ەسترادا جۇلدىزى ايقىن تٶلەپبەرگەن بيىل قىستا كٶزٸنە بلەفاروپلاستيكا جاساتقان. تيمۋر بالىمبەتوۆكە سۇقبات بەرگەن ەنشٸ بۇل قادامعا نە ٷشٸن بارعانىن ايتىپ بەردٸ, دەپ جازادى KAZ.NUR.KZ.
جىل ٶتكەن سايىن قاباعى تٷسٸپ بارا جاتقاندىقتان, ەنشٸ ونى كٶتەرۋ ٷشٸن پلاستيكالىق حيرۋرگتىڭ كٶمەگٸنە جٷگٸنگەنٸن مويىندادى. ايتۋىنشا, بيىل قىستا بلەفاروپلاستيكا جاساتقان. الايدا, دوستارىنىڭ ٶزٸ ونىڭ كٶزدەرٸندەگٸ ٶزگەرٸستٸ بايقاماعان.
"كٸشكەنە تٷزەتتٸم. وسى بيىلعى قىستا. ۋاقىت ٶتٸپ جاتىر. قاباعىم تٷسٸپ كەتٸپتٸ. ۋاقىتىندا وسىلاي كٶتەرٸپ قويساڭ, دۇرىس بولادى دەگەن سوڭ, جاساتتىم", - دەدٸ ول.
ەنشٸنٸڭ قاباعىنا وپەراتسييانى ونىڭ جاقىن دوسى جاساپتى.
"جاقسى مامان, ٶزٸمنٸڭ دوسىم جاسادى. مەن ەشكٸمگە بۇل تۋرالى ايتقان ەمەسپٸن. بٸراق مەنٸڭ وقىرماندارىم بٸردەن تٷسٸنٸپ قويدىم. دوستارىم بايقامايدى, بٸراق ونىڭ ەيەلدەرٸ بايقاپ قويىپتى. بلەفاروپلاستيكا دەپ اتالادى", - دەدٸ ەنشٸ.
ەسكە سالساق, ەنشٸ سۇقبات كەزٸندە كارانتين كەزٸندە توي گونورارىن كٶتەرگەن جالعىز ەنشٸ ەكەنٸن مويىندادى. ايتۋىنشا, ونىڭ گونورارى شامامەن 10 پايىزعا قىمباتتاعان. بۇل شەشٸمدٸ ول ٶزٸنٸڭ قالاماقىسىن ٶزگە ەنشٸلەرمەن سالىستىرا وتىرىپ, شىعارعان.
"مەن مەيرامحانالارداعى كونتسەرتتەر ٷشٸن كٶپ اقى المايمىن. سەبەبٸ, وندا مەنٸ تىڭداۋعا مەنٸڭ تۇراقتى تىڭدارماندارىم كەلەدٸ. بٸراق تويلارعا كٶبٸرەك گونورار سۇرايمىن. مەن كارانتيندە گونورارىن كٶتەرگەن جالعىز ەنشٸ شىعارمىن. شامامەن 10 پايىزعا كٶتەرٸلدٸ. ويلانىپ-ويلانىپ, ٶزگە ارتيستەردٸڭ گونورارىن سالىستىردىق. 5000 دوللار سۇرايتىندار بار. ەندٸ ولارعا قاراعاندا مەنٸكٸ ازىراق. بٸراق, سەل قوستىق", - دەدٸ ول.
