فوتو: Pexels
الماتى قالاسىنىڭ ەۋەزوۆ اۋداندىق سوتى قوعامدى ەلەڭ ەتكٸزگەن «ايكا تٸزٸمٸ» بويىنشا قىلمىستىق ٸستٸ قارادى, دەپ حابارلايدى «ۇلت اقپارات» Kazinform-عا سٸلتەمە جاساپ.
ايتا كەتەيٸك, ايىپتالۋشى رەتٸندە م. جەنە ت. ەسٸمدٸ ازاماتتار سانالعان بولاتىن.
تەرگەۋ ورگانى م.-نى اسا ٸرٸ مٶلشەردە پسيحوتروپتىق زاتتى زاڭسىز يەمدەندٸ, ساقتادى جەنە تاسىمالدادى, سونداي-اق 52 ەپيزود بويىنشا بٸر توپ ادامدارمەن جەڭگەتايلىق جاسادى دەپ (قك-نٸڭ 296-بابىنىڭ 4-بٶلٸگٸ, 309-بابىنىڭ 2-بٶلٸگٸ, 1-تارماعى) ايىپتادى.
ال, ت. -عا بٸر توپ ادامدارمەن 12 ەپيزود بويىنشا جەڭگەتايلىققا كٶمەكتەستٸ دەگەن ايىپ تاعىلدى (قك-نٸڭ 28-بابىنىڭ 5-بٶلٸگٸ, 309-باپتىڭ 2-بٶلٸگٸ, 1-ت.).
سوت وتىرىسى جابىق رەجيمدە ٶتتٸ. بەلگٸلٸ بولعانداي, 2023 جىلدىڭ مامىر ايىندا م. اسا ٸرٸ مٶلشەردە مەفەدروندى (پسيحوتروپتىق زاتتى) ساتۋ ماقساتىنسىز زاڭسىز ساتىپ الىپ, ٶزٸمەن بٸرگە زاڭسىز تاسىمالداعان. ۇستاۋ كەزٸندە پوليتسييا قىزمەتكەرلەرٸ سوتتالۋشىنىڭ سٶمكەسٸنەن پسيحوتروپتىق زات تەركٸلەگەن.
سونداي-اق م. 2020-2023 جىلدار ارالىعىندا ماتەريالدىق پايدا الۋ ماقساتىندا ت.-مەن بٸرلەسٸپ, ينتيمدٸك قىزمەت كٶرسەتۋ ٷشٸن جەڭگەتايلىق جاساعان.
م. وسى قىزمەتتەر ارقىلى جەكە ٶزٸ نەمەسە سىبايلاسى ت. ارقىلى قىزداردان اقشا الىپ وتىرعان.
سوتتالۋشىلاردىڭ كٸنەسٸ كۋەلاردىڭ ايعاقتارىمەن, ساراپتامالىق قورىتىندىلارمەن جەنە ٸس بويىنشا باسقا دا ماتەريالدارمەن دەلەلدەندٸ.
م. كٸنەسٸن ٸشٸنارا مويىنداعان, ت. كٸنەسٸن مويىنداماعان. پروكۋرور م.-نى جالپى قىلمىس جيىنتىعى بويىنشا 4 جىلعا, ت.-عا 3,5 جىلعا باس بوستاندىعىنان ايىرۋ جازاسىن تاعايىنداۋدى سۇرادى.
جازا تاعايىنداۋ كەزٸندە سوت م.-نىڭ جاساعان ٸسٸنە ٶكٸنەتٸنٸن, قىلمىستى اشۋعا بەلسەندٸ تٷردە كٶمەكتەسكەنٸن, جاس بالاسىنىڭ بولۋىن جەڭٸلدەتەتٸن مەن-جايلار رەتٸندە تانىدى.
ت.-نىڭ قىلمىستىق جاۋاپتىلىعى مەن جازاسىن جەڭٸلدەتەتٸن جەنە اۋىرلاتاتىن مەن-جايلار انىقتالمادى.
وسىلايشا, م. قك-نٸڭ 296-بابىنىڭ 4-بٶلٸگٸ, 309-بابىنىڭ 2-بٶلٸگٸ, 1-تارماعى بويىنشا كٸنەلٸ دەپ تانىلىپ, وعان قىلمىستار جيىنتىعى بويىنشا تٷپكٸلٸكتٸ 6 جىل 6 اي تٷرٸندە جازا تاعايىندالدى.
ال, ت. قك-نٸڭ 28-بابىنىڭ 5-بٶلٸگٸ, 309-باپتىڭ 2-بٶلٸگٸ, 1- تارماعى بويىنشا كٸنەلٸ دەپ تانىلىپ, وعان 3 جىل 8 اي تٷرٸندە جازا تاعايىندالدى.
سوتتىڭ ٷكٸمٸ زاڭدى كٷشٸنە ەنگەن جوق.
