ٶتكەن اپتادا نورۆەگييا استاناسى وسلودا 28-شٸ «FILM fra SØR» («وڭتٷستٸك فيلمٸ») شەتەلدٸك فيلمدەر فەستيۆالٸ ٶتتٸ. وعان ازييا, افريكا جەنە لاتىن امەريكاسى ەلدەرٸنەن 80-نەن استام تاسپا قاتىستى, دەپ حابارلايدى "ۇلت اقپارات".
وعان قازاقستاننان رەجيسسەر سەرگەي دۆورتسەۆويدىڭ «ايكا» فيلمٸ جەنە ۆەنەتسييا كينوفەستيۆالٸنٸڭ جەڭٸمپازى ەمير بايعازيننٸڭ جۇمىستارى ۇسىنىلدى.
فەستيۆالدە «دەرەكتٸ فيلم», «اۋديتورييا جٷلدەسٸ», «جاڭا داۋىس» جەنە «كٷمٸس اينا» اتالىمدارى بويىنشا جەڭٸمپازدار انىقتالدى.
«ايكا» فيلمٸن قازىلار القاسى بٸر اۋىزدان «جاڭا داۋىس» اتالىمىنىڭ جەڭٸمپازى دەپ تانىدى.
«قازاقستاندىق اكتريسا سامال ەسلياموۆا سەرگەي دۆورتسەۆويدىڭ فيلمٸن جالعىز ٶزٸ سٷيرەپ جٷر. كامەرا ونىڭ ەربٸر قيمىلىن باعىپ وتىرادى, تٸپتٸ بٸز, كٶرەرمەندەر باس كەيٸپكەرمەن ٷندەس, پٸكٸرلەس بولامىز», - دەيدٸ نورۆەگييالىق كينوسىنشىلار.
«دەرەكتٸ فيلم» اتالىمىندا كونگولىق رەجيسسەر ەممانۋەل گراستىڭ «ماكالا» فيلمٸ جەڭٸسكە جەتتٸ. كٶرەرمەن كٶڭٸلٸنەن شىققان فيلم رەتٸندە جاپون رەجيسسەرٸ حيروكادزۋ كوريدەنٸڭ «دٷكەن توناۋشى» فيلمٸ تانىلسا, وڭتٷستٸككورەيالىق رەجيسسەر لي چانگ دونگ تٷسٸرگەن «ٶرتەۋ» فيلمٸنە «كٷمٸس اينا» سىيلىعى بەرٸلدٸ.
«ايكا» فيلمٸنٸڭ تٷسٸرٸلٸم توبىنان ەشكٸم بولماعاندىقتان, ناگرادا وسلودا اككرەديتتەلگەن قازاقستاندىق ديپلوماتتارعا تاپسىرىلدى.
ەمير بايعازين «FILM fra SØR» فەستيۆالٸنە «ٷندەستٸك ساباقتارى», «جارالى پەرٸشتە» جەنە «ٶزەن» فيلمدەرٸن, سونداي-اق «جۇلدىزدى كٶرگٸڭٸز كەلە مە?» اتتى جاڭا جۇمىسىن ۇسىندى. سىنشىلار ونىڭ شىعارماشىلىعىنا جوعارى باعا بەردٸ.
شارا اياسىندا ەمير بايعازين قازاقستان ەلشٸلٸگٸندە قازاق دياسپوراسى ٶكٸلدەرٸمەن كەزدەسٸپ, شىعارماشىلىق جوسپارلارىن بٶلٸستٸ.
