اۋىل شارۋاشىلىعى بٸرٸنشٸ ۆيتسە-مينيسترٸ ايداربەك ساپاروۆ اگرارلىق تەحنيكا قۇنىنىڭ ٶسۋٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«اگرارشىلار تارىپىنان وتاندىق ٶندٸرٸستەگٸ اۋىل شارۋاشىلىعى تەحنيكاسىنا باعانىڭ كٷرت ٶسكەنٸ تۋرالى شاعىمدار تٷسٸپ جاتىر. قازٸرگٸ كەزدە وسى تەحينكانىڭ ەلەۋلٸ تٷردە قىمباتتاۋى بولىپ جاتىر, ونىڭ ٸشٸندە وتاندىق كەسٸپورىنداردىڭ ٶنٸمٸنە دە قاتىستى. 2022 جىلدىڭ باسىندا وتاندىق زاۋىتتاردان شىعارىلعان اۋىل شارۋاشىلىعى تەحنيكاسىنىڭ قۇنى تراكتور مەن كومبايندار بويىنشا 2021 جىلمەن جىلمەن سالىستىرعاندا 13-تەن 24 پايىزعا دەيٸن ٶستٸ», - دەدٸ ا. ساپاروۆ سەناتتاعى دٶڭگەلەك ٷستەل وتىرىسىندا.
وسى ورايدا ول قازٸرگٸ ۋاقىتتا تەحنيكانى جەتكٸزۋشٸلەر مەن ٶندٸرۋشٸلەر باعانى ەلٸ دە ٶسٸرۋٸ مٷمكٸن ەكەنٸن ايتتى.
«اۋىل شارۋاشىلىعى تەحنيكاسىنىڭ قىمباتتاۋىنا ەلەمدەگٸ ەكونوميكالىق احۋال ەسەر ەتٸپ وتىرعانى تٷسٸنٸكتٸ. بۇل رەتتە ساۋدا جەلەسٸ تٸزبەگٸنٸڭ بۇزىلۋى, ۆاليۋتانىڭ قۇبىلمالىعى, جابدىقتار مەن بٶلشەكتەردٸڭ قىمباتتاۋى, سونداي-اق كٶلٸك قىزمەتٸ قۇنىنىڭ ٶسۋٸ ىقپال ەتۋدە. دەگەنمەن, وتاندىق ٶندٸرٸس تەحنيكاسىنا باعانىڭ قاداعالاۋسىز ٶسۋٸنە جول بەرٸلمەۋٸ تيٸس. سونىمەن قاتار, ەلەمدەگٸ سوڭعى ساياسي وقيعالارعا بايلانىستى رەسەي مەن بەلارۋستٸڭ الدىڭعى قاتارلى ٶندٸرۋشٸلەرٸنەن قازاقستانعا بٶلشەكتەردٸڭ جەتكٸزٸلۋٸ تەجەلٸپ تۇر. سونىمەن قاتار رەسەي مەن بەلارۋستٸڭ اۋماعى ارقىلى باسقا ەلدەردەن ترانزيتپەن كەلەتٸن تەحنيكا مەن بٶلشەكتەردٸڭ جەتكٸزٸلۋٸ قيىندادى», - دەدٸ ۆيتسە-مينيستر.
