مەملەكەتٸمٸزدٸڭ باستى بايلىعى – ەلدٸڭ تاتۋلىعى. بەيبٸت ەلدە عانا بەرەكە بولادى. Nur Otan پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك وسىلاي دەيدٸ, دەپ حابارلايدى "ۇلت اقپارات".
«شاعىن كيكٸلجٸڭنەن قانداي جاعدايدىڭ ورىن الاتىنىن كەشەگٸ قورداي وقيعاسى كٶرسەتٸپ وتىر. ەرەگٸستٸڭ سوڭى ٷلكەن جانجالعا ۇلاستى. ادام شىعىنى بولدى. ولاردىڭ يمانى سالامات بولسىن. بٸز وسىنداي سەتتەردە اشۋدى اقىلعا جەڭدٸرٸپ, سابىرلىق تانىتقانىمىز جٶن.
ەل پرەزيدەنتٸ قاسىم-جومارت توقاەۆ قوردايدا ورىن العان وقيعاعا بايلانىستى مەلٸمدەمە جاساپ, قازا بولعان ازاماتتاردىڭ وتباسىلارىنا كٶڭٸل ايتتى. ولارعا تيٸستٸ كٶمەك كٶرسەتۋدٸ تاپسىردى. ەلدە زاڭ ٷستەمدٸگٸنٸڭ ساقتالاتىنىن قاداپ ايتىپ, پرەمەر-مينيستردٸڭ ورىنباسارى تٶراعالىق ەتەتٸن ٷكٸمەت كوميسسيياسىن قۇردى», - دەپ جازادى باۋىرجان بايبەك Instagram پاراقشاسىندا. ⠀
ونىڭ ايتۋىنشا, قازاقستاننىڭ تىنىشتىعى, ەڭ الدىمەن, ەل يەسٸ حالقىمىزعا كەرەك. زاڭعا باعىنۋ - بارلىق قازاقستاندىقتاردىڭ مٸندەتٸ. قۇزىرلى ورگاندارعا كٷش كٶرسەتۋگە ەشكٸمگە جول بەرٸلمەيدٸ.⠀
«ۇلتارالىق قارىم-قاتىناس – ٶتە نەزٸك دٷنيە. ەپ-سەتتە بٷلدٸرٸپ الۋ وڭاي. ەگەر ەلدە تاتۋلىق بولماسا, ەڭ الدىمەن زارداپ شەگەتٸن حالىق. زاڭعا جٷگٸنگەن, تاتۋلىق پەن ەلدٸكتٸ مۇرات ەتكەن ەلباسى ساياساتىن ۇستانعان ەلمٸز. بارلىق مەسەلە زاڭ اياسىندا شەشٸلۋٸ تيٸس. بارشامىز, ەڭ الدىمەن, پارتييالاستار, وسىعان ۇمتىلۋىمىز كەرەك», - دەيدٸ پارتييا باسشىسى.
