الماتىدا جولاۋشىلار سانىنىڭ ازايۋىنا بايلانىستى اۆتوبۋس جٷرگٸزۋشٸلەرٸنٸڭ جالاقىسى قىسقارمايدى. بۇل تۋرالى قالالىق موبيلدٸلٸك باسقارماسىنىڭ باسشىسى ساعىندىق تەلٸباەۆ ونلاين-بريفينگ كەزٸندە ايتتى, دەپ حابارلايدى قازاقپارات.
«كوروناۆيرۋس ينفەكتسيياسىنىڭ تارالۋىنا جول بەرمەۋ ٷشٸن بارلىق اۆتوبۋستاردا دەزينفەكتسييا جۇمىستارى جٷرگٸزٸلەدٸ. ونى ماماندانعان كلينينگٸلٸك كومپانييالار ٸسكە اسىرادى. قوعامدىق كٶلٸكتەر ەر رەيستەن كەيٸن تولىعىمەن زالالسىزداندىرىلادى», - دەيدٸ باسقارما باسشىسى.
سونىمەن قاتار, ول جولاۋشىلاردىڭ ازايۋىنا قاراماستان جٷرگٸزۋشٸلەردٸڭ جالاقىسى قىسقارمايتىنىن ايتتى.
«جولاۋشىلار سانىنىڭ ازايۋى اۆتوبۋس جٷرگٸزۋشٸلەرٸنٸڭ جالاقىسىنا ەسەر ەتپەيدٸ. ولار كارانتين رەجيمٸنە دەيٸن قانداي جالاقى الىپ كەلسە, سول كٶلەمدە تٶلەنەدٸ. جٷرگٸزۋشٸلەر تاڭەرتەڭ جۇمىسقا كٸرٸسپەس بۇرىن مەديتسينالىق تەكسەرٸستەن ٶتەدٸ. ول جەردە قان قىسىمى, دەنە تەمپەراتۋراسى تەكسەرٸلەدٸ. ەگەر سول كەزدە جٷرگٸزۋشٸ دەنساۋلىعىنىڭ ناشار ەكەنٸن ايتسا, بٸردەن جەدەل جەردەم شاقىرىلادى», - دەيدٸ ساعىندىق تەلٸباەۆ.
