تانىمال جازۋشى اياگٷل مانتايدىڭ "بٶتەن" اتتى جاڭا ەڭگٸمەسٸن نازارلارىڭىزعا ۇسىنامىز.
بٶتەن
ونىڭ مەسكەۋدە بۇرىن بولماعانىن بٸلسەم دە, قايدا قوناتىنىن, قالانىڭ قاي جەرٸن كٶرگٸسٸ كەلەتٸنٸن سىپايىلىق ٷشٸن دە سۇرامادىم. ول لوندوننان شىعاردا تەلەفون شالىپ, «مەسكەۋ» مەيرامحاناسىندا كەشكٸ جەتٸدە كەزدەسەتٸن بولىپ كەلٸسكەنبٸز. دالادا جاڭبىر جاۋىپ تۇر. سىنىپ قالعان قولشاتىرىمدى قوقىسقا لاقتىرىپ تاستاعام. جانىم قۇلازىپ, ٶزٸممەن ٶزٸم جالعىز قالعىم كەلدٸ. «كەشٸرٸڭٸز, سٸزبەن كەزدەسۋگە بارا المايمىن, ٷيدەن شىعا بەرگەندە تەپپەشەكتەن قۇلاپ, اياعىمدى جاراقاتتاپ الدىم» دەپ حابارلاما جازىپ جٸبەرگٸم كەلدٸ. ۇساق-تٷيەك ٶتٸرٸككە اۋزىمدى بىلعاعىم كەلمەيتٸن ەدەتپەن شىنىمدى ايتۋعا وقتالدىم. «سٸزبەن كەزدەسكٸم كەلمەيدٸ, بٸز تىم بٶتەنبٸز» دەگەن «شىندىعىم» تىم دٶرەكٸ ھەم مەدەنيەتتٸڭ ٶلشەمٸنە سىيمايتىنىن بٸلدٸم دە, بۇل ويىمنان دا قايتتىم. ونىڭ ماعان ٷيلەنۋ تۋرالى ۇسىنىس جاسايتىنىن تٷيسٸگٸممەن سەزگەندە جٷيكەمنٸڭ تالشىقتارى سىر بەرە باستادى. جاسىم جاقىندا جيىرما جەتٸگە تولسا دا, مەن تۇرمىسقا شىعۋ تۋرالى ەشقاشان ويلاعان ەمەسپٸن. ەۋروپالىق ەيەلدەردٸڭ «ەيەل ەركٸندٸگٸ» تۋرالى تٷسٸنٸگٸ دە ماعان تىم-تىم جات ەدٸ. تۇرمىسقا شىقپاعان قىزدىڭ ٶز ەلەمٸنەن بٸر ادامعا ورىن بەرۋدەگٸ قورقىنىش سەزٸمٸ دە مەندە بولعان ەمەس. العاش رەت جيىرما ٷش جاسىمدا ەرنٸمنەن سٷيگەن جٸگٸتتٸ سول كٷنٸ «سٷيٸسۋ دەگەن قانداي جيٸركەنٸشتٸ ەدٸ» دەپ قۋىپ جٸبٸرگەنٸمدٸ ەسەپكە الماعاندا, مەنٸڭ ٶمٸرٸمدە جٸگٸت بولعان ەمەس. قۇربىلارىم «ەكٸنشٸ رەت سٷيٸسٸپ كٶرۋٸڭ كەرەك ەدٸ, بەلكٸم, ۇناپ قالار ما ەدٸ» دەپ قالجىڭداپ, «بويىڭدا ەيەلگە تەن نەزٸكتٸك بولعانىمەن, جٸگٸتتەرگە تىم سۋىقسىڭ, بۇل تٷرٸڭمەن جالعىز قالاسىڭ» دەپ ۇرىسقانى جادىمدا.
جاندٷنيەمدەگٸ مۇڭعا دەگەن قارسىلىق رەتٸندە ەن ايتقان بولدىم. جاقسى بيشٸ بولماسام دا, ٷي ٸشٸندە دٶڭگەلەنٸپ, شىر كٶبەلەك اينالدىم.
جەڭٸل كيٸنٸپ, جاڭبىر استىندا بٸراز جٷردٸم. مالمانداي سۋ بولىپ, ٷيگە كەلٸپ, جۋىنىپ, شاشىمدى كەپتٸرٸپ, تاكسي ۇستاپ, مەيرامحاناعا جەتەم دەگەنشە ساعات تٸلٸ جەتٸدەن قىرىق مينۋت ٶتكەنٸن كٶرسەتتٸ. بٸرەۋدٸ كٷتكەندٸ دە, كٷتتٸرگەندٸ دە ۇناتپايمىن. كەشٸككەنٸم ٷشٸن كەشٸرٸم سۇراسام دا, بۇل تۋرالى ايتىپ, اقتالۋدى قاجەت دەپ تاپپادىم.
ەلەۋمەتتٸك جەلٸ مەن تەلەفون ارقىلى جيٸ سٶيلەسٸپ جٷرسەك تە, ٶمٸردە العاش رەت بەتپە-بەت كەزدەسٸپ وتىرعان جٸگٸتپەن سٶيلەسٸپ وتىرىپ, «سۋرەتتە سۇستى كٶرٸنگەنٸمەن, ٶمٸردە جٷزٸ جىلى ەكەن. كٶزٸ ٶتكٸر, تىم ساق ادامنىڭ كٶزٸ. ماڭدايى كەڭ, قىر مۇرىندى, ەر ادامعا تەن داۋسى, وڭ قاباعىنداعى بٸلٸنەر-بٸلٸنبەس تىرتىعى كەلٸستٸ كەلبەتٸن ودان سايىن سٷيكٸمدٸ ەتٸپ كٶرسەتەدٸ» دەپ ونى ٶزٸمشە زەرتتەي باستادىم. ونىڭ دا مەنٸ زەرتتەپ وتىرعانىنا ەش كٷمەنٸم بولمادى. بٸز ەكەۋمٸز العاش رەت بەتپە-بەت تانىساتىن بارلىق قىز-جٸگٸت سەكٸلدٸ, انكەتالىق سۇراقتاردى قايتا قويىپ, جالىقتىراتىن جاۋاپتارمەن ۋاقىت ٶلتٸردٸك.
ەلگٸندە عانا جٸگٸتٸمەن سٷيٸسٸپ وتىرعان ورىس قىز سٷيٸكتٸسٸنٸڭ بەتٸنە شاراپ شاشىپ جٸبەرگەندە, ەكەۋمٸز دە كٷلٸپ جٸبەردٸك. جٸگٸت بەتٸن شالا سٷرتٸپ, قىزدى قولىنان سٷيرەپ, سىرتقا شىعىپ كەتتٸ. ورىس قىزعا كٶزٸن قايتا-قايتا قىسىپ وتىرعان افريكالىق سىراسىن تٷبٸنە دەيٸن اسىعىس قوپارىپ, بەرٸنە ٶزٸن كٸنەلٸ ساناپ, كٶزٸ الاق-جۇلاق ەتٸپ, ول دا كەتتٸ.
– بۇل وقيعا قالاي اياقتالادى دەپ ويلايسىز? – دەپ ول ميىعىمەن كٷلٸپ ماعان سۇراۋلى جٷزبەن قارادى.
بۇل سۇراققا جاۋاپ بەرگٸم كەلمەدٸ. بٸرٸنشٸ رەت كەزدەسٸپ وتىرعان ادام, ەرٸ مەنٸڭ جٸگٸتٸمنٸڭ رٶلٸن ويناعىسى كەلەتٸن جٸگٸت (كٸم بٸلەدٸ, ونى سول رٶلدە ٶزٸم دە كٶرگٸم كەلگەن شىعار) سۇراق قويدى ما, جاۋاپ بەرۋگە تيٸس ەدٸم.
– بٸرٸن-بٸرٸ دۋەلگە شاقىرىپ, سٸزدٸ سەكۋندانت رەتٸندە شاقىرماسى انىق, – دەپ قۇتىلدىم.
ول ەدەمٸ جىميدى.
«ورتامەن قالاي قارىم-قاتىناس جاساۋدى بٸلەتٸن, ولاردىڭ كٶڭٸل-كٷيٸن تابۋ ٷشٸن سانالى قادامدارعا باراتىن, تٸپتٸ ادامدارعا ۇناماي قالۋدان قورقاتىن ادام» دەپ ويلادىم.
– ەلگە قاشان ورالاسىز? – دەپ سۇرادى ول.
– ەلگە قاشان ورالاتىنىم ەلٸ بەلگٸسٸز. مەن مۇندا ٶزٸمدٸ ەرقاشان بٶتەن سەزٸنەم. سەبەبٸ, بۇل – مەنٸڭ قوعامىم ەمەس. مەنٸڭ قورقاتىنىم: ٶز ەلٸمدە جٷرگەندە ٶزٸمدٸ بٶتەن سەزٸنەم. مەن سول سەزٸمنەن, انىعى ٶزٸمنەن ٶزٸم قاشىپ جٷرگەن اداممىن, – دەپ شىنىمدى ايتتىم.
– جٷيە ٶزگەرسە, قوعام دا ٶزگەرەدٸ. سٸز ٶزٸڭٸزدٸ بٶتەن سەزٸنۋ سەزٸمٸنەن ارىلاسىز, – دەپ سەندٸردٸ.
مٸنە, مەنٸڭ الدىمدا شەتەلدە بٸلٸم العان, بيلٸككە ارالاسقىسى كەلەتٸن جاس جٸگٸت وتىر. مەن وعان قازاقتىڭ بولاشاعىنا, مەملەكەتتٸڭ دامۋىنا قاتىستى كٶپ سۇراق قويعىم كەلەدٸ. تەك جاۋاپ الا المايمىن با دەپ قورقامىن.
– سٸز بيلٸككە نە ٷشٸن ارالاسقىڭىز كەلەدٸ? – دەپ سۇرادىم.
– مەنٸ بيلٸكتەن كٶرگٸڭٸز كەلمەي مە? – دەپ ٶزٸمە قارسى سۇراق قويدى.
– ...
– سٸزدەن جاقسى ەيەل شىعاتىنىنا سەنەم, – دەپ كٶزٸمەن ەركەلەتٸپ, جىميدى.
«ادامدارمەن قارىم-قاتىناستا «قىتاي قورعانىن» تۇرعىزىپ الىپ, دۋالدىڭ ارجاعىندا تۇرسا دا, ساقتانىپ, سىبىرلاپ سٶيلەيدٸ».
مەن دە وعان دوستىق پەيٸلمەن جىميىپ قارادىم.
– بٸز بۇل جەرگە مەنەن قانداي ەيەل شىعاتىنىن تالقىلاۋعا جينالماعان شىعارمىز, – دەدٸم ونىڭ جانارىمەن ەركەلەتكەنٸ ۇناسا دا, قىرسىعىپ.
– ٶزٸڭٸزدٸڭ ماعان ۇنايتىنىڭىزدى جاقسى بٸلەسٸز, سٸز مەن تۋرالى بەرٸن بٸلەسٸز. ەركەكتەر ٶزٸ تۋرالى بەرٸن بٸلەتٸن ەيەلدەن قورقادى, – دەپ كٷلٸمسٸرەپ, سۋىپ قالعان كوفەسٸن ۇرتتادى. – بٸراق مەن سٸزگە ٷيلەنۋدەن قورىقپايمىن. سٸز وتباسى ٷشٸن ٶزٸڭٸزدٸ قۇرباندىققا شالىپ جٸبەرەتٸن ەيەلدەردٸڭ قاتارىنانسىز.
«ەگەر بۇل ادام ساياساتقا ارالاسسا, الىسقا بارادى. بۇل مەن تۋرالى ونى مەنٸڭ بٸلەتٸنٸمنەن دە كٶپ بٸلەدٸ» دەپ ٶزٸممەن ٸشتەي سٶيلەسٸپ وتىرىپ, ونىڭ ەرەكەتٸن باقىلاۋدى ۇمىتپادىم. ول ويعا شومعان بولىپ, كٶزٸنٸڭ استىنان ماعان ۇرلانىپ قاراپ قويادى.
– سوندا سٸز مەنٸ كٷيەۋٸنٸڭ كارەراسى ٷشٸن قۇرباندىققا بارا الاتىن ەيەلدٸڭ وبرازىندا كٶرگٸڭٸز كەلە مە? – دەدٸم.
– سٸز ٷشٸن وتباسى قۇندىلىعى دەگەنٸمٸز نە? – دەپ ٶزٸمە قارسى سۇراق قويدى.
– وتباسى قۇندىلىقتارىنىڭ اياققا تاپتالماۋى – ەيەلدٸڭ قانشالىقتى ارى مەن ۇياتىنىڭ تۇتقىنى ەكەنٸنە بايلانىستى, – دەدٸم ويىمدى جيناقتاي الماي.
– سٸز ٶمٸردە ٶزٸڭٸز سۋرەتتەگەن ەيەلدٸڭ وبرازىنداسىز, – دەپ كٶزٸمە تٸكە قارادى.
جانارىنان «مەن قالجىڭداپ وتىرعانىم جوق, ماعان سەن سەكٸلدٸ ەيەل كەرەك» دەگەن جازۋدى وقىدىم.
مىنا جانار – «بەرٸ مەنٸكٸ» دەگەن تىم ٶزٸمشٸل, ٶزٸنٸكٸن عانا دۇرىس دەپ بٸلەتٸن, ٶز مٷددەسٸ جولىندا ەشكٸمدٸ ايامايتىن, ەيەلٸنٸڭ پوتەنتسيالىن ٶزٸنٸڭ كارەراسى ٷشٸن پايدالاناتىن ادامنىڭ كٶزٸ ەدٸ.
– بٸرٸنشٸ ەيەلٸڭٸز سٸزدٸڭ مٷددەڭٸزدٸڭ جولىندا ٶزٸن قۇرباندىققا شالعىسى كەلمەدٸ مە? – دەپ سۇراقتى تٸكە قويدىم.
ول بەتٸمە تاڭدانا ەرٸ سەسكەنە قارادى.
– مەنٸڭ بٸرٸنشٸ ەيەلٸم بولعانىن قايدان بٸلەسٸز? سٸزگە ول تۋرالى كٸم ايتتى? – دەپ داۋسى بەسەڭسي شىقتى.
– ٶمٸرٸن جوسپار مەن كەستەلەرگە «سىيعىزىپ», سىزىپ قويعان شەڭبەرمەن جٷرەتٸن ادامدار, «بەرٸنە ۋاقىتىندا ٷلگەرۋٸم كەرەك» دەپ جانتالاساتىن ادامدار – ەرتە ٷيلەنٸپ, ەرتە تۇرمىس قۇرادى.
– سٸز ونداي تيپتەگٸ ادامداردى جەك كٶرەسٸز بە? – دەدٸ ول ەرنٸ بٸلٸنەر-بٸلٸنبەس دٸرٸلدەپ.
– ولار «ٶمٸردە بەرٸنە جەتتٸم» دەپ ويلايدى. شىن مەنٸندە, ولار ەشتەڭەگە جەتپەيدٸ. سەبەبٸ, ولار ٶزدەرٸن قۇدايعا جەتكٸزەتٸن ادامي قۇندىلىقتاردى تاپتاپ كەتەدٸ. ۋاقىت ٶتە كەلە سول سەزٸمدەرمەن بٸرگە ٶزدەرٸنٸڭ دە كٶمٸلٸپ كەتكەنٸن بايقايدى. تٸرٸ: تاماق ٸشەدٸ, جەيدٸ, وينايدى, كٷلەدٸ, ماتەريالدىق دٷنيەسٸ جەتەدٸ, بٸراق رۋحاني مٷگەدەك. قوعام تٷگٸلٸ, ٶزٸنە دە جاقسىلىق جاساي المايدى.
– سٸز ونى جەك كٶرەسٸز بە دەيمٸن... – دەگەن داۋسى تٸپتٸ ٶلٸمسٸرەي شىقتى.
ەرينە, ول مەنٸڭ ٶزٸ تۋرالى پٸكٸرٸمدٸ سۇراپ وتىر ەدٸ.
– جوق, مەن ونى جەك كٶرۋگە قاقىم جوق. ەر ادام, ەر ۇلت – قۇدايدىڭ ەرەكشە قۇبىلىسى. ول دا – قۇدايدىڭ شەدەۆرٸ. تٷپتٸڭ تٷبٸندە ونىڭ اقيقاتتى, قۇدايدى ٸزدەيتٸنٸنە سەنەم.
ول مەنٸڭ بەتٸمە تاڭدانا قارادى.
– ەكەم مەكتەپتە بيولوگييا پەنٸنەن ساباق بەردٸ. مٸنەزٸ قاتال ادام. ەكەمنٸڭ بٸلٸمٸنٸڭ تايازدىعىن بٸلەتٸن وقۋشىلار سىرتىنان مازاقتاپ, كٷلٸپ جٷرەتٸن. ەكەم دە مۇنى سەزەتٸن. وقۋشىلار ەكەمنەن قورىققانىنان ساباعىنا قاتىساتىن. بٸر كٷنٸ ەكەمنەن اقشا سۇرايىن دەپ بارسام, ساباق ٷستٸندە تىڭداماعان بٸر ەر بالانى قۇلاق شەكەسٸنەن ۇرىپ جاتىر ەكەن. اۋىلداعى ادامنىڭ بەرٸ ەكەمنەن پايىزبەن اقشا الاتىن. بالا كەزٸمدە وقۋشىلاردىڭ ەكەمە دەگەن جەككٶرٸنٸش سەزٸمٸن سەزگەندە «ەكەم مەكتەپتە جۇمىس ٸستەمەسە ەكەن» دەپ ارماندادىم. بٸردە ساباقتان شىقسام, كلۋبتىڭ ارتىندا جوعارى سىنىپتىڭ وقۋشىلارى تەمەكٸ شەگٸپ تۇر ەكەن. ٸشٸندەگٸ بۇزىق بالا دوستارىنا ٶزٸن كٶرسەتكٸسٸ كەلٸپ, «پسيحتىڭ بالاسى كەلە جاتىر» دەپ كەلەكە ەتتٸ. ەكەمنٸڭ لاقاپ اتى «پسيح» ەكەنٸن بٸلگەندە ونى بۇرىنعىدان دا جەك كٶردٸم جەنە قاتتى ايادىم. بويىمدا ەكەمدٸ قورعاعىم كەلگەن سەزٸم وياندى. كٸمنەن, نەدەن? ول اراسىن ٶزٸم دە انىق بٸلمەيمٸن... قازٸر «ەكەم باقۋاتتى كٸسٸ ەدٸ, وعان مەكتەپتە مۇعالٸم بولۋ نە ٷشٸن كەرەك بولدى?» دەپ ويلايمىن.
بالا كەزٸمدە ەكەمنەن قورقىپ جاقسى وقىدىم. ەكەم كٷن سايىن كٷندەلٸگٸمٸزدٸ تەكسەرەتٸن. كٷندەلٸگٸمدەگٸ بەستٸك باعالاردا مەنٸڭ ماڭداي تەرٸم بار ما, جوق پا, بٸلمەيمٸن, مەن قانداي جولمەن بولسام دا, بارلىق ساباقتان بەس دەگەن باعا الۋىم كەرەك ەدٸ. بالا كەزٸمنەن ەكەمە ۇناۋ ٷشٸن مۇعالٸمدەردٸڭ تٸلٸن تاۋىپ, بەستٸك الدىم. مۇعالٸمدەرگە ۇناۋدى, سٷيكٸمدٸ بولۋدى ٷيرەندٸم. بۇل ەسەيە كەلە ەدەت بولىپ كەتتٸ. مەندە ادامداردىڭ بەرٸ مەنٸ جاقسى كٶرٸپ, ۇناتاۋى تيٸس دەگەن تٷسٸنٸك قالىپتاستى. «ٶمٸردە قاتەلەسپەيمٸن» دەپ كٶپ قاتەلەستٸم. قاتەلٸكتەرٸمدٸ كەشٸرە المادىم, – دەپ كٷرسٸندٸ.
سول سەتتە ونىڭ شىنايى بەينەسٸنەن دە قورقاتىنىمدى تٷسٸندٸم.
– اياش, ەڭگٸمە ايتشى, – دەگەن داۋىس الىستان تالىپ ەستٸلگەندەي بولدى.
ونىڭ ٶزٸمەن بەتپە-بەت كەلٸپ, ٷنسٸزدٸكتەن, تىنىشتىقتان قورقىپ وتىرعانىن تٷسٸندٸم.
– اۋىلدا ەرتەلٸ-كەش كٶشە كەزٸپ, شىبىقتى ات ەتٸپ «ەرتتەپ مٸنٸپ» جٷرەتٸن, ەسٸ كٸرەسٸلٸ-شىعاسىلى, باقىرىپ ەن ايتىپ, بٸرەسە كٷلٸپ, بٸرەسە ٶكٸرٸپ جىلاپ, ادامنىڭ ايانىشىن تۋعىزاتىن شال بولاتىن.سول شال بالالارمەن دوپ قۋىپ, كٸشكەنتاي قىزدارمەن قۋىرشاق ويناپ, شاشىمىزدى قوس بۇرىم ەتٸپ ٶرٸپ بەرەتٸن. ونى كٸشكەنتاي بالالاردىڭ بەرٸ جاقسى كٶرەتٸن. ٷلكەندەر بالالارعا كٶكتەم باستالعاندا جەنە كٷز تٷسكەندە ونىمەن ويناۋعا تيىم سالاتىن. «قۇس كەلگەندە, سوسىن كەتكەندە ونىڭ اۋرۋى قوزاتىن» دەيتٸن ەجەم. بٸز ونىڭ قانداي اۋرۋ ەكەنٸن بٸلگەنٸمٸز جوق. ەيتەۋٸر ەرلەر جاعى «جىندى تۇرىس» دەيتٸن. بٸراق سول جىندى تۇرىستان زارداپ شەككەن ادامدى ەستٸمەپپٸن.
كٷن باتىپ بارا جاتقاندا ويناپ جاتقان بٸزدٸڭ قاسىمىزعا دٶڭگەلەنگەن ەيەلٸ كٷنٸمجان كەلەتٸن.
– قايتەيٸن ەندٸ, سەن دە بٸر بالاسىڭ عوي. تاعدىردىڭ باسقا سالعانىنا كٶنەمٸن. بايىمسىڭ, شىدايمىن. جٷرە عوي ەندٸ ٷيگە. تۇرەكەش, بول. پالاۋ جاسادىم. ەتٸ كٶپ. ساعان ارناپ دەۋ سٷيەك سالدىم. سەن پالاۋدى جاقسى كٶرەسٸڭ عوي. ٷستٸڭ دە كٸر بولىپتى, – دەپ ەركەلەتٸپ, زٸلٸ جوق داۋىسپەن ۇرسىپ قوياتىن.
كٷنٸمجان كٷيەۋٸ جىندى تۇرىستى جەتەلەپ ٷيٸنە ەكەتەتٸن. كەيدە جىندى تۇرىس «بٸراز وينايمىن» دەپ قيعىلىق سالسا, كٷنٸمجان قۇيرىعىنان تارتىپ-تارتىپ جٸبەرەتٸن. كٷيەۋٸ بالاشا باقىرىپ جىلاپ, بٸزگە قولىن بۇلعاپ, ٷيٸنە كەتەتٸن.
سول جىندى تۇرىستىڭ ٷش بالاسى بار ەدٸ. ٷشەۋٸ دە جاقسى وقىدى. زەرەك, العىر بالالار. ەشقايسىسى بٸزگە قوسىلىپ, ويناعان جوق. ەكەسٸنەن ۇيالىپ, نامىستاندى-اۋ دەيمٸن. كەيدە كٷنٸمجان كەلمەسە, ٷش ۇلىنىڭ بٸرٸ: «ەكە, ٷيگە جٷر. اپام كٷتٸپ وتىر» دەپ كەلٸپ تۇراتىن. ۇلى ەكەسٸن ەرتٸپ ەكەتە الماسا, اشۋلانىپ, تٷتٸگٸپ, كٷنٸمجان كەلەتٸن. بٸراق, «كٷنٸمجان تۇرىسقا كٷن بەرمەيدٸ ەكەن» دەگەندٸ ەستٸسەك, قۇلاعىمىز كەرەڭ بولسىن. كەرٸسٸنشە, اۋىلدىڭ بەرٸ «جىندى كٷيەۋٸن بالاشا ەلديلەپ, كٷتٸپ جاتىر. كٷنٸمجانعا راقمەت! بالالارى قانداي تەربيەلٸ, كٶركەم مٸنەزدٸ. كٷنٸمجان باياعىنىڭ بەيبٸشەلەرٸندەي سابىرلى, تەكتٸ عوي. جۇرت ساۋ كٷيەۋلەرٸنٸڭ باسىنا شەۋگٸم قايناتىپ جٷر. كٷنٸمجان بالالارىن جاقسى تەربيەلەپ, بٸر شاڭىراقتى ۇستاپ وتىر» دەپ ماقتايتىن. مەنٸڭ ەجەم كٷنٸمجاندى دا, ۇلدارىن دا جاقسى كٶرەتٸن. تۇرىس وسىدان بەس جىل بۇرىن دٷنيە سالدى. ۇلدارى وقىپ, جەتٸلدٸ. اۋىلدىڭ ٷلكەندەرٸ بالالارى مەن نەمەرەلەرٸنە تۇرىستىڭ ۇلدارىن ىلعي ٷلگٸ ەتٸپ وتىرادى, – دەپ بالالىق شاعىمدا كٶز الدىمدا قالعان ٶمٸر كارتيناسىن كٶز الدىما ەلەستەتٸپ, ەڭگٸمەلەپ بەردٸم.
ول مەنٸڭ قاسىما ٷنسٸز كەلٸپ, شاشىمنان سيپادى.
– اياش, جىندانىپ كەتسەم, مەنٸ تاستاماي, كٷنٸمجان سەكٸلدٸ ايالاپ, كٷتەتٸنٸڭە سەنەم. تٷرٸڭ سۇستى بولعانىمەن, جٷرەگٸڭ تىم جۇمساق ەكەنٸن بٸلەم, – دەپ شاشىمدى ەرەكشە مەيٸرٸممەن سيپادى. – اياش, سەن جاڭبىر جاۋىپ تۇرعان كەزدە جالاڭاياق جٷگٸرگەندٸ جاقسى كٶرەسٸڭ عوي. جٷرشٸ, ەشكٸمگە, ەشتەڭەگە قاراماستان جاڭبىر استىندا جالاڭاياق جٷگٸرەيٸك, – دەپ قولىمنان ۇستاپ, دالاعا شىعاردى.
بٸز ەشكٸمگە, ەشتەڭە قاراماستان جاڭبىر استىندا جٷگٸرە بەردٸك, جٷگٸرە بەردٸك.
اياگٷل مانتاي
وڭتٷستٸك قازاقستان وبلىسى, ماقتاارال اۋدانىندا دٷنيەگە كەلگەن. رەسەي حالىقتار دوستىعى ۋنيۆەرسيتەتٸنٸڭ تٷلەگٸ. (رۋدن)
2009 جىلى «جالىن» باسپاسىنان «جاڭبىرلى كٶكتەم» اتتى ەڭگٸمەلەر جيناعى جارىق كٶرگەن. ەڭگٸمەلەرٸ ۆەنگرييانىڭ, تٷركييانىڭ جەنە رەسەيدٸڭ تانىمال ەدەبي باسىلىمدارىندا جارييالانعان.
ول «سەرپەر» جاستار سىيلىعىنىڭ جەنە پرەزيدەنت ستيپەنديياسىنىڭ يەگەرٸ. بٷگٸندە مەسكەۋ قالاسىندا تۇرادى.
ۇلت پورتالى
