Estrada juldyzy Aiqyn Tólepbergen biyl qysta kózine blefaroplastika jasatqan. Timýr Balymbetovke suqbat bergen ánshi bul qadamǵa ne úshin barǵanyn aityp berdi, dep jazady KAZ.NUR.KZ.
Jyl ótken saiyn qabaǵy túsip bara jatqandyqtan, ánshi ony kóterý úshin plastikalyq hirýrgtyń kómegine júgingenin moiyndady. Aitýynsha, biyl qysta blefaroplastika jasatqan. Alaida, dostarynyń ózi onyń kózderindegi ózgeristi baiqamaǵan.
"Kishkene túzettim. Osy biylǵy qysta. Ýaqyt ótip jatyr. Qabaǵym túsip ketipti. Ýaqytynda osylai kóterip qoisań, durys bolady degen soń, jasattym", - dedi ol.
Ánshiniń qabaǵyna operatsiiany onyń jaqyn dosy jasapty.
"Jaqsy maman, ózimniń dosym jasady. Men eshkimge bul týraly aitqan emespin. Biraq meniń oqyrmandarym birden túsinip qoidym. Dostarym baiqamaidy, biraq onyń áielderi baiqap qoiypty. Blefaroplastika dep atalady", - dedi ánshi.
Eske salsaq, ánshi suqbat kezinde karantin kezinde toi gonoraryn kótergen jalǵyz ánshi ekenin moiyndady. Aitýynsha, onyń gonorary shamamen 10 paiyzǵa qymbattaǵan. Bul sheshimdi ol óziniń qalamaqysyn ózge ánshilermen salystyra otyryp, shyǵarǵan.
"Men meiramhanalardaǵy kontsertter úshin kóp aqy almaimyn. Sebebi, onda meni tyńdaýǵa meniń turaqty tyńdarmandarym keledi. Biraq toilarǵa kóbirek gonorar suraimyn. Men karantinde gonoraryn kótergen jalǵyz ánshi shyǵarmyn. Shamamen 10 paiyzǵa kóterildi. Oilanyp-oilanyp, ózge artisterdiń gonoraryn salystyrdyq. 5000 dollar suraityndar bar. Endi olarǵa qaraǵanda meniki azyraq. Biraq, sál qostyq", - dedi ol.
