بٷگٸن مەجٸلٸس وتىرىسىندا دەپۋتات امانجول ەلتاي ەيەلدەردٸڭ قۇقىعىن قورعاپ جاتقانىمىزبەن, قوعامدا ەيەلٸنەن جەبٸر كٶرەتٸن ەركەك, بالاسىنان قورلىق كٶرگەن اتا-انالار دا بار ەكەنٸن ايتتى. بۇل تۋرالى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ حابارلايدى.
امانجول ەلتايدىڭ ايتۋىنشا, قوعامدا تٷرلٸ كەلەڭسٸز وقيعالار بولىپ جاتىر.
"قازاق دەگەن حالىق اناسىن ارداقتاعان, ارۋىن ايالاعان, اتا-اناعا قۇرمەتپەن قاراعان حالىقتىڭ ٶكٸلٸمٸز. وتباسى - ٶتە كٷردەلٸ ينستيتۋت. ٶكٸنٸشكە قاراي, بٷگٸنگٸ قوعامدا تٷرلٸ كەلەڭسٸز وقيعالار بەلەڭ الىپ جاتىر. ەر ازاماتتان قىسىم كٶرگەن ەيەل ادام عانا ەمەس, ەيەلدەن دە قىسىم كٶرگەن ەركەكتەر دە بارشىلىق. سونىمەن بٸرگە ٶزٸنٸڭ قارتايعان شاعىندا بالالارىنان قىسىم كٶرٸپ وتىرعان قارت اتا-انالار دا جەتەرلٸك. بٸز "ەكەممەن اقىلداسايىن", "ەكەمنەن سۇرايىن", "ەكەم بٸلەدٸ" دەگەن تٷسٸنٸكپەن ٶسكەن بۋىن ەدٸك, قازٸر "مامام بٸلەدٸ", "مامامنان سۇرايمىن", "مامام شەشەدٸ" دەگەن بالالار كٶبەيٸپ بارا جاتىر. وعان كەشە عانا قاراعاندىدا 78 جاستاعى كەيۋانانىڭ ٶز بالاسىنان زورلىق-زومىلىق كٶرگەنٸ دەلەل بولىپ وتىر", – دەيدٸ مەجٸلٸسمەن.
ول بٸلەگٸنەن ەل كەتٸپ, بويىنداعى كٷشٸ سارقىلعان اتا-اناسىنا جەبٸر كٶرسەتەتٸن بالالار كٶبەيگەنٸنە الاڭداپ وتىر.
"قوعامدا ەر ازاماتتار مەن اتا-انالاردىڭ قۇقىعىن قورعاۋ مەسەلەسٸنە قانداي جاۋاپ بەرٸلەدٸ? اقپارات سالاسىنىڭ ٶكٸلٸنە ايتارىم, بٷگٸندە اقپارات كەڭٸستٸگٸندە قازاق جٸگٸتتەرٸن, ەر-ازاماتتارىن ەز, قورقاق, جالتاق قىلىپ كٶرسەتەتٸن تٷرلٸ كونتەنتتٸڭ كٶبەيۋٸ, كومەدييالىق جانرداعى فيلمدەردٸڭ كٶبەيۋٸ نەنٸ تٷسٸندٸرەدٸ?" - دەپ امانجول ەلتاي بايانداماشى جۇلدىز سٷلەيمەنوۆا مەن مەدەنيەت جەنە اقپارات مينيسترلٸگٸنٸڭ ٶكٸلٸنە سۇراق قويدى.
دەپۋتات جۇلدىز سٷلەيمەنوۆا زاڭ جوباسى تەك ەيەلدەر مەن بالالاردىڭ قۇقىعىن عانا قورعامايتىنىن ايتتى.
"دەنساۋلىعىنا قاساقانا جەڭٸل زييان كەلتٸرۋ جەنە ۇرىپ-سوعۋ بابى بارلىق ازاماتتىڭ قۇقىعىن قامتيدى. سوندىقتان زاڭ ەيەل مەن ەر ازاماتتى بٶلمەيدٸ, ەيەلدٸڭ قۇقىعى – ادامنىڭ قۇقىعى, ەر ازاماتتىڭ دا قۇقىعى – ادامنىڭ قۇقىعى دەگەن قاعيداتتى نەگٸزگە الىپ جاسالىپ وتىر", – دەدٸ بايانداماشى.
ول كونستيتۋتسييادا بالالاردىڭ زەينەتتەگٸ اتا-اناسىنا قامقورلىق كٶرسەتۋٸ ناقتى بەلگٸلەنگەنٸن اتاپ ٶتتٸ.
"سٸز ايتقان وقيعا قوعامدا ٷلكەن مەسەلە بار ەكەنٸن كٶرسەتٸپ وتىر. تەربيەنٸ كٷشەيتٸپ, اقپاراتتاندىرۋدى, پسيحولوگييالىق قولداۋدى كٷشەيتۋٸمٸز قاجەت. دەستٷرلٸ وتباسىلىق قۇندىلىقتار بويىنشا دا ناقتى نورمالار بار", - دەپ اتاپ ٶتتٸ ول.
ال مەدەنيەت جەنە اقپارات ۆيتسە-مينيسترٸ ەۆگەنيي كوچەتوۆ زاڭنامانى باسشىلىققا الىپ جۇمىس ٸستەيتٸنٸن ايتتى.
"قازٸر ەكە ينستيتۋتىن دامىتۋدىڭ ماڭىزدى ەكەنٸن تٷسٸنٸپ وتىرمىز. بىلتىر "ەكەلەر كٷنٸن" ەنگٸزدٸك. "ەكەلەر وداعى" ينستيتۋتىنىڭ جۇمىسىنا جان-جاقتى قولداۋ كٶرسەتٸپ كەلەمٸز. تەڭسٸزدٸك مەسەلەسٸ مەن وتباسىنداعى ەر ادامنىڭ رٶلٸن انىقتاۋ بويىنشا جۇمىستار اتقارىلادى", - دەدٸ كوچەتوۆ.
