بٷگٸن ەلوردا تٶرٸندە كٷرەس تٷرلەرٸنەن ٶتٸپ جاتقان ەلەم چەمپيوناتىنىڭ تٶرتٸنشٸ كٷنٸ بوزكٸلەمگە شىققان بالۋان قىزدارىمىزدىڭ ٷشەۋٸ جارتىلاي فينالعا ٶتتٸ, دەپ حابارلايدى قازاقپارات.
اتاپ ايتار بولساق, 72 كەلٸدە بەلدەسەتٸن جەميلا باقبەرگەنوۆا ەكٸنشٸ اينالىمدا تٷركييالىق بالۋاندى 10:0 ەسەبٸمەن جەڭٸپ, جارتىلاي فينالعا جولداما السا, 55 كەلٸدە بەلدەسەتٸن مارينا سەدنەۆا پولشالىق بالۋان لۋكاسياكانى 5:0 ەسەبٸمەن جەڭٸپ, جارتىلاي فينالعا ٶتتٸ. سونداي-اق, 50 كەلٸ سالماقتا شيرەك فينالدا تٷركييالىق ەۆين دەميرحاندى 12:2 ەسەبٸمەن جەڭگەن جەرلەسٸمٸز ۆالەنتينا يسلاموۆا جارتىلاي فينالعا شىعىپ قانا قويماي, توكيو وليمپياداسىنىڭ جولداماسىن قانجىعاسىنا بايلادى.
ەندٸ, باقبەرگەنوۆا جارتىلاي فينالدا وليمپيادا چەمپيونى, رەسەيلٸك ناتاليا ۆوروبەۆامەن كەزدەسسە, سەدنەۆا جاپونييالىق بالۋانمەن كٷش سىناسادى. ال يسلاموۆا جارتىلاي فينالدا رۋمىنييالىق سپورتشىمەن فينال جولداماسىن ساراپقا سالادى.
ەستەرٸڭٸزگە سالا كەتەيٸك, وسىعان دەيٸن ۆالەنتينا يسلاموۆا ەيەلدەر كٷرەسٸنەن وليمپياداعا جولداما جەڭٸپ العانىن جازعان بولاتىنبىز.
