قازٸرگٸ ۋاقىتتا اۋىلشارۋاشىلىق تاۋار ٶندٸرۋشٸلەرٸنە ٶز ٸسٸمەن تولىققاندى اينالىسۋى ٷشٸن جاعداي جاساۋ كەرەك. قر پارلامەنتٸ مەجٸلٸسٸنٸڭ دەپۋتاتى ەرلان سايىروۆ وسىنداي پٸكٸر بٸلدٸردٸ, دەپ حابارلايدى قازاقپارات.
«بٸزدٸڭ ەلٸمٸزدە يمپورتتىڭ ٷلەسٸ ٶتە جوعارى. ينفلياتسيياعا سىرتتان ىقپال ەتٸپ وتىر. سوندىقتان قازٸرگٸ ۋاقىتتا بٸزدٸڭ اۋىلشارۋاشىلىق تاۋار ٶندٸرۋشٸلەرٸمٸزدٸڭ ەلٸمٸزدە ٶز ٸسٸمەن تولىق اينالىسۋىنا جاعداي جاساۋ قاجەت. ولارعا كٶبٸرەك باسىمدىقتار بەرۋ كەرەك, بٸراق ەڭ باستىسى – جۇمىسقا ارالاسۋدىڭ قاجەتٸ جوق. ەگەر ادامدارعا كەدەرگٸ كەلتٸرمەسە, ٶزدەرٸ-اق جاقسى قوعامدىق, ساياسي يگٸلٸكتەر جاساي الادى», - دەدٸ سايىروۆ نۇر-سۇلتانداعى ۇلتتىق قوعامدىق سەنٸم كەڭەسٸ مٷشەلەرٸنٸڭ وتىرىسىندا.
دەپۋتاتتىڭ ايتۋىنشا, يمپورتتىڭ ٷلەسٸ قىسقارۋى ٷشٸن اۋىلشارۋاشىلىق تاۋار ٶندٸرۋشٸلەردٸڭ جوعارى قايتا ٶڭدەلگەن ٶنٸم ٶندٸرۋگە كٶشۋٸ ٷشٸن جاعداي جاساۋ قاجەت.
«ەڭ باستىسى – ازىق-تٷلٸك يمپورتىنىڭ ٷلەسٸن ازايتۋ», - دەدٸ ساراپشى.
