بەلگٸلٸ ساياساتتانۋشى ايدوس سارىم اقپارات جەنە قوعامدىق دامۋ مينيسترلٸگٸنٸڭ قولداۋىمەن ۇيىمداستىرىلعان «Policy Camp» رەسپۋبليكالىق جاس ساياساتتانۋشىلاردىڭ ونلاين مەكتەبٸنٸڭ سۇقبات الاڭىندا ساياسي پارتييالاردىڭ رٶلٸ تۋرالى ايتتى, دەپ حابارلايدى قازاقپارات.
ونىڭ ايتۋىنشا, ساياسي ٶمٸر الماتى, نۇر-سۇلتان جەنە بٸرنەشە وبلىس ورتالىقتارىندا عانا بار.
«ساياسات – ەرٸككەنٸڭ ەرمەگٸ ەمەس. بٸر عانا مىسال كەلتٸرەيٸن. بٸزدە پارتييا تٸزٸمٸ دەگەن ۇعىم بار. پارتييا ۇسىنىپ وتىرعان تٸزٸمدەگٸ ٷمٸتكەرگە 639 مىڭ تەڭگە اقشا تٶلەۋٸ كەرەك. ياعني, 10 ادام ۇسىنساڭىز 6 ملن, 100 ادام ۇسىنساڭىز 63 ملن تەڭگە قاجەت. بۇل تەك قانا تٸزٸمدٸ ۇسىنۋ ٷشٸن. ول وڭاي ەمەس. ياعني, ەكٸنٸڭ بٸرٸ پارتييا قۇرا المايدى. مەنٸڭ ويىمشا, كٶپ پارتييادان گٶرٸ ەربٸر ايماقتا, اۋداندا, اۋىلدا ناقتى, مىقتى ٶكٸلٸ بار پارتييا كەرەك. بٸزگە جالپىۇلتتىق پارتييالار قاجەت. مەن شاعىن پارتييالارعا قارسىمىن. سەبەبٸ, بٸزدٸڭ ەلدە سەپاراتيزم دەگەن ەڭگٸمە بار. پارتييا دەگەنٸمزٸ ول – ساياسي ماشينا. مىسالى, قارعىزستاندا 200 پارتييا بار. سولاردىڭ تەك 15-ٸ عانا سايلاۋعا اقشا جيناي الدى. قازٸر قارجىلارى تاۋسىلىپ, قالاي سايلاۋعا تٷسەمٸز دەپ وتىر. بٸزدٸڭ ەلدە ساياسي ٶمٸر الماتى, نۇر-سۇلتان جەنە ساناۋلى وبلىس ورتالىقتارىندا عانا جٷرٸپ جاتىر»,– دەيدٸ ساياساتتانۋشى.
سونىمەن قاتار, ول قوعامدا ساياسي بەلسەندٸلٸكتٸڭ تٶمەن ەكەنٸن تٸلگە تيەك ەتتٸ.
«بٸزدٸڭ قوعام, حالىق كٶپ نەرسەنٸ شاتاستىرادى. ونىڭ ٸشٸندە ساياساتتىڭ ماقساتى مەن ساياساتتىڭ كەيبٸر قۇرالىن شاتاستىرىپ الادى. فەيسبۋككە پوست جازۋ — ساياسات ەمەس. ول ساياساتتى جەتكٸزۋ. ميتينگ, پيكەت ٶتكٸزۋ ول ساياسات ەمەس - ول بەلگٸلٸ ماقساتتان تۋىنداعان قاجەتتٸلٸك. سونى بيلٸككە جەتكٸزۋدٸڭ جولى. ساياساتتىڭ ەڭ ٷلكەن ماقساتى, مٷدەسسٸ - ول بيۋدجەت, زاڭدار مەن باعدارلامالار. پارلامەنتتە سٶيلەگەن سٶزدەردٸڭ بەرٸ ساياسات ەمەس. شىن ساياسات سەن بٸر باعدارلاما ەزٸرلەپ, ونى قورعاپ, دەلەلدەي الساڭ — سول»,– دەيدٸ ول.
ساياساتتانۋشى ساياسي جٷيە بەلگٸلٸ بٸر ۋاقىتتا داعدارىسقا تٷسٸپ وتىراتىنىن جەتكٸزدٸ.
«داعدارىستان قورىقپاۋ كەرەك. ساياسي تاپتىڭ ٶزگەرٸسكە دايىن نەمەسە دايىن ەمەستٸگٸن ايقىنداپ بەرەدٸ. قىتايدىڭ مىقتى بٸر تۇجىرىمداماسى بار. ول «اسپان مانداتى» دەپ اتالادى. ەگەر بەلگٸلٸ بٸر جٷيە قانداي دا بٸر جولمەن بيلٸككە كەلسٸن, كەلمەسٸن, ەڭ باستىسى بٷكٸل سىناقتان, ساياسي دودادان, توزاقتان امان ٶتەتٸن بولسا, ياعني اسپاننىڭ ٶزٸ وعان ماندات بەردٸ. ونىڭ بيلٸككە قاقىسى بار. سول سيياقتى ساياسي جٷيەدە «اسپان مانداتىن» قيىن قىستاۋ, داعدارىس كەزٸندە دەلەلدەپ وتىرۋ كەرەك. وسىدان امان شىقتى ما, ياعني پوتەنتسيالى بار. بٸزدە ەكٸنٸڭ بٸرٸ كٶپ ەڭگٸمە ايتادى. «بٷگٸنگٸ بيلٸك ەرمەكساز, بٷگٸنگٸ بيلٸك كارتون» دەپ جاتادى. بۇل كارتون مەملەكەت ەلٸ تالاي ادامنىڭ ٶمٸرٸن ٶزگەرتٸپ جٸبەرۋٸ مٷمكٸن. جاقسى بولسىن, جامان بولسىن, مىقتى مەملەكەت كٶپ نەرسەنٸ شەشە الادى. قيراپ جاتقان جوقپىز, دالادا تەزەك تەرٸپ جٷرگەن جوقپىز. راس, قيىندىقتار بار, كەدەيشٸلٸك بار, ونى جوققا شىعارا المايمىز. ونى ايتۋ كەرەك. ونىمەن كٷرەسۋ كەرەك. بٸراق ەلسٸز مەملەكەت ەمەسپٸز»,– دەپ قورىتىندىلادى ايدوس سارىم.
