جەرگٸلٸكتٸ ٶزٸن-ٶزٸ باسقارۋدىڭ جاڭا تۇجىرىمداماسى ەزٸرلەنەدٸ. بۇل تۋرالى قر پرەمەر-مينيسترٸنٸڭ بٸرٸنشٸ ورىنباسارى ەليحان سمايىلوۆ ايتتى, دەپ حابارلايدى "ۇلت اقپارات".
«ەلدٸڭ تەڭگەرٸمدٸ ٶڭٸرلٸك دامۋىنىڭ جاڭا ەدٸستەرٸ جاسالاتىن بولادى. ول ەربٸر ناقتى ٶڭٸردٸڭ بەسەكەگە قابٸلەتتٸلٸك باسىمدىعىن اشۋ شارالارىن دا قامتيدى. بۇل ٷشٸن 2030 جىلعا دەيٸنگٸ اۋماقتىق-كەڭٸستٸكتٸك دامۋدىڭ بولجامدى سىزباسىنا تيٸستٸ ٶزگەرتۋلەر ەنگٸزٸلەتٸن بولادى», - دەدٸ بٸرٸنشٸ ۆيتسە-پرەمەر ٷكٸمەت ٷيٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, اۋىلدارداعى ٶزەكتٸ ينفراقۇرىلىمدىق مەسەلەلەردٸ شەشۋگە باعىتتالعان «اۋىل ەل بەسٸگٸ» جوباسىن جٷزەگە اسىرۋ جالعاسىن تابادى.
«جەرگٸلٸكتٸ ٶزٸن-ٶزٸ باسقارۋدى جەتٸلدٸرۋ جەنە «حالىق قاتىساتىن بيۋدجەتتەردٸ» دامىتۋ اياسىندا اۋىلدىق وكرۋگتەر بيۋدجەتٸنٸڭ قارجىلىق مٷمكٸندٸكتەرٸ كەڭەيتٸلەدٸ. جەرگٸلٸكتٸ ٶزٸن-ٶزٸ باسقارۋدىڭ جاڭا تۇجىرىمداماسى ەزٸرلەنەدٸ. اتالعان تۇجىرىمداما اياسىندا اۋىل ەكٸمدەرٸن تٸكەلەي سايلاۋدى ەنگٸزۋ, جەرگٸلٸكتٸ مەملەكەتتٸك باسقارۋدىڭ مٷلٸكتٸڭ قۇقىعىن جەنە مەسليحاتتاردىڭ ٶكٸلەتتٸگٸن كەڭەيتۋ بويىنشا ۇسىنىستار ەزٸرلەنەدٸ», - دەدٸ ٷكٸمەت باسشىسىنىڭ بٸرٸنشٸ ورىنباسارى.
سٶز سوڭىندا ەليحان سمايىلوۆ مەملەكەت باسشىسىنىڭ جولداۋىندا ەلدٸڭ ناقتى دامۋ باسىمدىقتارى بەلگٸلەنٸپ وتىرعاندىعىن, قويىلعان مٸندەتتەر تولىعىمەن جەنە ۋاقتىلى جٷزەگە اسىرىلاتىندىعىن باسا ايتتى.
