مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلاماسىن جٷزەگە اسىرۋعا باعىتتالعان «اۋىلىم – التىن بەسٸگٸم» اتتى اۋىلدىق مەدەنيەت ٷيلەرٸ مەن كلۋبتارى اراسىندا ٶتكەن وبلىستىق كونكۋرستىڭ جٷلدەگەرلەرٸ كەشەندٸ دىبىس اپپاراتۋرالارى مەن ەرقايسىسى 300 مىڭ تەڭگەدەن اقشالاي سىيلىققا يە بولدى. ماراپاتتاۋ سالتاناتى تالدىقورعان قالاسىنداعى ٸ. جانسٷگٸروۆ اتىنداعى مەدەنيەت سارايىندا ٶتتٸ. جەڭٸمپازداردى وبلىس ەكٸمٸ اماندىق باتالوۆ قۇتتىقتادى.
كونكۋرس قاتىسۋشىلارىن قۇتتىقتاعان وبلىس ەكٸمٸ ا. باتالوۆ:
- حالقىمىزدىڭ مەدەني ەل-اۋقاتىن ارتتىرماي, تولىققاندى ەل بولۋ قيىن. بارلىق ٶنەردٸڭ باستاۋىنا اينالعان اۋىل مەدەنيەتٸنٸڭ بولاشاعى – قازاق ەلٸنٸڭ رۋحاني كەمەلدەنۋٸ. سول سەبەپتٸ اۋىل جۇرتشىلىعىنا دەگەن كٶمەگٸمٸزدٸ اياماي, قولداۋ تانىتۋ – بٸزدٸڭ باستى مٸندەتٸمٸز. جىل سايىن ٶتەتٸن مەدەنيەت كٷندەرٸن ٶتكٸزۋ فورماتى بيىل ٶزگەرتٸلٸپ, اۋىلدىق مەدەنيەت ٷيلەرٸ مەن كلۋبتارى قامتىلدى. بۇل بايقاۋعا اۋىلدارداعى 33 مەدەنيەت نىسانى قاتىستى, ولاردىڭ بارلىعىنا دا سىيلىقتار بەرٸلەدٸ. ەر اۋىلدا, ەربٸر ەلدٸ مەكەندە ٷلكەندەر ٷشٸن دە, جاستار ٷشٸن دە كلۋبتاردىڭ, مەدەنيەت ٷيلەرٸنٸڭ بولعانى ماڭىزدى. سول ماقساتتا جۇمىس جٷرگٸزٸپ كەلەمٸز. وبلىستاعى مەدەنيەت نىساندارىنىڭ كٷردەلٸ جٶندەۋ جۇمىستارى مەن جوبالىق-سمەتالىق قۇجاتتارىن ەزٸرلەۋدٸڭ ٶزٸنە عانا 1,1 ملرد. تەڭگە بٶلٸندٸ. الداعى ۋاقىتتا دا بٸرلەسٸپ اتقارعان ٸستەرٸمٸز جەمٸستٸ بولسىن! مەدەنيەتٸمٸزدٸ, باعا جەتپەس ٶنەرٸمٸزدٸ ناسيحاتتاۋ جولىنداعى ەڭبەگٸمٸز ەسەلەنە بەرسٸن, - دەدٸ ٶز سٶزٸندە.
بايقاۋ قورىتىندىسى بويىنشا 8 اۋىلدىق مەدەنيەت ٷيٸ جەڭٸمپاز دەپ تانىلىپ, ەرقايسىسىنا 300 مىڭ تەڭگەدەن اقشالاي سىيلىق سەرتيفيكاتى مەن كەشەندٸ دىبىس اپپاراتۋرالارى بەرٸلدٸ.
سالتاناتتى رەسٸم بارىسىندا قاتىسۋشىلاردىڭ بارلىعى دا ماراپاتتالىپ, سىيلىقتارعا يە بولدى. مەسەلەن, 10 اۋىلدىق مەدەنيەت ٷيٸ مەن كلۋبتارعا دىبىس اپپاراتۋراسى سىيعا تارتىلسا, قالعان 15-ٸنە بارلىق قوسالقى قۇرال-جابدىقتارىمەن بٸرگە كومپيۋتەرلەر تارتۋ ەتٸلدٸ. سٶيتٸپ, كونكۋرستىڭ بارلىق قاتىسۋشىلارىنا مەدەنيەت نىساندارىنىڭ جۇمىسىن جاقسارتۋعا, ماتەريالدىق-تەحنيكالىق بازاسىن نىعايتۋعا باعىتتالعان سىيلىقتار بەرٸلدٸ.
شارا بارىسىندا كونكۋرسقا قاتىسۋشىلاردىڭ ٷزدٸك نٶمٸرلەرٸنەن دايىندالعان گالا-كونتسەرت ۇسىنىلادى.
اتاپ ٶتسەك, الماتى وبلىسىندا 563 مەدەنيەت نىسانى مەن ارحيۆ بار. بيىلعى جىلى مەدەنيەت سالاسىنىڭ بيۋدجەتٸ 8,3 ملرد. تەڭگەنٸ قۇرادى. قازٸرگٸ كەزدە سارقان اۋداندىق مەدەنيەت ٷيٸ, جامبىل اۋدانى مىڭباەۆ اۋىلىنداعى, سارقان اۋدانى باقالى اۋىلىنداعى اۋىلدىق مەدەنيەت ٷيلەرٸ, تالدىقورعان قالاسىنداعى مەملەكەتتٸك ارحيۆ عيماراتىنا كٷردەلٸ جٶندەۋ جٷرگٸزٸلٸپ, سول سيياقتى 5 مەدەنيەت نىسانىنىڭ جٶندەۋ جۇمىستارىنىڭ جوبالىق-سمەتالىق قۇجاتتارى دايىندالۋدا.
