداتۋعا مٷمكٸندٸك بەرەدٸ.
دەگەنمەن, قابىلدانىپ جاتقان بۇل شارالار مەكتەپ باسشىسى لاۋازىمىنا ەڭ مىقتى مامانداردى تارتۋ ٷشٸن جەتكٸلٸكسٸز.
باسشىلارعا ەڭبەكاقى تٶلەۋ جٷيەسٸندە بۇرىن-سوڭدى ىنتالاندىرۋشى فاكتورلار بولعان جوق. كٶشباسشىنىڭ جالاقىسى ونىڭ تيٸمدٸ نەمەسە تيٸمسٸز بولۋىنا بايلانىسسىز بٸردەي بولاتىن. سونىمەن قاتار مەكتەپتە 80 بالا وقيتىن بٸلٸم ورداسىنىڭ ديرەكتورى مەن 1200 بالا بٸلٸم الاتىن مەكتەپ ديرەكتورى بٸردەي جالاقى الادى.
قازٸر بٸز اتتەستاتتاۋدى جەنە جۇمىس تيٸمدٸلٸگٸ ٷشٸن قوسىمشا اقى تٶلەۋ جٷيەسٸن ەنگٸزٸپ جاتىرمىز. سونداي-اق مەكتەپتٸڭ جوبالىق قۋاتتىلىعىنا بايلانىستى لاۋازىمدىق جالاقىنى ديففەرەنتسييالاۋدى ەنگٸزۋ جوسپاردا بار.
سوندىقتان الداعى ۋاقىتتا دا بٸز مەكتەپتەردٸ ەڭ مىقتى پەداگوگتەردٸڭ باسقارۋى ٷشٸن شارالار ۇسىناتىن بولامىز», - دەدٸ اسحات ايماعامبەتوۆ.
ول مەكتەپ ديرەكتورلارىن ٸرٸكتەۋ, تاعايىنداۋ جەنە ولاردى روتاتسييالاۋ جٷيەسٸ دە ماڭىزدى ەكەنٸن ايتتى. ۇزاق تالقىلاۋلاردان كەيٸن وسى جٷيەگە ەنگٸزٸلەتٸن ەلەۋلٸ ٶزگەرٸستەردٸ دايىنداعانىن جەيتكٸزدٸ. «بۇل تۋرالى كەلەسٸ جازبامدا تولىعىراق ايتامىن», دەپ ۋەدە بەردٸ.
