ۇلتتىق قوعامدىق سەنٸم كەڭەسٸنٸڭ 4-وتىرىسىندا كەڭەس مٷشەسٸ ايگٷل ورىنبەك تٷركٸستان وبلىسىنداعى بٸرقاتار ولقىلىقتى جارييا ەتتٸ, دەپ حابارلايدى قازاقپارات.
«قۇرمەتتٸ قاسىم-جومارت كەمەلۇلى! سٸز ٶز جولداۋىڭىزدا «بٸز تىڭداۋشى مەملەكەت بولۋ كەرەك» ەكەنٸمٸزدٸ ناقتى ايتتىڭىز. سوندىقتان دەر كەزٸندە «سٶزدەن – ٸسكە» كٶشٸپ, حالىقتىڭ تۇرمىس-تٸرشٸلٸگٸمەن تانىس قوعام بەلسەندٸلەرٸنەن تۇراتىن ۇلتتىق كەڭەستٸ قۇردىڭىز. بٷگٸندە كەڭەس ٶكٸلدەرٸ ارقىلى ٶڭٸرلەردەگٸ ٶزەكتٸ مەسەلەلەردەن حاباردار بولىپ كەلەسٸز. بۇل – كەڭەس جۇمىسىنىڭ تيٸمدٸلٸگٸ عانا ەمەس, مەملەكەتٸمٸزدەگٸ ۋاقىت كٷتتٸرمەيتٸن تٷيتكٸلدٸ مەسەلەلەردٸڭ وڭ شەشٸمٸن تابۋى ٷشٸن ماڭىزى مول. راسىندا, سٸزدٸڭ تەجٸريبەڭٸزدەن جەرگٸلٸكتٸ ەكٸمدەر ٷلگٸ الۋ كەرەك دەپ ويلايمىن. ٶكٸنٸشكە قاراي, بٸزدٸڭ وڭتٷستٸكتە حالىقتىڭ ٷنٸن تىڭدايتىن, جەرگٸلٸكتٸ جۇرتتىڭ پروبلەمالارىن جاقسى بٸلەتٸن قوعام بەلسەندٸلەرٸنٸڭ پٸكٸرٸ ەسكەرٸلمەيدٸ. سەنسەڭٸز, اتقارۋشى ورگان سول ايتىلعان پروبلەمالاردى جويۋدىڭ ورنىنا, كەرٸسٸنشە بۇل مەسەلەنٸ كٶتەرگەن, حالىققا جاناشىرلىق تانىتقاندارعا قىسىم كٶرسەتۋدە. يە, سول مەسەلەنٸ كٶتەرگەن ٶزٸڭمەن الىسىپ, اكتۋالدى مەسەلە جايىندا قالادى», - دەدٸ ول.
ونىڭ ايتۋىنشا, وڭتٷستٸك ٶڭٸرٸندە شەشٸمٸن تاپپاي جاتقان ەلەۋمەتتٸك پروبلەمالار جەتٸپ ارتىلادى.
«ال مەن بٸلگەن مەسەلەنٸ, اتقارۋشى بيلٸك ٶكٸلدەرٸنٸڭ بٸلمەۋٸ مٷمكٸن ەمەس. ماعان ايتقان مەسەلەنٸڭ, ولارعا ايتىلماۋى دا مٷمكٸن ەمەس. ەندٸگٸ جەردە كٶزبوياۋشىلىقتى دوعارۋ كەرەك دەپ ويلايمىن. نەمەسە قىزمەتتٸك قۇرىلىمداردى, ونداعى باسشىلىق قۇرامدى قايتا جاساقتاۋ قاجەت. تاعى بٸر شىندىق. «بارماق باستى – كٶز قىستى» ەرەكەتتەر بارلىق ٶڭٸرلەردە كەڭٸنەن ەتەك جايعان. مەسەلەن, جەرگٸلٸكتٸ ەكٸمدٸكتەردٸڭ جانىنان قۇرىلعان قوعامدىق ەرٸ تەرتٸپتٸك كەڭەستەردٸڭ, كوميسسييالاردىڭ, ۇيىمداردىڭ قىزمەتٸ كٶڭٸلٸمنەن شىقپايدى. نە ٸستەپ, جاتقاندارى دا بەيمەلٸم. جاتتاندى جينالىستى عانا كٶرەمٸز. اقيقاتتى ايتۋدىڭ ورنىنا جاعىمپازدانىپ, سول شەنەۋنٸكتەردٸڭ شاشباۋىن كٶتەرٸپ جاتىر-اۋ دەگەن ويعا قالاسىڭ», - دەدٸ ايگٷل ورىنبەك.
بۇل مەسەلەنٸ شەشۋ ٷشٸن ول ۇلتتىق قوعامدىق سەنٸم كەڭەسٸنٸڭ مٷشەلەرٸن سول جەرگٸلٸكتٸ كوميسسييا قۇرامىنا قوسۋدى ۇسىندى.
«سوندا سٸز بەن بٸز اتقارۋشى بيلٸك ورگاندارىندا ورىن العان ولقىلىقتاردان حاباردار بولار ەدٸك. سونداي-اق, بۇل باستاما ارقىلى سىبايلاس جەمقورلىق تەتٸكتەرٸ مەن سالالارداعى سالعىرتتىقتىڭ جولى كەسٸلەر ەدٸ», - دەدٸ ول.
قوعام بەلسەندٸسٸ پرەزيدەنت قولداۋىنىڭ ارقاسىندا ورتا كەسٸپتٸك بٸلٸم بەرەتٸن ۇيىمداردا وقيتىن از قامتىلعان, كٶپ بالالى وتباسىلاردان شىققان جاسٶسپٸرٸمدەرگە مەملەكەت تاراپىنان قولداۋ ٷزٸلمەي كەلە جاتقاندىعىن ايتادى.
«الايدا, تٷركٸستان وبلىسىندا بۇل سالانىڭ ٶزٸ قىپ-قىزىل بيزنەسكە اينالىپ كەتتٸ. بيىل وبلىسىمىزدىڭ الدىڭعى قاتارداعى, بازاسى مىقتى بٸرقاتار وقۋ ورىندارى سەنٸمگەرلٸك باسقارۋعا جەكەمەنشٸككە بەرٸلدٸ. قازٸرگٸ كەزدە ونداعى ۇستازدار قۋدالاۋعا ۇشىراپ, مەرتەبەسٸ اياققا تاپتالىپ جاتىر. ۇلاعاتتى جولدى تاڭداعانداردىڭ ار-نامىسى مەن ابىرويى وسىلايشا تاپتالىپ جاتقاندا, بٸلٸم بەرۋ جٷيەسٸ وڭالادى دەپ كٸم ايتتى? بۇعان كٶز جۇمۋعا بولمايدى. قازاقستاننىڭ بولاشاعى باياندى بولۋى وسى بٸلٸمدٸ ۇرپاقتىڭ قولىندا ەكەنٸن ەسكەرسەك, دەل قازٸرگٸ شەشۋشٸ سەتتە بٸلٸم جٷيەسٸنٸڭ تامىرىنا بالتا شابىلىپ جاتىر دەپ مەن اشىق ايتا الامىن. بۇل مەسەلەلەر - ۇستازداردىڭ جانايقايى مەن ونداعى بٸلٸم وشاقتارىنىڭ تاعدىرى نازاردان تىس قالمايدى دەپ سەنەمٸن», - دەدٸ ايگٷل ورىنبەك.
ونىڭ اتاپ ٶتۋٸنشە, جەرگٸلٸكتٸ باسقارۋ جٷيەسٸ لايىقتى جۇمىس ٸستەسە, حالىقتىڭ بيلٸككە دەگەن سەنٸمٸ ارتا تٷسەدٸ.
«بٸزدٸڭ ٶڭٸر اۋىزسۋ, كٶگٸلدٸر وتىنى جوق ەلدٸ مەكەندەر بويىنشا كٶش باستاپ تۇر. مەسەلەن, ٸشەر سۋىنىڭ 1 ليترٸن 2 تەڭگەگە ساتىپ الىپ وتىرعان اۋداندار دا بار. ەكٸمدەردٸڭ ەسەبٸن تىڭداساڭىز, «بەرٸ جاقسى, بەرٸ كەرەمەت! ٶمٸر عاجاپ!». ال بۇل كٶزبوياۋشىلىقتىڭ زاردابىن تارتاتىن ەدەتتەگٸدەي حالىق. بٸراق, تۇرعىنداردى تٸرشٸلٸك نەرٸنەن تارىقتىرۋ – حالىققا جاسالعان قييانات دەپ بٸلەمٸن. تٷركٸستان وبلىسىنداعى كوممۋنالدىق مەسەلەلەر مۇنىمەن بٸتپەيدٸ. وبلىستاعى بٸرقاتار اۋدانداردا جىلدار بۇرىن تابيعي گاز تارتۋ ٷشٸن حالىقتىڭ قالتاسىن قاعىپ, تەڭگە جينالعان. بٸراق, ول اۋىلدارعا كٶگٸلدٸر وتىن ەلٸ كٷنگە دەيٸن جەتپەي كەلەدٸ. جەرگٸلٸكتٸ جۇرتتى جاۋىر ەتكەن, مەزٸ ەتكەن مەسەلە وسى», - دەدٸ قوعام بەلسەندٸسٸ.
