سولتٷستٸك قازاقستان وبلىسىندا ەيەلٸن ٶلتٸرٸپ, قىزى مەن 12 جاسار جيەنٸنە قاستاندىق جاساعان ەر ادامعا قاتىستى سوت ٷكٸمٸ شىقتى, دەپ حابارلايدى قازاقپارات.
سقو بويىنشا مامانداندىرىلعان اۋدانارالىق قىلمىستىق سوت ەيەلٸن اتىپ ٶلتٸرٸپ, تاعى ەكٸ ادامدى, ونىڭ ٸشٸندە 12 جاستاعى بالانى ٶلتٸرۋگە وقتالۋ فاكتٸسٸ بويىنشا 58 جاستاعى يۋريي گلۋشكوۆقا قاتىستى قىلمىستىق ٸستٸ قارادى.
وقيعا بيىل 10 مامىردا تيميريازەۆ اۋدانىندا بولعان ەدٸ. ەرلٸ-زايىپتىنىڭ مەرەكەلٸك وتىرىسى جانجالمەن اياقتالىپ, ەيەل قىزىنىڭ ٷيٸنە كەتٸپ قالادى. ماس ەر ادام جۇبايىن ٷيٸنە قايتارماق بولادى, بٸراق جانجال قايتا ٶرشٸپ, كٷيەۋٸ مىلتىق پەن پنەۆماتيكالىق تاپانشانى پايدالانىپ, ەيەلٸن اتىپ تاستايدى. كەيٸن قىلمىستى جاسىرۋ ٷشٸن جيەنٸن جەنە ونىڭ اناسىن ٶلتٸرمەك بولادى.
يۋريي گلۋشكوۆ ەيەلٸن باسىنان جەنە كەۋدەسٸنەن اتقان. كەيٸن 12 جاسار جيەنٸنە دە وق اتاپ, قىزىنا قاستاندىق جاسايدى.
سوتتا ەر ادام: «مەن ولاردى ٶلتٸرگٸم كەلگەن جوق, تەك قورقىتپاق بولدىم», - دەيدٸ.
سوتتالۋشىنىڭ كٸنەسٸ جەبٸرلەنۋشٸنٸڭ, كۋەگەرلەردٸڭ ايعاقتارىمەن, وقيعا بولعان جەردٸ قاراۋ حاتتاماسىمەن جەنە ساراپتامالار قورىتىندىسىمەن دەلەلدەندٸ. قىلمىستاردىڭ جيىنتىعى بويىنشا پروكۋرور ەر ادامدى 25 جىلعا باس بوستاندىعىنان ايىرۋ جازاسىن تاعايىنداۋدى سۇرادى. زارداپ شەگۋشٸلەر ونى قولدادى.
سوتتالۋشىنىڭ قىلمىستى ماس كٷيدە جەنە قارۋدى قولدانا وتىرىپ جاساۋى – ونىڭ جازاسىن اۋىرلاتا تٷستٸ. ال مٷلٸكتٸك زيياندى ٶز ەركٸمەن ٶتەۋٸ ەر ادامنىڭ جازاسىن جەڭٸلدەتەتٸن جاعداي رەتٸندە قارالدى.
سوت قىلمىستىق قۇقىق بۇزۋشىلىقتاردىڭ جيىنتىعى بويىنشا ەر ادامعا 23 جىلعا باس بوستاندىعىنان ايىرۋ جازاسىن تاعايىندادى. سوتتالۋشى جازاسىن قىلمىستىق-اتقارۋ جٷيەسٸنٸڭ ەڭ جوعارى قاۋٸپسٸزدٸك مەكەمەسٸندە ٶتەيتٸن بولادى.
