ەلٸمٸزدٸڭ اۋىر اتلەتيكا سالاسىنداعى دوپينگ داۋى توكيو وليمپيداسىنىڭ نەتيجەسٸنە ەسەر ەتتٸ مە? بۇل سۇراققا اۋىر اتلەتيكادان قر مەملەكەتتٸك جاتتىقتىرۋشىسى مەڭدٸحان تەپسٸرۇلى جاۋاپ بەردٸ, دەپ حابارلايدى قازاقپارات.
«بٸزدٸڭ اۋىر اتلەتتەر تٶڭٸرەگٸندەگٸ دوپينگ داۋى وليمپيادا نەتيجەسٸنە ەسەر ەتتٸ دەپ ايتا المايمىن. وسىدان بٸرنەشە جىل بۇرىنعى مەسەلەنٸ قوزعاۋ ەدٸلەتسٸز بولىپ, سەنٸمدٸ جوعالتار ەدٸ. ونىڭ ٷستٸنە سوڭعى جىلدارى بٸزدٸڭ زٸلتەمٸرشٸلەر دوپينگ ەرەجەسٸن بۇزعان ەمەس. جالپى ريو وليمپياداسىنان كەيٸن ەلٸمٸزدٸڭ اۋىر اتلەتيكا فەدەراتسيياسى دوپينگپەن كٷرەستە ايتۋلى جۇمىس اتقارىپ كەلەدٸ. ياعني, سپورتشىلارعا دوپينگ تىيىمى سالىنىپ, قاتاڭ باقىلاۋعا الىندى. سوندىقتان دا 2016 جىلدان بەرٸ دوپينگ فاكتٸسٸ تٸركەلگەن ەمەس جەنە سپورتشىلارىمىز ەرەجەنٸ بۇزدى دەپ ويلامايمىن», - دەدٸ مەڭدٸحان تەپسٸرۇلى وكق-دە ونلاين ٶتكەن باسپاسٶز مەسليحاتىندا.
سونىمەن قاتار, مەملەكەتتٸك جاتتىقتىرۋشى ەل نامىسىن قورعاۋ ماقساتىندا شەتەلدەن لەگيونەر شاقىرۋعا قاتىستى پٸكٸر بٸلدٸردٸ.
«جاسىراتىنى جوق, بۇرىن سىرتتان سپورتشىلار شاقىردىق. اتاپ ايتقاندا, رەسەي, ەزەربايجان ەلٸنەن ورتا جەنە جەڭٸل سالماقتا شەتەلدٸك زٸلتەمٸرشٸلەر قازاقستان نامىسىن قورعاعان بولاتىن. قازٸر ٶز اتلەتتەرٸمٸز جەتكٸلٸكتٸ. شەتەلدەن سپورتشى شاقىرۋ ماقساتىمىز جوق», - دەيدٸ ول.
