بٷگٸن قازاقستان رەسپۋبليكاسى پرەمەر-مينيسترٸنٸڭ ورىنباسارى ەرالى توعجانوۆ باسشىلىعىمەن وتاندىق ٶندٸرٸستٸڭ 24 جىلجىمالى مەديتسينالىق كەشەنٸن ەلٸمٸزدٸڭ تٶرت سولتٷستٸك ٶڭٸرٸندەگٸ اۋداندىق اۋرۋحانالاردىڭ قىزمەتكەرلەرٸنە سالتاناتتى تابىستاۋ رەسٸمٸ ٶتتٸ, دەپ حابارلايدى "ۇلت اقپارات" primeminister.kz سٸلتەمە جاساپ.
ۆيتسە-پرەمەر ە. توعجانوۆ قۇتتىقتاۋ سٶزٸندە مەملەكەت باسشىسى مەن ٷكٸمەتتٸڭ اتىنان ەلٸمٸزدٸڭ بارلىق مەديتسينا قىزمەتكەرلەرٸنە قاجىرلى ەڭبەكتەرٸ ٷشٸن شىن جٷرەكتەن العىسىن بٸلدٸردٸ.
ەل باسشىلىعى ساپالى مەديتسينالىق كٶمەك كٶرسەتۋ ٷشٸن اۋرۋحانالاردى زاماناۋي مەديتسينالىق جابدىقتارمەن جابدىقتاۋ بويىنشا شارالار قابىلدانعانىن ەرەكشە اتاپ ٶتتٸ. جىلجىمالى مەديتسينالىق كەشەندەر وتاندىق اۆتوكٶلٸك نەگٸزٸندە قۇرىستىرىلعان جەنە كٶشپەلٸ جاعدايدا ازاماتتاردىڭ دەنساۋلىعىن تەكسەرۋدٸڭ كەڭ سپەكترٸنە ارنالعان.
كەشەن تسيفرلىق قۇرالدارمەن جابدىقتالعان 7 مامانداندىرىلعان كابينەتتەن تۇرادى: جالپى قابىلداۋ كابينەتٸ, جالپى تەجٸريبەلٸك دەرٸگەر زوناسى, تالداۋلاردى قابىلداۋ زوناسى, دەرٸحانا پۋنكتٸ, فۋنكتسيونالدىق دياگنوستيكا تەستٸلەرٸ, اكۋشەر-گينەكولوگ كابينەتٸ, سەۋلەلٸك دياگنوستيكا كابينەتٸ.
سونىمەن قاتار, موبيلدٸ مەديتسينالىق ورتالىقتا ارنايى قورعاسىنمەن قاپتالعان بٶلمە ورناتىلعان, وندا رەنتگەن جەنە فليۋوروگرافييانى قاۋٸپسٸز جاساۋعا بولادى. جٷيەنٸڭ باسقا ادامنىڭ جەردەمٸنە مۇقتاج جاندار ٷشٸن ينفراقۇرىلىمدىق جٷيەمەن جابدىقتالۋى ٶتە ماڭىزدى — پاندۋس-ليفت مٷمكٸندٸگٸ شەكتەۋلٸ ادامداردى قابىلداۋدى قولجەتٸمدٸ ەتەدٸ.
اتالعان كەشەندەر اۋدان ورتالىقتارىنان 100 شاقىرىمنان استام قاشىقتىقتا ورنالاسقان اۋىلدىق وكرۋگتەردە مەديتسينالىق قىزمەتتەردٸ جوعارى دەڭگەيدە كٶرسەتۋگە مٷمكٸندٸك بەرەدٸ. اعىمداعى جىلدىڭ 23 قازانىنا دەيٸن قازاقستاننىڭ ٶڭٸرلەرٸ 100 جىلجىمالى مەديتسينالىق كەشەنمەن قامتاماسىز ەتٸلەدٸ.
ٶز كەزەگٸندە مەديتسينا قىزمەتكەرلەرٸ مەملەكەت تاراپىنان جان-جاقتى قولداۋ كٶرسەتٸلٸپ كەلە جاتقانىنا زور ريزاشىلىقتارىن بٸلدٸردٸ. وسىنداي كەشەندەردٸڭ ارقاسىندا دەرٸگەرلەر اۋىل تۇرعىندارىنا ساپالى كٶمەك كٶرسەتٸپ, قازاقستان ازاماتتارىنىڭ دەنساۋلىعى مەن ٶمٸر سٷرۋ ۇزاقتىعىن جاقسارتا الاتىنىن اتاپ ٶتتٸ.
