قر پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ تٶرايىمى لاززات رامازانوۆا قاقتىعىستاردى بەيبٸت جولمەن شەشۋ پروتسەستەرٸنە ەيەلدەردٸ بەلسەندٸ تارتۋعا شاقىردى, دەپ حابارلايدى "ۇلت اقپارات".
بۇل مەسەلە 2020 جىلعى 2 جەلتوقساندا ٶتكەن بۇۇ قاۋٸپسٸزدٸك كەڭەسٸنٸڭ 1325 قارارىن جٷزەگە اسىرۋ تۋرالى ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ حالىقارالىق دٶڭگەلەك ٷستەلٸ وتىرىسىندا كٶتەرٸلدٸ. قاراردىڭ مەنٸ – بەيبٸتشٸلٸك پەن قاۋٸپسٸزدٸكتٸ نىعايتۋ جٶنٸندەگٸ ٸس-شارالارعا ەيەلدەردٸڭ قاتىسۋىن جان-جاقتى قامتاماسىز ەتۋ.
لاززات رامازانوۆانىڭ ايتۋىنشا, «ەيەلدەر, بەيبٸتشٸلٸك جەنە قاۋٸپسٸزدٸك» تاقىرىبى بٷگٸنگٸ كٷن تەرتٸبٸندە ٶتە ٶزەكتٸ مەسەلە. شەشٸمٸن تاپپاعان قاقتىعىستار سانىنىڭ كٶبەيۋٸ, ەلەمنٸڭ تٷپكٸر-تٷپكٸرٸندە بولىپ جاتقان شيەلەنٸستەر, تابيعي كاتاكليزمدەردٸڭ ارتۋى جەنە COVID-19 پاندەميياسى ەبٸگەرگە تٷسٸرگەنٸ انىق.
«بٷگٸندە بارلىق ەلدەر, سونىڭ ٸشٸندە قازاقستان, بۇۇ قاۋٸپسٸزدٸك كەڭەسٸنٸڭ 1325 قارارىن جٷزەگە اسىرۋ بويىنشا تيٸمدٸ جوسپاردى مٷمكٸندٸگٸنشە تەز ارادا قابىلداۋى كەرەك. بەيبٸت قۇرىلىسى پروتسەسٸندە قاقتىعىستاردى الدىن الۋ جەنە شەشۋگە ەيەلدەر بەلسەندٸ تٷردە تارتىلۋ قاجەت», - دەپ اتاپ ٶتتٸ لاززات رامازانوۆا.
ونىڭ ايتۋىنشا, بۇۇ قاۋٸپسٸزدٸك كەڭەسٸنٸڭ قارارلارى «ەيەلدەر, بەيبٸتشٸلٸك جەنە قاۋٸپسٸزدٸك» كٷن تەرتٸبٸ بويىنشا بٸرقاتار مەسەلەلەردٸ رەتتەۋگە مٷمكٸندٸك بەرەتٸن نورماتيۆتٸك-قۇقىقتىق بازانى قۇردى. الايدا, ەيەلدەر رەسمي پروتسەستەر مەن كەلٸسسٶزدەرگە ەلٸ دە از قاتىسادى. سوندىقتان ەيەلدەردٸڭ بەيبٸت كەلٸسسٶزدەر مەن كەلٸسٸمدەرگە تيٸمدٸ قاتىسۋىن قامتاماسىز ەتۋ جٶنٸندەگٸ شارالاردى كٷشەيتۋ, سونداي-اق وسى مەسەلەگە قاتىستى شەشٸم قابىلداۋدىڭ بارلىق دەڭگەيٸندە ەيەلدەردٸڭ كٶپتەپ قاتىسۋىن قامتاماسىز ەتۋ قاجەت.
ل.رامازانوۆا قازٸرگٸ ۋاقىتتا قازاقستاندا 2030 جىلعا دەيٸنگٸ وتباسىلىق جەنە گەندەرلٸك ساياسات تۇجىرىمداماسى ٸسكە اسىرىلىپ جاتقانىن ەسكە سالدى. تۇجىرىمداما ينديكاتورلارىنىڭ قاتارىندا بەيبٸتشٸلٸك پەن قاۋٸپسٸزدٸكتٸ قامتاماسىز ەتۋدە ەيەلدەردٸڭ ٷلەسٸن ارتتىرۋعا قول جەتكٸزۋ جوسپارلانىپ وتىر. قازٸرگٸ ۋاقىتتا تۇجىرىمدامانىڭ 2020-2022 جىلدارعا ارنالعان ەكٸنشٸ كەزەڭٸنٸڭ ٸس-شارالار جوسپارى ٸسكە اسىرىلۋدا, ونىڭ اياسىندا «ەيەلدەر, بەيبٸتشٸلٸك جەنە قاۋٸپسٸزدٸك» بٶلٸمٸنٸڭ ٸس-شارالارىن ٶتكٸزۋ كٶزدەلگەن. جاۋاپتى ورگاندار, اتاپ ايتقاندا قورعانىس مينيسترلٸگٸ, ٸشكٸ ٸستەر مينيسترلٸگٸ, تٶتەنشە جاعدايلار مينيسترلٸگٸ جەنە باسقا دا بٸرقاتار مەملەكەتتٸك ورگاندار وسى كٷن تەرتٸبٸ بويىنشا بۇۇ قاۋٸپسٸزدٸك كەڭەسٸنٸڭ قارارلارىن تيٸمدٸ جٷزەگە اسىرۋ ٷشٸن ناقتى ٸس-شارالار ەزٸرلەۋٸ قاجەت.
«مەسەلەنٸڭ مەنٸ - سوعىستى ەيەلدەر ٷشٸن «قاۋٸپسٸز» ەتۋ ەمەس, سوعىس پەن قاقتىعىستار قايتالاپ ورىن المايتىن بەيبٸتشٸلٸك قۇرىلىم قۇرۋ. قازاقستان ەيەلدەردٸڭ بەيبٸت كەلٸسسٶزدەر ٷستەلٸندە, شەشٸم قابىلداۋعا جەنە بٸتٸمگەرشٸلٸك توپتارعا قاتىسۋى ٷشٸن بارلىق كٷش-جٸگەرٸن سالاتىن بولادى», - دەپ تٷيٸندەدٸ كوميسسييا تٶرايىمى.
ەستەرٸڭٸزگە سالا كەتەيٸك, 1325 قارارىن بٸرٸككەن ۇلتتار ۇيىمىنىڭ قاۋٸپسٸزدٸك كەڭەسٸ 2000 جىلى 31 قازاندا قابىلداعان بولاتىن. بٷگٸنگٸ تاڭدا 90-عا جۋىق مەملەكەت ەيەلدەر, بەيبٸتشٸلٸك جەنە قاۋٸپسٸزدٸك تۋرالى كٷن تەرتٸبٸن جٷزەگە اسىرۋ ٷشٸن ۇلتتىق ٸس-قيمىل جوسپارىن قابىلدادى.
